JEREMIA 50:9 - Bawm Common Language Bible Version

⁹ Mârlei mi phun chak tak ka thawktir na lai le, Babulon mi tla ka dotir na lai. Râldo ding hen ram lakah an hawng a tlar lai le, an neh lai. Kah thiam mi minung tla an si le, anna sêl mi chu chanhtiang hen kah ṭhelh dahlo mi an si.

JEREMIA 50:9 ပူးပေါင်းရင်းမြစ်များ

2 SAMUEL 1:22

Jonathan chanhtiang chu thihnâk asi. Saul nâmsâu nih khua a ruat lo, mi chak leh mêlma tla a thah na.

LA TLA LA 3:8

An ektê hen nâmsâu mang thiam mi; râltuknâk ah mi râlṭha tla an si. An ektê hen nâmsâu anna put le, zân ah râlvêngtu an si.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

ISAI 41:25

“Saklei ah um mi minung chu ka thîm rawh; mârlei thawk hen dotu ding ah ka hawng put lai. Nehtu hâwi hen lâirêltu tla chu a lamh na le, bêlhêmtu nih sunhtlung valei a lamh hâwi hen.

JEREMIA 15:14

Ka thinthawknâk chu mei hâwi hen a alh kumza ruangah an theih dah lonâk ram ah mi an mêlma tla rianṭuantu ah ka siam na awt,” a ti.

JEREMIA 25:14

Babulon mi tla chu thil a ti mi lehrûl ka sam lai le, phun zawzawng tla leh lal rokual tla nih sal ah an mang na lai,’ ” a ti.

JEREMIA 50:14

“Chanhtiang kahtu tla, Babulon do ding hen a tlâr ule, hual u. Kei, LALPA lakah thilsual a ti ruangah nan chanhtiang thalzum hen Babulon kah u.

JEREMIA 50:21

LALPA nih, “Merathaim leh Pekod mi tla chu do na u. Thah na ule, veih dep na u. Thu ka nan pêk na mi zawng chu ti u. Kei, LALPA nih ka sim asi.

JEREMIA 50:26

Munkip thawk hen do ule, an fâng siahnâk mun tla chu phawngh u! Fâng an pawng mi hâwi hen râllâk thil tla pawng u! Ram râwk dep u! Zeikhawm mâk lah u!

JEREMIA 50:29

“Chanhtiang mangtu tla chu Babulon do ding hen simh na u. Chanhtiang fung leh thalzum mang thiamtu tla chu fial na u. Khuapi hual ule, pakhat khawm suaktir lah na u! Kei, Israel Mi Thenhlimh tlûnah zûm tak hen thil a ti ruangah, thil a ti mi hâwi hen a lakah ti ule, midang a ti na mi hâwi hen ti bâk u.

JEREMIA 50:3

“Mârlei thawk hen a hawng mi phun nih Babulon chu a do lai le, a karo hen a siah lai. Ran leh minung tla an tek phin lai le, âukhawm chunah chun an um lai lo,” a ti.

JEREMIA 51:11

LALPA nih Babulon mi tla chu veih a tum ruangah Media lalchem tla chu a thawktir na. Chu chu asi, a Biakin râwk ruangah lehrûl a sam mi chu.