JEREMIA 50:5 - Bawm Common Language Bible Version

⁵ Zion lampi an deih lai le, chu lei chun an kal lai, ka sinah zungzâl thudântuk an siam lai le, an buar lai lo rawh.

JEREMIA 50:5 ပူးပေါင်းရင်းမြစ်များ

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

2 SAMUEL 23:5

Keimah hen zungzâl thudântuknâk a nei rawh ruangah asi, Pathian nih hi hâwi hen ka thlâk tla chu mal a sâwm awt; chu remnâk chu â râwk lai lo le, a thutiam khawm thlâkthleng asi lai loh. Chu zawng chu ka duh mi chu asi; ka nehnâk ding mi chu asi. Chu chu Pathian nih a langhtir lai.

1 Lal 19:10

Anih nih a sâng le, “LALPA, Pathian zeizawng tikho, nangmah nâwl cho ka nan zulh. Sikhawmsele na mi Israel tla nih an sinah thudân na tuk mi an buar le, na mâichâm tla an siat, na khuavâng zawzawng an thah, keimah lâwng ka âwl, kei khawm thah an ka tum!” a ti.

1 Lal 19:14

Anih nih a sâng le, “LALPA Pathian, zeizawng tikho, nangmah nâwl lâwng ka nan zulh kumza le, Israel lam nih chun an sinah thudân na tuk mi an buar le, na mâichâm tla an râwk le, na khuavâng tla an thah hep, keimah lâwng ka âwl le, kei khawm thah ding an ka awt,” a ti.

SAM 84:7

An kal liau chun an chak dadauh le, Pathian tla Pathian chu Zion ah an muh lai.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

JEREMIA 3:18

Israel leh Juda chu anna fawnh lai le, munkhat hen marlei ram thawk hen sal ah tâng mi an hawng kal lai le, an thlâktu tla sinah ting pawt ding hen ka pêk na mi ram ah an hawng kîr lai,” a ti.

JEREMIA 31:21

Theihtirnâk siam le, lampi singsiah; na mâknâk ram ah lampi hâwl nawlh. Israel mi tla hawng kîr u, nan mâk mi khuapi tla ah nan in ah hawng tlung u.

JEREMIA 31:6

Asi, vêngtu nih Efraim tlângah, ‘LALPA, kan Pathian sinah Zion tlângah kan kâi lai, ti hen âu ding mi tik chu a tlung rawh,’ ” a ti.

JEREMIA 32:40

Anmah hen zungzâl thudântuk ka siam lai. Ka lakah mi an hawng ka hertâk lo rawhnâk ding hen an rangah thil ṭha ti ka bâng lai lo, an thinlung zawzawng hen hawng ka ṭihtu ding ah ka siam na lai.

JEREMIA 6:16

LALPA nih a mi tla sinah, “Lamṭhuam ah dîr ule, zauh u. A lânah mi lampi tla leh lampi ṭha chem umnâk chu deih u. Chu lakah kal ule, thlangam tak hen nan um lai,” a ti. Sikhawmsele annih nih, “Ihih, kan kal awtlo!” an ti.

EZEKIEL 16:61

Chu lakah thil na ti mi leh ningzakkâi tak hen na um mi chu na unu leh na naunu na tawng nawlh na tik chun an theihkumza lai. Na fanu hâwi hen ka umtir na lai le, chu hâwi sikhawmsele hi hi na lakah thudântuk mi lam chu asi lo.

EZEKIEL 37:22

Israel ram tlâng tla ah phun khat ah tlâi dut hen ka siam na awt. Lal pakhat an lakah lâirêltu ding ah an nei lai le, phun nih ah ṭhen hen lalram panih ah an um lai lo rawh.

HOSEA 1:11

Juda mi leh Israel mi tla chu anna tlâi nawlh lai, an rangah ruitu pakhat an thîm lai le, an ram ah tluang tak hen an ṭhanglian nawlh lai. Jezreel ni chu ni rokual tak a hawng si lai!

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

HOSEA 6:1

Mi tla nih, “LALPA sinah kan kîr lai, nganfâk hawng kan pêk khawmsele hawng kan damh ngelchel lai, hawng kan liamh khawmsele hawng kan tuam piak lai lo mazei?

JOHAN 7:17

âuzawng amah duhzia ti duh nih chun, thu sîntir hi Pathian lakah mi ma si, keimah phuak sawm hen ka sim mi ma, a theih lai.

THILTI 11:23

Chun, anih chu a va tleng le, Pathian zângfahnâk chu a muh le, thungâi â lâwm, ṭhanemngâi tak hen Lalpa lakah zumhkâi ding hen an ektê hen a fawrh na rawh.

2 KORIN 8:5

Chu khawm chu kan ruat lo hâwi tak hen an ti le, Pathian duhzia hen anmah tak Lalpa sinah leh kanmah sinah anna pêk masa ta rih asi.