JEREMIA 50:4 - Bawm Common Language Bible Version

⁴ LALPA nih, “Chu tik chu a hawng tlung chun, Israel leh Juda tla chu Kei an Pathian hawng ka hâwl hen ṭap bû hen an hawng vevê lai.

JEREMIA 50:4 ပူးပေါင်းရင်းမြစ်များ

2 CHRONICLES 7:14

ka sinah thla an cham hen an thilsual ti bâng hen an rim chun vân thawk hen ka ngâi lai le, an sual tla ka ngaihdam lai le, an ram chu ṭha hen ka siam nawlh lai.

SAM 105:4

An ṭangpi ding hen LALPA sinah kal le, amah chu sawnh vima.

ISAI 14:1

LALPA nih a mi Israel tla lakah khua a ruat nawlh lai le, amah mi ah a thîm na lai. Anmah ram ah a umtir nawlh na lai le, ramdang mi tla khawm an hawng lai le, chunah chun an sinah an um lai.

ISAI 45:19

A thup hen thu ka sim lo, ka thiltum chu ka thuh lo. A karo hen siat leh râwk hen um mi hawng ka zauhkhenh piaktu ding ah Israel mi tla ka herh lêm lo. Kei, LALPA thu dik simtu kasi; a dik mi chu mikip theih hen ka langh,” a ti.

ISAI 55:6

Tuah a nâi tek liauah LALPA leiah a her ule, a sinah thlacham u.

ISAI 63:4

Ka mi le tla ruangsuah ding hen ka ruat mi tik chu a tlung rawh; an mêlma tla rêp tik asi rawh.

JEREMIA 31:31

LALPA nih “Israel mi leh Juda tla hen thudântuknâk ka siam ding mi tik chu a tlung rawh.

JEREMIA 33:15

Chu tik chun David thlâk rep tak chu lalchem ah ka thîm lai. Chu lal nih chun ram pumpi ah thil dik leh rep tak a ti lai.

JEREMIA 41:6

Churawhchun, Ismael chu ṭap bû hen anmah tla va tawng ding hen Mizpah ah mi a suak. An sinah a va tleng rawh chun an sinah, “Zângfahtê hen Gedaliah muh ding hen hawng lût u,” a ti.

EZEKIEL 16:61

Chu lakah thil na ti mi leh ningzakkâi tak hen na um mi chu na unu leh na naunu na tawng nawlh na tik chun an theihkumza lai. Na fanu hâwi hen ka umtir na lai le, chu hâwi sikhawmsele hi hi na lakah thudântuk mi lam chu asi lo.

EZEKIEL 39:25

LALPA Zahkâi nih, “Sikhawmsele, tu lam chun Jakob thlâk Israel mi tla tlûnah khua ka ruat lai le, sul-le-lam tluang tak hen ka siam na lai. Ka min thenhlimh chu ka hum lai rawh.

HOSEA 1:11

Juda mi leh Israel mi tla chu anna tlâi nawlh lai, an rangah ruitu pakhat an thîm lai le, an ram ah tluang tak hen an ṭhanglian nawlh lai. Jezreel ni chu ni rokual tak a hawng si lai!

HOSEA 11:10

“An mêlma tla lakah chakeibaknei hâwi hen ka hûk tikah chun ka mi tla nih an hawng ka zûl lai rawh. Thlanglei thawk hen khulrang hen ka sinah an hawng lai.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

HOSEA 6:1

Mi tla nih, “LALPA sinah kan kîr lai, nganfâk hawng kan pêk khawmsele hawng kan damh ngelchel lai, hawng kan liamh khawmsele hawng kan tuam piak lai lo mazei?

JOEL 2:12

LALPA nih, “Tu khawm ah, zumhkâi tak hen rim ule, ṭap bû leh lungfâk tak hen buhngei hen ka sinah hawng kîr u.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

JEM 4:9

ngaihsia u, râk u, ṭap u, nan nihnâk chu ṭapnâk ah a chang seh, nan lâwptlonâk chu zûrnâk ah a chang seh.