JEREMIA 50:3 - Bawm Common Language Bible Version

³ “Mârlei thawk hen a hawng mi phun nih Babulon chu a do lai le, a karo hen a siah lai. Ran leh minung tla an tek phin lai le, âukhawm chunah chun an um lai lo,” a ti.

JEREMIA 50:3 ပူးပေါင်းရင်းမြစ်များ

GENESIS 6:7

“Hi minung tla leh ramsa tla leh vâ tla ka siam na mi ka sîr tuktarâi, ka veih dep na lai,” a ti.

EXODUS 12:12

“Chu zân ah chun Aigupta ram pumpiluk ka ṭawl awt, fapa tîr, minung leh ran lakah mi ka thah na lai le, Aigupta pathian zawzawng ka rêp awt. Kei hi LALPA chu kasi.

ISAI 41:25

“Saklei ah um mi minung chu ka thîm rawh; mârlei thawk hen dotu ding ah ka hawng put lai. Nehtu hâwi hen lâirêltu tla chu a lamh na le, bêlhêmtu nih sunhtlung valei a lamh hâwi hen.

ISAI 45:1

LALPA nih Kirus chu lalchem siding hen a thîm. Phun tla nehtu ding ah a ruat le, lalchem tla thiltikhonâk suh na ding hen a fial le; LALPA nih khuapi kulh kawtkâ chu a rangah a awng piak lai. LALPA nih Kirus sinah,

JEREMIA 21:6

Hi khuapi ah um mi zawzawng chu ka thah hep awt; minung khawm ran khawm bang cho hen râi ṭihnungkâi lakah an thi lai.

JEREMIA 50:9

Mârlei mi phun chak tak ka thawktir na lai le, Babulon mi tla ka dotir na lai. Râldo ding hen ram lakah an hawng a tlar lai le, an neh lai. Kah thiam mi minung tla an si le, anna sêl mi chu chanhtiang hen kah ṭhelh dahlo mi an si.

JEREMIA 51:11

LALPA nih Babulon mi tla chu veih a tum ruangah Media lalchem tla chu a thawktir na. Chu chu asi, a Biakin râwk ruangah lehrûl a sam mi chu.

JEREMIA 51:48

Mârlei thawk hen amah veihtu ding mi kut ah Babulon chu a tlû tikah tual tlûnah thil zawzawng leh vân ah mi tla lâwm hen an âu lai.

JEREMIA 51:62

Churawhchun, ‘LALPA, hi mun hi, minung leh ran khawm umlo rawh hen ramkaro hen ka umtir lai le, chunah chun thilnung rerêng a um lai lo, ti hen na sim,’ ti hen thlacham rawh.

JEREMIA 7:20

Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

JEREMIA 9:10

Kei nih, “Tlâng sâng tla leh ram ningno tla chu an châr hep le, pakhat khawm chu lakah mi velvâ an um lo ruangah ka lungfâk tukah ka ṭap. Ranrual tla hâu khawm theih asi lo rawh; va leh ramsa tla khawm an tek phin,” ka ti.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

ZEPHANIAH 1:3

minung leh ramsa zawzawng, va leh nga tla ka veih hep awt, misual tla niamnâk ka tlungtir awt. Minung zawzawng pakhat khawm âk lo hen ka veih hep awt. Kei, LALPA nih ka sim mi asi.