JEREMIA 50:2 - Bawm Common Language Bible Version

² “Phun tla chu thâwngthâng simh na u! Phuang u! Singsiahnâk pêk ule, thâwngthâng phuang u! A thuptê hen kil ko lah u! Babulon chu a tlû rawh! A pathian Marduk khawm râwk dep asi rawh! Babulon milem chu ningzak saih asi le, a milem fihnungkâi tla khawm â râwk rawh.

JEREMIA 50:2 ပူးပေါင်းရင်းမြစ်များ

SAM 64:9

An ektê hen an lâu lai le, Pathian nih thil a ti mi thu chu an dawn lai le, a thilti tla chu an sim lai.

SAM 96:3

Mi zawzawng sinah a chaknâk thilti chu phun tla sinah a rokual zia phuang u.

SAM 97:7

Mikip ruk sawnhtu chu ningzak saih hen a um; pathian zawzawng tla chu LALPA mâika ah an kûn.

ISAI 12:4

Mi zapi tla la sak ding mi ni a hawng tlung awt rawh, “LALPA sinah lâwmthu sim ule! A nan ṭangpi na ding hen kawh u! A thilti chu phun tla zawzawng simh ule, a rokual zia khawm simh na u!

ISAI 13:2

Tlâng karo tlûnah râltuknâk puanzâr thlâi hen a um! Kawrsen tla sinah chun khuapi zûm kulh kawtkâ do ding hen theihtirnâk ding ah nan bân zangh u, ti hen auh na u.

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

ISAI 37:19

thing leh lung hen an kut hen an siam mi pathian lem tla chu a duah piak ti khawm kan theih.

ISAI 39:1

Chu liau chun Babulon lalchem Baladan fapa, Merodak Baladan nih lalchem Hezekiah a dam lo ti a theih le, a sinah lasui a kuat le, thil tla khawm a pêk.

ISAI 46:1

“Hi hi Babulon pathian tla rangah a dawnghnâk chu asi! Bel leh Nebo chu veikhat chu sawnh hen an um le, sikhawmsele tu lam chun ran dî tak tla, sanatung kêng tlûnah phurhtir hen an um rawh.

ISAI 48:20

Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

ISAI 48:6

“A lânah thil um ding mi ka sim mi zawzawng kha tu chun a hawng um rawh; ka thu simkan chu a dik asi ti nan theihthiam ding asi rawh. Thil hawng um mi tla a lânah ka langh lo mi thil thar a hawng um ding mi tuah ka nan simh na lai.

JEREMIA 10:11

(Nannih mi zapi tla, tual leh vân siam kholotu pathian chu veih asi lai ti simh na u. Hi tual tlûn zei mun khawm ah an um lai lo rawh.)

JEREMIA 10:15

Mangtlâklo leh zauhnawmh ding mi an si le; LALPA, anmah do ding hen a hawng tik chun an vei lai.

JEREMIA 31:10

LALPA nih, “Phun tla, ka thu ngâi u, ka thu tla chu tiva kap lât takah va phuang u. Ka mi tla chu ka rektir phin na le, sikhawmsele ka pumh nawlh na lai le, dawrâpu nih a dawrâ rual a vêng na mi hâwi hen ka vêng na lai.

JEREMIA 4:16

Phun tla leh Jerusalem mi tla chu ram lât tak thawk hen mêlma tla an hawng kal ti simhkan ding hen an hawng. Chubang mêlma tla nih Juda khuapi tla chu an âu nawh na lai le,

JEREMIA 4:6

Zion leikâng fûk u! Him ding hen tek u! Fâwkfual lah u! LALPA nih marlei thawk hen siatnâk leh râwknâk tak a hawng tlungtir.

JEREMIA 46:14

“Aigupta khuapi tla, Migdol, Memphis leh Tahpanhes ah thu phuang u: ‘A vêng ding hen a timhtuah u; nan neih zawzawng chu râltuknâk ah a vei hep lai!

JEREMIA 50:46

Babulon a tlûk tik chun an hâu nih tual pumpi a tlirh lai le, ṭap hâu chu phun dang tla nih an theih lai,” a ti.

JEREMIA 51:12

Dotu lakah hotu tla nih, “Nan chanhtiang thalzûm tla tât u! Nan phaw tla lâk zet u! Babulon kulh do ding hen theihtirnâk pêk u. Vêngtu chu chaktir u! Râlvêngtu tla siah u! Bawhtu tla siam u!” a ti. LALPA nih Babulon mi tla lakah ti ding a tum mi chu a ti rawh.

JEREMIA 51:27

“Do ding hen singsiahnâk pêk u! Phun tla nih theih kho ding hen tâwtawrâwt tum u! Phun tla, Babulon do ding hen a tîm u! Ararat, Minni, Askenaz lalram tla chu râltuk ding hen simh na u. Tuknâk ah ruitu ding hen hotu ruat u. Khâubawk rual hâwi hen rang tla put na u.

JEREMIA 51:31

Mifial dang dang tla nih Babulon lalchem chu a ker kip ah a khuapi tla chu â râwk rawh ti simh ding hen an tek.

JEREMIA 51:44

Babulon mi tla pathian Bel an ti mi chu ka rêp lai le, a thil fîr tla chu ka mâktir rel lai le; phun tla nih amah an sawnh lai lo rawh. “Babulon khua kulh chu a chim rawh.

JEREMIA 51:47

Churuang chun Babulon milem ka do ding tik chu a tlung rawh. Ram pumpi chu ningzakkâi tak hen siah asi lai le, a mi tla zawzawng thah an si lai.

JEREMIA 51:52

Churuang chun, Babulon mi lem tla chu ka do ding mi tik a tlung rawh, anna liam mi tla rûm hâu chu ram pumpi ah a um lai ti ka sim asi.

JEREMIA 51:8

Babulon chu a tlû sâwm le, a vei rawh! Lungfâkpi u! Turpang hâwl piak u, a dam kekkawk lai mawh.

JEREMIA 52:31

Evilmerodak Babulon lalchem asi kum ah Juda lalchem Jehoiakin lakah vêlneinâk langh hen rêng ah mi a suah. Chu chu Jehoiakin sal ah put a sinâk thawk hen kum sâwmthum leh kum sarih thla leinih ni kul leh ninga ni ah a hawng um mi asi.

JEREMIA 6:18

Churawhchun, LALPA nih, “Nannih phun tla, ngâi ule, ka mi le tla lakah zei a hawng tlung awt theih u.

DANIAL 1:2

Lalpa nih lal Jehoiakim chu a tleihtir le, Biakin ah mi thil-le-rî zeimaw mi a lâk. A mi tleih tla chu Babulon ah mi a pathian biakin tla leiah a put na le, a thil lâk tla chu biakin ah thil siahnâk ah a siah.

DANIAL 3:14

An sinah, “Sadrak, Mesak leh Abednego, ngûn milem ka siah mi sawnh hen nan mâimûk duh lo an ti mi hi a dik ma?

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.

THUPHUANG 18:2

Vânmifial nih chun hâu fâk tak hen, “Babulon khua rokual tak, khuri tla, thlarau nâwmtâm tla, nâwmtâm kip leh vâ nâwmtâm tla umnâk chu a tlû rawh;