JEREMIA 5:6 - Bawm Common Language Bible Version

⁶ Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

JEREMIA 5:6 ပူးပေါင်းရင်းမြစ်များ

2 CHRONICLES 36:14

Chu lâwng khawm silo hen Juda tla lakah ruitu, bâwlpu tla leh mi zapi tla khawm nih an kiangkam ah mi phun tla tidân zûl hen milem tla an sawnh le, LALPA amah ngelchel nih a thenhlimhtir mi Biakin khawm an nawmh rawh.

Ezra lasuibu 10:10

Bâwlpu Ezra chu a dîr le, an sinah thu a sim le, “Ramdang nunau nan umpi ruangah Pathian lakah zumhnâk nei lo hen Israel lakah sualnâk nan tlungtir.

Ezra lasuibu 9:6

A sinah, “Pathian, na mâika ah ka lû tung ding khawm thungâi ka ningzak. Kan sualnâk chu kan dung ngâk sâng hen â pawng. Vân tawngh khet hen a sâng rawh.

JOB LASUIBU 10:16

Chubang lakah dingchang hen um khawmsele, chakeibaknei hâwi hen na ka pêl le, keimah nganfâktir ding hen thilchê na ti.

SAM 104:20

Zân na siam le, mûi lakah ramsa zawzawng an hawng suak.

SAM 80:13

Ngal tla nih an râwk lai le, ramsa tla nih an ei lai.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 59:12

“LALPA, na lakah kan thilsual ti thungâi a tam. Kan sualnâk tla nih hawng kan phiar. Chubang tla lakah kan theihthiam.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

JEREMIA 2:15

Chakeibaknei hâwi hen an hûk rawh; a ram chu a karo hen an siam le, a khuapi tla chu râwk hen kaltâk phin hen a um.

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 25:38

Chakeibaknei nih a pûk a kaltâk mi hâwi hen, LALPA nih a mi tla chu a kaltâk na rawh. LALPA thinthawknâk leh râltuk ṭihnungkâi nih nan ram chu ramkaro ah a siam.

JEREMIA 30:14

A nan dâwt natu zawzawng nih a nan philh na rawh; nannih rerêng an sunhsak na lo rawh. Mêlma hâwi hen ka nan do na; nan sualnâk a tam tuk ruangah leh nan ṭhatlonâk a fâk tuk ruangah nan rêpnâk khawm a fâk khun.

JEREMIA 30:15

Nan mâ ruangah vûirâm lah rawh u, nan rangah damhnâk a um lêm lo. Nan sualnâk a tam hen nan ṭhatlonâk a fâk tuk ruangah hi hâwi hen kan rêp na mi asi.

JEREMIA 4:7

Chakeibaknei â thupnâk mun ah mi a hawng mi hâwi hen, phun tla râwktu a hawng suak rawh. Juda tla râwk ding hen a hawng kal. Juda khuapi tla chu râwk dep hen kaltâk asi lai le, a sungah pakhat khawm an um lai lo.

JEREMIA 49:19

Chakeibaknei tumun thawk hen a hawng suak le, Jordan Va dung zawh hen ram ningno leiah a kal mi hâwi hen ka hawng kal lai le, Edom mi tla chu an ram thawk hen mawhsareh hen ka tektir phin na awt. Churawhchun, ruitu ka thîm mi nih phun lakah lâi a rêl lai. Âu hen nan hawng ka tahkhiat kho awt? Âunih hawng ka zuam ngam awt? Zei lâirêltu nih hawng ka do kho awt?

JEREMIA 8:5

Chu hâwi asi chun, ka mi le tla, zei rangah hawng kîr lo rawh ding hen ka sinah mi nanna her ving? Nan milem lakah nanna bek thlir le, ka sinah kîr nawlh ding nan duh lo.

JEREMIA 8:7

Lili âr men nih kîr tik a theih; vaṭhu, thlâkâwi, thrush tla khawm nih ṭiau tik an theih. Sikhawmsele, ka mi tla, nannih nih lâi kan rêl piak na dân nan theih lo.

LUNGFÂKNÂK 1:5

A mêlma tla chu anna dingchang le, An thiltikhonâk hen an tleih thlir. LALPA nih a sual tam tak ruangah a tuartir le; A fa tla chu an tleih le, an kalpi ving na.

EZEKIEL 16:25

Na dawhnâk chu nêngthû lakah na nûk. A hawng mi tla sin kip ah na pêk le, nisiar hen â zuar mi nunau ngâk hen na zual kâi.

EZEKIEL 22:27

Sawrkar rianṭuantu tla chu, chingngia nih ramsa an thah mi sâm diptu hâwi an si. Nei ding duh hen mi an thah na.

EZEKIEL 23:19

A lân ngâk hen â zuar dân a fâk dadauh le, Aigupta ram ah a nungâk liauah â zuar mi nunau asi liau hâwitê hen thil a ti.

DANIAL 7:4

Pakhat chu chakeibaknei hâwi asi, sikhawmsele mû hâwi hen thlâ a nei, ka zauh ko liauah a thlâ tla â thlêr hep. Chu sarâng chu châwi ving hen a um le, minung hâwi hen a dîrtir, churawhchun minung thinlung a sinah pêk hen a um.

DANIAL 7:6

Ka zauh ko liauah sarâng dang a hawng nawlh, keitê hâwi asi, a kêng leiah va thlâ hâwi pali a nei le, lû pali a nei, thuneihnâk nei tak mi hâwi hen a lang.

HOSEA 5:14

Chakeibaknei hâwi hen Israel leh Juda tla chu ka do na awt. Keimah tak nih ka sâm dip na lai le, ka siah thlap na awt. Ka nûk ving na tik chun âukhawm nih an sanh kho na ding asi lo.

HABAKUK 1:8

“An rang tla chu keitê ngâk hen an chak dauh le, chingngia sungvâng ngâk hen an rât dauh. Rang tlûnah anna chuan mi tla chu ram lât tak ah thawk hen an hawng le, an rang tla nih tual ah an kê an thlik. Mû nih sa a châwi ding mi a thlûr mi hâwi hen an hawng kal.

ZEPHANIAH 3:3

A rianṭuantu tla chu chakeibaknei hûk mi hâwi an si, a lâirêltu tla chu chingngia râwlṭâm tla nih zînglei rang khawm ah an hamkah ruangah ruh an zuah kho lo mi hâwi an si.

NUMBER 32:14

Tuah nan pa le mun chu nan luah fâwn rawh, tuah thlâk thar misual tla khawm nih Israel lakah Pathian thinthawknâk tlungtir ding hen nanna tîm fâwn.

THUPHUANG 13:2

Chun, sarâng ka muh mi chu keitê hâwi asi le, a kê tla chu vawm kê hâwi asi le, a kâ chu chakeibaknei hâwi asi; chun, rûlrêu nih sarâng chu amah thiltikhonâk leh a laltophah leh amah thuneihnâk fâk tak a pêk.