JEREMIA 5:5 - Bawm Common Language Bible Version

⁵ Chu minung tla sinah chun thiltikhonâk hen ka kal lai le, ka sawnh na lai. An Pathian nih a duh dân leh LALPA nih ti ding hen a duh na mi chu an theih lai rawh,” ti ka ruat. Sikhawmsele an ektê hen LALPA thuneihnâk chu an duh lo le, a thu zûl ding an duh lo.

JEREMIA 5:5 ပူးပေါင်းရင်းမြစ်များ

2 CHRONICLES 36:14

Chu lâwng khawm silo hen Juda tla lakah ruitu, bâwlpu tla leh mi zapi tla khawm nih an kiangkam ah mi phun tla tidân zûl hen milem tla an sawnh le, LALPA amah ngelchel nih a thenhlimhtir mi Biakin khawm an nawmh rawh.

EXODUS 32:25

Mosi nih mi zapi tla chu Aron nih a zauhkhenh neh na lo zia leh an mêlma tla mâika ah â tak hen a siam na mi chu a muh rawh.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

JEREMIA 2:20

LALPA zahkâi nih, “Israel, a lân thawk hen ka thuneihnâk na duh lo le; ka thu ngâi ding leh hawng ka sawnh ding na duh lo. Tlâng sâng tlûn kip ah leh thing ring kip tangah thlâi ṭhattirtu pathian tla na sawnh.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 30:14

A nan dâwt natu zawzawng nih a nan philh na rawh; nannih rerêng an sunhsak na lo rawh. Mêlma hâwi hen ka nan do na; nan sualnâk a tam tuk ruangah leh nan ṭhatlonâk a fâk tuk ruangah nan rêpnâk khawm a fâk khun.

JEREMIA 6:13

Mikip a lian a mê tangka lakah zumhkâilo tak hen an um; khuavâng leh bâwlpu tla tiang nih mi an perpet.

JEREMIA 8:7

Lili âr men nih kîr tik a theih; vaṭhu, thlâkâwi, thrush tla khawm nih ṭiau tik an theih. Sikhawmsele, ka mi tla, nannih nih lâi kan rêl piak na dân nan theih lo.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

EZEKIEL 11:2

Pathian nih ka sinah, “Thikho mi minung, hi minung tla nih khuapi mi tla rangah thilsual ti tum hen thu ṭhalo an simh na.

AMOS 4:1

Nannih Samaria ram mi nunau, Basan chawpinu bit tal a châwm mi hâwi tla, mi chaklo leh mipâm tla nehsawhtu, din phung hen nan pasal le nih an châwm na ding hen hauhtu tla, ngâi u!

AMOS 6:1

Nannih Zion ah nuamchenhtu tla leh Samaria ah him tak a um ding hen ruattu Israel phun lakah mi rokual rangah ṭihnung a kâi awt chiam e, nannih chubang tla sinah ṭangpi deih hen kaltu tla!

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MALAKI 2:7

Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

LUK 18:24

Chun, Jisu nih amah chu a zauh le, “Mi nei tla chu Pathian Ram ah lût a har awt a!

LUK 19:14

Sikhawmsele, a ram mi tla nih an hua le, Hi minung hi kan lalchem rangah kan duh lo,’ ti hen a dung leiah mi an fial.