JEREMIA 5:31 - Bawm Common Language Bible Version

³¹ khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

JEREMIA 5:31 ပူးပေါင်းရင်းမြစ်များ

1 Lal 22:6

Ahab nih khuavâng lakah mi zali a kawh na, thu a deih na, “Ramoth khua do ding hen ka kal lai ma, kal lai lo?” a ti. Annih nih an sâng le, “Do rawh, LALPA nih neh ding hen a nan pêk awt,” an ti.

THUFING LASUIBU 17:4

Misual nih chun thilsual a dawn le, mi âwkrâwl nih âwkrâwl thu a dawn.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 20:6

Chu tik chun, Philistia ram ah um mi tla nih, Asiria lal lianchem thawk hen kan ngauhsan chem mi tla lakah thil a hawng tlung zia hi zauhnik u! Zeitin kan him kho lai rawh?’ a ti.”

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

ISAI 43:27

A tîrah mi a nan thlâk natu khawm an sual; an rui natu khawm ka lakah thilsual an ti.

ISAI 47:7

Lalnu si kumza ding na ruat le, chubang thil zawzawng a dawng ding mi chu thinlung ah dawnnâk leh ruatnâk zeikhawm na nei lo.

JEREMIA 12:4

Zei tiang riamruam me kan ram tla hi a châr hen phâisen kip ah belh tla hi a uai awt? Kan mi tla sual ruangah leh mi nih “Kan thilti Pathian nih a muh an ti ruangah ramsa leh va tla chu an thi rawh,” a ti.

JEREMIA 14:14

Sikhawmsele LALPA nih a sâng le, “Khuavâng tla nih ka min hen âwkrâwl thu an sim, mi tla chu Kei nih ka fial na mi an si lo, an sinah thu ka pêk na lo, kâ khat khawm an sinah thu ka sim lo. Langhnâk thu an sim mi khawm Kei thawk hen mi asi lo; an simkannâk tla an ruat mi khawm zeikhawm asi lo.

JEREMIA 26:7

Hi bang thu zawzawng Biakin ah ka sim mi tla chu bâwlpu tla leh khuavâng tla leh mi zapi zawzawng nih an theih le,

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

LUNGFÂKNÂK 2:14

Na khuavâng tla khawm nih âwkrâwl thu cho lo chu zeikhawm sim ding an nei lo; Na sualnâk langh lo hen an thusim nih a nan perpet. Rim ding a herh lo ti ruatnâk a nan neihtir na.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

LUNGFÂKNÂK 4:18

Kan mêlma tla nih hawng kan vêng rêt le, khua lâi khawm ah kanna sawk kho lo. Kan ni tla khawm a lan rawh; a dawnghnâk a tlung rawh.

EZEKIEL 13:10

“Khuavâng tla nih, ka mi tla chu zeizawng a dik ver ti hen mahlo leikângah an pialpi ver na. A ektê hen a dik ver lo thlo! Ka mi tla nih lung kulh bir lo hen an siam le, churawhchun khuavâng tla an hawng le, hawl an buaih.

EZEKIEL 13:6

An muhnâk tla khawm a diklo, an simkan mi tla khawm âwkrâwl hep asi. Keimah nih fial na lo pet hen keimah thuchah simtu ah anna ruat. An thu tla chu dik tak hawng tlung ding hen an lungum nget rih!

EZEKIEL 22:14

Na lakah thilti ka lîm tikah na kut lek ding hen chaknâk leh râlṭhatnâk nei ding hen ma na ruat? Kei LALPA nih thu ka sim le, ka thu chu ka zulh.

HOSEA 4:9

Mi nih rêp an tawng mi hâwitê nan tawng bâk lai. Sualnâk nan ti mi ruangah rêpnâk a man kan pêk na awt.

HOSEA 6:10

Israel ram ah thil ṭihnungkâi tak ka muh. Ka mi tla nih milem sawnh hen anmah anna nawmh.

HOSEA 9:5

LALPA zahnâk ding hen kût ni a hawng tlung tikah zei an ti lai rawh ne?

MIKAH 2:11

Hi bang minung tla nih hin, âwkrâwl thu karo sim hen perpettu khuavâng, “Uain hâng nan rangah a luang ding mi thu ka sim,” ti hen thusimtu tla chu nan duh.

MIKAH 2:6

Mi nih ka sinah thu an sim le, “Kannih lakah sim lah. Chubang thu tla chu sim lah, Pathian nih ningzak hawng kan saih lai lo.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

ZEPHANIAH 3:4

Khuavâng tla nih zeikhawm pawisak an nei lo hen zumhkâilo hen an um le, bâwlpu tla nih thil thenhlimh an nawmh. Pathian dân chu anmah lâwknâk ah an mang.

DEUTERONOMY 32:20

‘Ka ṭangpi na lai lo rawh; mi zumhkâilo leh mi lungkhung lakah zei me a hawng tlung ka zauhnik lai,’ a ti.

DEUTERONOMY 32:29

Zei ruangah neh hen kan um ti khawm an theih lo; zei thil me a hawng tlung ti khawm an theih kho lo.