JEREMIA 5:24 - Bawm Common Language Bible Version

²⁴ Fângzûn liau ruah leh fûr tlâk tîr ruah ka sûrtir le, kumsiar hen fângzûn tik ka nan pêk na khawm ah, hawng ka zah ding nan awt dahlo.

JEREMIA 5:24 ပူးပေါင်းရင်းမြစ်များ

GENESIS 8:22

Laikulh a um kar vial chu thlâi chîng leh fângât tik a um kumza lai. A dâi mi leh a lîn mi, ṭhâl leh busik, sûn leh zân a um kumza lai rawh,” a ti.

1 Lal 17:1

Khuavâng pakhat a min Elija Gilead ram ah Tishbe khua mi nih lalchem Ahab sinah, “LALPA Israel Pathian, a rian ka ṭuan mi min hen ka nan simh asi, kum nih mawh kum thum sung chu sûr ding ka sim lânlo chu ruah leh dâm rerêng a sûr hen a tlâ lai lo,” a ti.

JOB LASUIBU 29:23

Ruah mal a tlâ mi hâwi hen, ka thu chu a mantalâ le, phâisen tuahtu tla nih ruahtîr an lawmh mi hâwi hen, mikip nih ka thusim an lawmh.

JOB LASUIBU 38:37

Sûm tla rêl kho ding hen mifing, ruah sûrtir hen,

JOB LASUIBU 5:10

Ram lakah ruah a sûrtir le, phâisen tla chu tî a tawih.

SAM 147:8

Sûm tla chu chung vân leiah a zâr le, tual rangah ruah a ruat. Churawhchun, tlâng mi belh tla chu a ṭhangtir.

SAM 65:9

Ruah na sûrtir mi nih ram na kilkâwi zia a langhtir le; neih tirnâk leh ṭhattirnâk na pêk. Tiva tla chu tî hen na khattir le; tual tla chu rah na suahtir. Na ti dân chu hi hi asi:

ISAI 64:7

Âukhawm nangmah lei hawi hen thlachamtu an um lo; âukhawm ṭangpi duh hen na sinah an hawng lo. Kan sual ruangah kan lakah na thup le, na kan kaltâk.

JEREMIA 10:13

A thupêk hen chung vân ah mi tî nih hâu a suah; tual dawnghnâk thawk hen vândâwm tla a hawng tir. ruah lakah mîmthlâ a lektir le, a siahnâk thawk hen thli tla a hawng fial.

JEREMIA 14:22

Phun tla milem pakhat khawm nih ruah a sûrtir kho lo, vân khawm nih a mah thu hen a sûrtir kho lo. LALPA, kan Pathian nangmah lakah lungumnâk kan nei, hi bang thil tla titu chu nangmah lâwng na si ruangah.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 3:3

Churuangah asi, ruah sûrlo hen fûr a tla lonâk chu. Nang chu nunau â zuar mi na bangh le; ningzaknâk na nei lo.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

JEREMIA 50:5

Zion lampi an deih lai le, chu lei chun an kal lai, ka sinah zungzâl thudântuk an siam lai le, an buar lai lo rawh.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

HOSEA 6:1

Mi tla nih, “LALPA sinah kan kîr lai, nganfâk hawng kan pêk khawmsele hawng kan damh ngelchel lai, hawng kan liamh khawmsele hawng kan tuam piak lai lo mazei?

JOEL 2:23

“Zion mi tla, a lâwm u, LALPA, nan Pathian nih nan rangah thil a ti mi ruangah a lâwrn u. Fângzûn liauah ruah tam tâwk ual hen an pêk na le, busik liau ruah khawm nan rangah a sûrtir hen tifûr tlâk tîr khawm a lân hâwi asi rawh.

AMOS 4:7

Nan thlâi chîng tla nih ruah tî an herh thlo liauah ruah sûr ding ka khap. Khuapi pakhat ah ka sûrtir khawmsele khuapi dangah chun ka sûrtir lo. Phâisen pakhat ah ruah ka sûrtir le, sikhawmsele phâisen dang tla chu sûrlo hen a hul hiam.

ZEKARIA 10:1

Ṭhal ah ruah sûr ding hen LALPA rangah deih u. Mikip rangah ruah sûrtir hen phâisen ring dul tirtu chu LALPA asi.

MATHAI 5:45

nan Pa vân a mi fa tla nan si khonâk ding hen. Anih nih chun misual tla leh mi ṭha tla tlûnah chun a nî a suaktir tâwn le, mirep tla leh mi replo tla tlûnah khawm ruah a sûrtir tâwn asi.

THILTI 14:17

sikhawmsele, Pathian nih amah chu a dik asi ti theihtirnâk umlo hen a siam lo, chu hâwi hen thil ṭha a ti tâwn, vân thawk hen ruah tla leh ei ding a nan pêk na, nan thinlung lâwmnâk hen a nan khattir na tâwn kha,” an ti.

DEUTERONOMY 28:12

Vân ah a neih-le-siah kilnâk thawk hen ruah a tik takah a hawng sûrtir lai le, nan rianṭuan zawzawng mal a nan sâwm na lai, churawhchun phun tam tak tla rangah nan pûktir na lai le, sikhawmsele nannih tla lam chu âu sin khawm ah nan pûk lai lo.

JEM 5:7

Chun, ka unau tla, Lalpa hawng kal lânlo felfê tak hen um u, lo dâwngpu nih chun ruah masa leh madung chem chu a tawng lânlo felfê tak hen thlâi rah sung tak chu a ngâk tâwn.

THUPHUANG 11:6

Chubang tla nih chun thu an sim kar vial chu ruah sûr lo ding hen vân pingtir khonâk an nei, an duh tik zawng ah thisen ah changtir ding hen tiva tla tlûnah thuneihnâk an nei le, laikulh hi rêpnâk râi chi kip hen rêp ding hen thu an nei.