JEREMIA 5:23 - Bawm Common Language Bible Version

²³ Sikhawmsele nannih mi zapi tla, nan lungkhung hen nan hel le; nanna kiang le, nan hawng ka mâk thlap.

JEREMIA 5:23 ပူးပေါင်းရင်းမြစ်များ

SAM 78:8

An thlâktu tla nih an hel le, ê-aw ngâilo mi leh bir tak a Pathian zumhnâk nei lo mi, a lakah zumhkâilo mi hâwi an silonâk ding hen.

SAM 95:10

Kum sâwmli sung chu, chu minung tla nih ka lung an sitir lo, ‘Thungâi zumh an kâi lo! Ka thupêk tla an zûl duh lo,’ ka ti.

ISAI 1:5

Zei rangah a lakah hel kumza hen nan um? Rêp hen um ma nan duh nget rih? Israel, na lû chu liam mâ nih a tuam pang le, na thinlung leh na dawnruatnâk khawm a ngawr.

ISAI 31:6

LALPA nih, “Israel mi tla, ka lakah thilsual nan ti hen nan ka do asi. Sikhawmsele tuah ka sinah hawng kîr u!

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

JEREMIA 4:17

a mi tla chu LALPA lakah an hel ruangah phâisen, mi nih an vêng mi hâwi hen Jerusalem chu an hual dak lai. LALPA nih a sim asi.

JEREMIA 5:5

Chu minung tla sinah chun thiltikhonâk hen ka kal lai le, ka sawnh na lai. An Pathian nih a duh dân leh LALPA nih ti ding hen a duh na mi chu an theih lai rawh,” ti ka ruat. Sikhawmsele an ektê hen LALPA thuneihnâk chu an duh lo le, a thu zûl ding an duh lo.

JEREMIA 6:28

An ektê hen sim ngâilo hen an hel le, dâr leh thîr hâwi hen an chang. Anna râwk dep le, thu zanh ding hen anna sawk.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

HOSEA 4:8

Ka mi tla sual chu nan rangah neih phahnâk ah nan mang le, churuangah sual dadauh ding hen nan duh na.

ZEPHANIAH 3:1

Jerusalem râwk hen um mi, mah minung tla nehsawhtu khuapi chu a vânduai rawh.

DEUTERONOMY 21:18

“Mi nih fapa nei hen lungkhung leh ê-aw ngâilo si sele, a rêp khawmsele nu leh pa thu ngâilo mi si sele,

DEUTERONOMY 31:27

An lungkhung zia leh hel an mang zia ka theih. Ka dam liau khawm ah LALPA tlûnah an hel le, ka thih nûn châng chun thungâi an zual lai.

HEBRAI 3:12

Unau tla, a thiamthih u, chu lo chun Pathian nung chu bângtâk ding hen nan lakah âu sungah mawh lunglonâk thinlung sual a hawng um lebang lai.