JEREMIA 5:22 - Bawm Common Language Bible Version

²² Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

JEREMIA 5:22 ပူးပေါင်းရင်းမြစ်များ

GENESIS 1:9

Churawhchun, Pathian nih, “Vândum tangah tî tla chu a pûm hep na seh, chun tlâng hawng lang seh,” ti hen thu a pêk le, chu hâwi hen a hawng um.

1 Lal 13:28

Churawhchun, lampi ah mi khuavâng ruak leh chakeibaknei leh sanatung a dîr mi chu a va muh. Chakeibaknei nih ruak chu a ei lo, sanatung khawm chu a seh lo.

JOB LASUIBU 26:10

Tipi lakah a ramri a siam le, chêu leh mûi a ṭhen.

JOB LASUIBU 37:24

Amah lakah lâu hen mikip an um mi chu a chê lo asi. Fing hen â rêl mi chu a thlawrhthlâu na.

JOB LASUIBU 38:8

Tual sung thawk hen tî a hawng suak liauah, tipi a luang mi kham ding hen a kawtkâ âunih a khâr?

SAM 104:9

Zeiliau khawm ah kanh kho lo ding hen ramri na siam piak na, tual chu an khuh nawlh lonâk ding hen.

SAM 119:120

Nangmah ka nan ṭih; na lâirêlnâk ruangah lâunâk hen ka khat.

SAM 33:7

Tipi tla chu munkhat ah a pumh le, a khawngnâk ah tisumsumriat thûk tak chu a dil.

SAM 46:3

Tipi tla hâu suah hen hawng lian khawmsele, tlâng tla chu râwk hen a nîn khawmsele ka ṭih lai loh.

SAM 99:1

LALPA chu lalchem asi; mi tla an thir. Thilnung thla tlûnlei ah a laltophah tlûnah a to le, tual â nîn.

THUFING LASUIBU 8:29

Tipi mi tî amah nih a sim mi rî lêm kal lo ding hen thu a pêk liauah leh tual a siam lân khawm ah ka um ving rawh.

ISAI 50:2

“Zei rangah anmah ruangsuah ding hen ka kal liauah ka mi le tla nih an hawng ka sunhsak lo? Ka auh na liauah zei rangah an sâng lo? Anmah ruangsuah kho lo ding ma kasi? Tipi tla kang ding hen thu ka pêk kho hen tiva tla khawm tî umlo ruangah ngâ thi ver ding hen ka tuah kho.

ISAI 64:2

Mei lakah tî a tlawk mi hâwi hen an thir lai. Hawng le, na mêlma lakah na thiltikhonâk langh le, na mâika ah phun tla thirtir na.

ISAI 66:5

LALPA ṭihtu leh a thu zûltu tla, LALPA thusim ngâi u: “Nannih chu ka lakah zumh nan kâi ruangah nan lakah mi zeimaw mi nih a nan hua na le, nanmah hen zei thilti ding khawm an nei lai lo. ‘LALPA nih a rokualnâk an muhtir na hen an hum na seh, chu tikah nanna lâwm mi kan muh kho lai’ ti hen an nihsanh na. Sikhawmsele annih tla chu ningzak saih hen an um lai!

JEREMIA 10:7

Phun zawzawng tla lalchem, âunih a nan zah lo lai? Nang chu zah tlâk na si. Phun tla lakah mifing zawzawng leh an lalchem tla lak khawm ah nang hâwi pakhat khawm an um lo.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 31:35

LALPA nih sûn ah cherhtu rang ding ah nî a pêk le, zân cherhtu rangah thlâ leh ârfi a pêk. Tipi tla a chawk le, hâu a suaktir; a min chu LALPA Zeizawng tikho asi.

DANIAL 6:26

Ka ram pumpi sungah mikip nih Danial Pathian ṭih leh zah ding hen thu kan pêk na. “Anih chu Pathian nung asi le, lâi a rêl kumza lai. A ram chu a vei lai lo le, a thiltikhonâk nih dawngh a nei lai lo.

AMOS 4:12

Churuangah, LALPA nih, “Israel mi tla, ka nan rêp na awt, hi hâwi thil ka ti awt ruang chun ka lâirêlnâk chu tuar ding hen a tîm rawh!” a ti.

AMOS 9:6

LALPA nih vân ah in a sak le, tual tlûnah vândum a siah. Tisumsumriat tî a kawh le, tual tlûnah a thlêt. A min chu LALPA asi.

JONA 1:16

Chu nih chun lawngpu tla chu thungâi LALPA ṭih phahnâk an mang le, amah sinah bâwlnâk ap ding leh sawnh rawh ding hen thu an tiamh.

NAHUM 1:4

Tipi chu thu a pêk le, a kang hep, tiva tla chu a kangtir. Basan ah mi phâisen tla chu a uai hep le, Karmel tlâng tla chu a senduk, Lebanon tlâng chawmpâr tla khawm a nawh hep.

MATHAI 10:28

Chun, taksa thah kho hen thlarau thah kholotu tla chu ṭih lah u; Gehena ah thlarau leh taksa veih khotu lam chu ṭih lehlam u.

MARK 4:39

Chun, anih chu a hawng a ṭhang le, thli chu a fâî le, rilî sinah khawm chun, “Dâisip le, um ziar rawh!” a ti. Chun, thli chu a bâng le, a reh dup ko.

LUK 12:5

Sikhawmsele, nan ṭih ding mi chu âu me si ka nan simh na lai; thah nûn khawm ah Gehena ah lawnh khonâk thuneitu Pathian chu ṭih u; asi, ka nan simh na, amah tak chu ṭih u.

DEUTERONOMY 28:58

“Pathian sîntirnâk lasuibu lakah a rîn mi zawzawng zumhkâi tak hen nan zûl lo hen leh LALPA nan Pathian min zahkâi leh chê tak nan zah lo chun,

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.