JEREMIA 5:21 - Bawm Common Language Bible Version

²¹ Nannih mi â leh mi lungkhung, mit nei ko hen muh kholotu leh nâ nei ko hen theih kholotu tla, ngâi u.

JEREMIA 5:21 ပူးပေါင်းရင်းမြစ်များ

SAM 94:8

Ka mi tla, chu hâwi tluk hen nan mâwl kho zia? Zei tikah nan theihthiam awt?

THUFING LASUIBU 17:16

Mi mâwl rangah lasui sînnâk rangah tangka hêu chu zeikhawm ṭhatnâk a um lo. Midang hâwi hen theihthiamnâk a nei lo ruangah.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

ISAI 43:8

Pathian nih, “Lâirêlnâk in ah ka mi tla kawh na u. Mit chu an nei le, sikhawmsele an mit a chaw; nâ an nei le, khawmsele an nâ a sêt!

ISAI 44:18

Chubang hâwi minung tla chu an mâwl tuk le, an thilti khawm an theih loh. Thudik lakah an mit an sîm le, an thinlung an khungtir.

JEREMIA 10:8

An ektê hen an â hen ê-aw an ngâilo. Thing milem thawk hen zei me theihnâk an nei kho?

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

JEREMIA 5:20

LALPA nih, “Jakob thlâk tla leh Juda mi tla chu simh na:

JEREMIA 5:4

Churawhchun ka dawn le, “Hi bang tla hi mipâm leh mi mâwl cho an si. An umdân khawm a mâwl tuk; an Pathian nih a duh dân khawm an theih lo, LALPA nih ti ding hen a duh na mi khawm an theih lo.

JEREMIA 6:10

Kei nih ka sâng le, “An sinah thu ka sim hen ka simhkan na chun âunih an ka ngâi piak awt? Mi lungkhung an si le, na thuchah khawm an ngâi duh lo; sim ding hen thu na ka simh mi hi an nihsuak tâwk cho lai.

JEREMIA 7:13

Chubang hâwi sualnâk tla nan ti le, sikhawmsele ka nan simh lemang na le, a ngâi ding rêng nan duh lo. Ka nan kawh na liau khawm ah nan hawng ka sâng lo.

JEREMIA 8:7

Lili âr men nih kîr tik a theih; vaṭhu, thlâkâwi, thrush tla khawm nih ṭiau tik an theih. Sikhawmsele, ka mi tla, nannih nih lâi kan rêl piak na dân nan theih lo.

EZEKIEL 12:2

“Thikho mi minung, mi hel nâwngah um mi na si. Mit an nei le, sikhawmsele zeikhawm an muh lo; nâ an nei le, sikhawmsele zeikhawm an theih lo, mi hel an si ruangah.

HOSEA 7:11

Israel chu lâilêng zeikhawm theihlo hen a zuang mi hâwi asi le, a masa chem hen a mi tla nih Aigupta chu ṭangpi an deih le, churawhchun Asiria sinah an tek.

ZEKARIA 7:11

“Sikhawmsele ka mi tla nih lungkhung tak hen an êl le, an ngâi duh lo.

MARK 4:12

Chuvachun, ‘Muh lam chu an muh kho narêng hen, theih lam chu an theih kho lonâk ding hen leh, Nâ hen an theih narêng hen a ngaihtawnhnâk lam chu an theih kho lonâk ding hen. Chu lo chun anna her nawlh lai le, ngaihdam an hawng si sual lebang lai,” a ti.

MARK 8:18

Mit nei ko hen nan muh lo mazei? Nâ nei ko hen nan theih lo mazei? Nan theihkumza lo ma?

JOHAN 12:40

“Amah nih an mit a chawtir le, an thinlung a changtir le; chu lo chun an mit hen an muh lai le, an thinlung hen an theih lai le, chun, anna her nawlh lai le, kei nih annih chu ka damh na lebang lai,” ti a sim nawlh ruang hin.

THILTI 28:26

‘Hi phun tla sinah hin va kal le, sim rawh: Nâ hen chun nan theih narêng hen a ngaihtawnh dân lam chu nan theih rîlmâl lai loh; muh lam chu nan muh narêng hen theih lam chu nan theih lai loh.

ROM 1:20

A thil muh kho lo tla, a zungzâl thiltikhonâk leh a Pathian zia chu laikulh siamtir thawk hen fiang tak hen muh hen a um le, thilsiam ah chun a lang asi. Churuang chun phelhsawlhnâk ding reng an nei lo!

ROM 11:8

“Pathian nih tusûn tiang hen ihmu suaknâk thlarau a pêk le, muh kholonâk mit tla, theih kholonâk nâ tla hen,” ti rîn hâwi khan.

DEUTERONOMY 29:3

Râi ṭihnungkâi, thilchê ti tla leh thilchê rokual a ti mi tla chu nan muh asi.

DEUTERONOMY 29:4

Sikhawmsele tusûn ni tiang hen nan thil theih lakah theihthiamnâk zeikhawm a nan pêk na lo rih.

DEUTERONOMY 32:6

Nannih mi â leh theihnâk nei lo tla, LALPA nan ti ding mi chu hi hâwi mazei asi? An siam natu, phun ah an siam natu nan pa chu asi.