JEREMIA 5:17 - Bawm Common Language Bible Version

¹⁷ Na buh leh na fâng tla an ei hep lai le; na fapa leh fanu tla an thah na lai. Na ranrual leh na ran tla an thah lai le, na grep zûn leh theipi tla an râwk lai. An kawrsen tla nih na sirhsanh mi kulhnei khuapi tla an râwk lai.

JEREMIA 5:17 ပူးပေါင်းရင်းမြစ်များ

ISAI 62:8

LALPA nih thutiam bir tak a siam le, A thiltikhonâk hen a zulhpeh vima lai: “Nan fâng tla chu na mêlma tla tî-le-râwl rangah asi lai lo rawh. Ramdang mi nih nan uain hâng an din lai lo rawh.

ISAI 62:9

Sikhawmsele, nanmah a tuhtu Leh fâng âttu nih sang chu Nan nei lai le, LALPA chu nan sawr lai. Nanmah a ṭuantu leh grep pumhtu nih ka Biakin Tualmâi ah grep hâng chu nan din lai,” a ti.

JEREMIA 1:15

siatnâk a tlawk mi chu marlei thawk hen hi ram lakah a um mi tla tlûnah a hawng liam awt. An lalchem tla nih Jerusalem kulh kawtkâ tla ah leh a kulh kiangkam tla ah, Juda ram khuapi dang kiangkam tla khawm ah an laltophah an toh lai.

JEREMIA 4:26

Ram ningno tla chu a karo hen a um le; a khuapi tla chu â râwk hep, chu chu LALPA thinthawknâk fâk ruangah asi.

JEREMIA 4:7

Chakeibaknei â thupnâk mun ah mi a hawng mi hâwi hen, phun tla râwktu a hawng suak rawh. Juda tla râwk ding hen a hawng kal. Juda khuapi tla chu râwk dep hen kaltâk asi lai le, a sungah pakhat khawm an um lai lo.

JEREMIA 5:18

LALPA nih, “Sikhawmsele, chu ni tla khawm ah chun ka mi tla chu ka veih dep na lai lo rih.

JEREMIA 50:17

LALPA nih, “Israel mi tla chu chakeibaknei nih dawrâ tla a ṭhâwl na le a rekrâwitir na mi hâwi an si. A masa chem hen Asiria lal nih a do na le, chu nûnah Babulon lalchem Nebukadnezar nih an ruh a khelh.

JEREMIA 50:7

Anmah hâwltu tla nih an do na. An mêlma tla nih, ‘LALPA lakah thilsual titu an si, churuangah thil kan ti mi hi kan diklo mi asi lo. An thlâktu tla nih LALPA an rinhsan le, a lakah zumhkâi tak hen an um,’ an ti.

JEREMIA 8:13

“Mi nih mîm-leh-fâng a pumh mi hâwi hen, ka mi le pumh na ding ka duh le; sikhawmsele, grep zûn rah lo leh theipi kûng rah lo hen a nah tiang uai ver mi hâwi an si. Churuang chun lênglei mi tla nih ram lâk hep ding hen ka siang,” a ti.

JEREMIA 8:16

Kan mêlma tla chu Dan khuapi ah an um ving rawh; an rang tla nâr tum hâu kan theih. An rang tla nih hâu an suah chun ram pumpi a thir. Kan mêlma tla chu kan ram râwk ding leh a sung ah um mi zawzawng râwk ding hen an hawng le, kan khuapi tla leh a mi tla zawzawng hen,” an ti.

LUNGFÂKNÂK 2:12

An nu tla sinah, ‘Ka sung a vâng, ka tî a hâl,’ ti hen an ṭap; Liamh mi hâwi hen zâwllâi ah an tlû. Dusah hen an nu pawm bû hen an thi.

LUNGFÂKNÂK 2:2

LALPA nih khuaruatnâk nei lo thlo hen Juda ram khua kip chu a râwk le, An vêng mi ram lakah kulh tla chu siat hen a um. Lalram tlûnah leh a lâirêltu tlûnah mualphonâk a tlungtir.

EZEKIEL 36:4

Churuangah kei, LALPA Zahkâi nih, tlâng sâng tla leh tlâng tênâu tla sinah tivatê leh tivakuam tla sinah, mun tla râwk hen kaltâk rawh mi leh khuapi an rûn le a karo hen mâk rawh mi, a kiangkam ah phun tla zawzawng nih an nihsanh mi sinah thu ka sim mi chu tuah ngâi u.

HOSEA 2:12

Anmah nâwl zulh ding hen amah duhtu tla nih an pêk mi grep leh theipi tla chu ka veih lai. A grep dûm leh a thing thei dûm chu ramkaro hâwi hen ka siam lai le, ramsa tla nih an veih dep lai.

HOSEA 8:14

“Israel tla nih in tam tak an sak le, sikhawmsele anmah Siamtu chu an philh ving. Juda mi tla nih kulhnei khuapi tla an dirh. Sikhawmsele an in leh an khuapi tla khanghtu mei ka fial mi nih a khangh hep lai,” a ti.

JOEL 2:3

Belh a kho mi tla chu mei nih a khangh mi hâwi hen an ei hep. An mâilei ram chu Eden dûm hâwi asi le, an dunglei ram chu ramkaro a lâwng tlo mi hâwi hen a um. Zei thil khawm an zuah lo.

LEVITICUS 26:16

ka nan rêp na awt. Nan tlûnah vânduainâk râi dam kho lo leh zâwtnâk, nan mit châwtirtu ka hawng tlungtir lai le, nan nungnâk chu a vei lai. Thlâi nan chîng lai le, zeikhawm a ṭha lai lo, nan mêlma tla nih an neh na lai le, nan chîng mi tla khawm an ei piak hep na lai.

ZEPHANIAH 3:6

LALPA nih, “Phun zawzawng ka veih na rawh, an khuapi tla ka veih le, an khua kulh leh an in sâng tla khawm ka râwk rawh. Khuapi tla khawm a karo hen a um le, khua lâi tla khawm a king le, lâwng keng hen âukhawm an um lo.

MALAKI 1:4

Esau thlâk tla, Edom mi tla nih chun, “Kan khuapi tla chu râwk hen um khawmsele, kan dirh nawlh lai le, LALPA nih a hawng kan sâng nawlh lai,” an ti le, sikhawmsele LALPA nih, ‘Sak nawlh na ko seh, ka siat nawlh awt nget,’ a ti. Mi nih ‘Sualnâk ram leh LALPA thinrun kumzanâk phun,’ an ti lai.

DEUTERONOMY 28:33

Hamh tak hen thlâi nan chîng mi tla chu ramdang mi phun nih an lâk hep lai, chu tikah nannih chu nehsawh leh nauneh cho lo chu zeikhawm nan tawng lai lo.