JEREMIA 5:1 - Bawm Common Language Bible Version

¹ Jerusalem mi tla, nan khuadung suak hen tek u! A kiangkam tla a hawi! Nangmah tak a zauh! Sumtuah mun tla hâwl. Pathian lakah zumhkâi hen um tumtu leh thil dik titu pakhat tal na muh kho ma? Na muh kho mi asi chun, Jerusalem chu LALPA nih a ngaihdam lai.

JEREMIA 5:1 ပူးပေါင်းရင်းမြစ်များ

1 Lal 19:10

Anih nih a sâng le, “LALPA, Pathian zeizawng tikho, nangmah nâwl cho ka nan zulh. Sikhawmsele na mi Israel tla nih an sinah thudân na tuk mi an buar le, na mâichâm tla an siat, na khuavâng zawzawng an thah, keimah lâwng ka âwl, kei khawm thah an ka tum!” a ti.

2 CHRONICLES 16:9

LALPA nih laikulh pumpi hi nâi tek hen a zauh le, amah lakah thinlung zumhkâi tak hen um mi tla sinah chaknâk a pêk na. Â tak hen thil na ti ruangah tu thawk hen na lakah râltuknâk a um kumza lai,” a ti.

SAM 12:1

LALPA! hawng ka ṭangpi! Mi ṭha rerêng an um lo, mi dik rêng tawng kho asi lo.

SAM 14:2

LALPA nih chun, vân thawk hen minung tla amah sawnhtu leh mifing an um rêng mawh ti hen a zauh na.

SAM 14:3

Sikhawmsele, amahlo leiah an pial hep le, an ṭhatlonâk â bang hep le; pakhat khawm thil dik ti an um lo, Pakhattê khawm an um lo.

SAM 94:16

Ka rangah misual tla do ding hen âu me thawk lai? Thilsual titu tla do ding hen ka sîrah âu a um lai?

THUFING LASUIBU 20:6

Mikip nih zumhkâi leh rinhtlâk hen thu an sim le, sikhawmsele, mirep nih a zei mi tak a dik ti theih ding hen a tum.

THUFING LASUIBU 23:23

Thudik, finghnâk, sînnâk leh finghnâk ṭha hi na sunhsak ding mi asi. Sikhawmsele zuar ding hen chun an sung-û tuk.

THUFING LASUIBU 8:3

Khuapi lûtnâk kulh kawtkâ kiangah a âu:

LA TLA LA 3:2

Khuapi sungah leh khuadung leh a ken tla ah ka kal. Ka duh mi chu ka va hâwl. Ka hâwl chiam le, sikhawmsele ka tawng kho lo.

ISAI 59:4

Lâirêlnâk in ah nan va kal le, sikhawmsele nanmah leiah diknâk nan nei lo. Nan thunawk lakah âwkrâwl thusim hen neh ding nan tum. Nan thiltum chu midang rangah nganfâk pêk ding nan awt.

JEREMIA 2:29

Na chipchiarnâk zei me si? Zei rangah ka lakah na hel?

JEREMIA 44:15

Churawhchun, pathian dang tla sinah an nupi tla nih bâwlnâk an ap ti theihtu tla zawzawng leh chunah nunau dîr mi zawzawng Israel tla Aigupta simlei ah um mi, zapi minung tam tak nih ka sinah,

JEREMIA 8:6

Thiamthih tak hen ka ngâi le, sikhawmsele thu dik rêng nan sim lo. Nan lakah âukhawm a sual ruangah pawi ti an um lo; ‘Zei thilsual me ka ti aw?’ ti hen ruattu pakhat khawm nan um lo. Râltuk ding hen rang a tek mi hâwi hen mah duhnâk chiauah nan kal kumza.

JEREMIA 9:2

Ka mi le tla sinah mi ramkaro ah va um vingnâk mun nei ka duh. Mah dîrmun kaltâktu leh mi zumhkâilo hep an si.

JEREMIA 9:7

Hi ruangah hin LALPA Zeizawng tikho nih, “Ka mi tla chu thîr hâwi hen ka êr na lai le, ka nik awt. Ka mi tla nih thilsual an ti ruangah an sinah kei nih thil dang zei me ka ti kho lai?

EZEKIEL 22:30

Mi âumawh kulh siam khotu ding, kulh râwknâk mun ah dîr khotu leh ka thinthawknâk nih a râwk awt liauah vêngtu ding ka hâwl le, sikhawmsele pakhat khawm ka tawng na lo.

EZEKIEL 9:9

Pathian nih a sâng le, “Israel leh Juda mi tla nih thilsual ṭihnungkâi tla an ti, ram pumpi ah mi an thah na le, Jerusalem chu buarnâk hen an khattir. Kei, LALPA nih an ram chu kaltâk hen anmah tla ka muh na lo rawh mi hâwi hen an sim.

DANIAL 12:4

Anih nih chun ka sinah, “Tuah, Danial, lasuibu kha zual le, laikulh dawngh tiang hen singsiahnâk siam. Chu liau chir chun mi tam tak nih thil hawng um mi theih ding hen anna ṭang lai le, sikhawmsele anna ṭangnâk chu a thawt asi lai,” a ti.

JOEL 2:9

Khuapi ah an lût le, kulh dâi tlûnah an kâi le, kulh tlûn tla ah an tek le, in tlûnah an kâi. Mifîr hâwi hen langawtkawt ah an suak.

AMOS 8:12

Mi zapi tla chu marlei thawk hen simlei kângah, saklei thawk hen thlanglei ah an vâi sup lai, LALPA thuchah mun kip thawk hen an hâwl lai le, sikhawmsele an tawng lai lo.

ZEKARIA 2:4

A masa dauh nih a dang sinah, “Tek le, tahnâk puttu chu minung leh ranrual Jerusalem ah a tam thlo ruangah kulhnei ding hen a lian tuk lai,” ti hen va simh.

LUK 14:21

“Chun, to-aw nih chun a pu sinah chubang zawng chu a simh le, chun in dâwngpu chu a thinthawk le, a to-aw sinah, ‘Suak le, zâwllâi tla ah, a kenpak tla ah kal rereh le, mipâm tla, suaksual tla, mitchâw tla, kekhêng tla hinah hawng put na,’ a ti.

2 THESALONIKA 2:10

âwkrâwl thilchê zawzawng tla hen, a vei liau mi tla rangah replonâk perpetnâk zawzawng hen asi lai: ruangsuah hen an um khonâk ding hen thudik zângfahnâk chu an zûl lo ruangah asi.