JEREMIA 49:2 - Bawm Common Language Bible Version

² Sikhawmsele Rabah khuapi mi tla chu râltuknâk hâu ka theihtir na lai le, râwk dep hen mâk hen a um lai le a khua tla duah hen a um ding mi tik chu a tlung rawh. Israel tla nih an ram lâktu lakah mi chu an suh nawlh na lai.

JEREMIA 49:2 ပူးပေါင်းရင်းမြစ်များ

2 SAMUEL 11:1

Kum a vei nûnah chun lal tla râltuk ding tik asi rawh chun David nih Joab a kawrsen hotu chu Israel kawrsen tla hen a fial na le; Rabah khua chu an hual le, Amon mi tla chu an neh na rawh. David lam chu Jerusalem ah a um.

SAM 48:11

Zion mi tla chu a lawm na seh! Lâirêl ding hen thuneihnâk na pêk le; Juda khuapi ah chun lâwmnâk na umtir.

SAM 97:8

LALPA, na lâirêlnâk ruangah Zion ah um mi tla chu anna lâwm le, Juda khuapi tla chu anna lâwm.

ISAI 11:14

Thurual hen thlanglei mi Philistia tla an do na lai le, saklei ah um mi tla khawm an rûn na lai. Edom leh Moab mi tla chu an neh na lai le, Amon mi tla nih an thu an ngâi piak lai rawh.

ISAI 17:1

LALPA nih, “Damaska chu khuapi asi lai lo rawh le; thil râwk mi pawng cho asi lai rawh.

JEREMIA 4:19

A fâk a! A fâk ka tuar kho lo. Ka lung a fâk a! Ka thinlung a fâk chiam e! Tâwtawrâwt hâu leh râltuk hâu ka theih le, ka dâisip kho lo.

JEREMIA 49:1

Hi hi Amon thu LALPA nih a sim mi chu asi: “Israel mi tla zeiah an um? An ram vêngtu ding pakhat khawm an um lo na maw? Zei rangah Milkom sawnhtu tla chu Gad phun ram an lâktir na hen chunah an umnâk ah an umtir na êu?

EZEKIEL 21:20

Pakhat nih chun lalchem chu Amon khuapi Raba leikâng lampi a zauhtir lai le, a dang nih kulhnei khuapi Jerusalem Juda ram leikâng lampi a zauhtir lai.

EZEKIEL 21:25

“Nannih misual, Israel lâirêltu thenhlimh lo tla, nan ni, nan rangah rêpnâk madung chem ni chu a hawng tlung rawh.

AMOS 1:14

Churuangah Rabah khuapi kulh leh in tla chu mei hen ka duah awt, râltuk ni ah chun râk hâu tla a um lai le, tuknâk chu thlipi hâwi hen a fâk lai.

OBADIAH 1:19

“Simlei mi Juda tla nih Edom ram an luah lai. Thlanglei kângah tlâng bul ah um mi tla nih Philistia ram an lâk lai. Israel tla nih Efraim leh Samaria ram anna ting lai. Benjamin mi tla nih Gilead ram an lâk lai.

NUMBER 10:9

Nan ram ah tuknâk a um hen, an do natu mêlma lakah nanna vêng chun, hi tâwtawrâwt hâu lakah hin râltuk ding mi singsiahnâk nan nei ding asi. Kei, LALPA nan Pathian nih nan mêlma lakah mi kan ṭangpi na lai le, kan hum na lai.

NUMBER 21:25

Churawhchun, Israel mi le nih Amor khuapi tla zawzawng an lâk le, Hesbon leh a kiangkam mi khua tla khawm an lâk le, chunah chun an um.

DEUTERONOMY 13:16

Chunah mi tla neih-le-siah tla chu munkhat ah pawng ver ule, kil li hen pawng u. LALPA sinah thil ap rang ding ah thil zeizawng a khua hen duah hep u. Râwk dep hen siah asi lai le, zeiliau khawm sak nawlh asi lai lo rawh.

DEUTERONOMY 3:11

(Og lalchem chu Rephaim lal madung chem asi. A ruak siahnâk kuang chu lung hen siam mi asi; tahnâk dân hâwi hen feet leili hen a sâu le, feet ruk hen a lian. Amon khuapi Rabah ah muh kho asi nget rih.)

JOSUA 17:11

Aser leh Isakar ram sungah Manaseh nih â ting mi chu Beth Shan leh Ibleam, a kiangkam ah mi khuapi tla, Dor khua khawm (Vakap mi pakhat asi) Endor, Taanak, Megido leh a kiangkam mi khuapi tla.

JOSUA 17:16

Annih nih, “Tlâng ram chu kannih rangah a kâu tawk lo, phâi ah mi Kanaan mi tla nih chun thîr kari tla an nei, Beth Shan leh a kiangkam mi khuapi tla Jezreel Vakuam ah um mi tla khawm nih an nei,” an ti.