JEREMIA 48:9 - Bawm Common Language Bible Version

⁹ Moab rangah thlânlung siam zet u; sâwtlotê ah râwk hen a um lai. A khuapi chu râwk dep hen mâk asi lai le, âukhawm an um nawlh lai lo rawh,” a ti.

JEREMIA 48:9 ပူးပေါင်းရင်းမြစ်များ

SAM 11:1

Himnâk ding hen LALPA chu ka zumh. Misual tla nih mûi ah um mi, mi ṭha tla chu kah ding hen an chanhtiang leh thal zum hen an zâwn na ruangah,

SAM 55:6

Vaṭhu hâwi hen thlâ nei sele ka duh, dînnâk hâwl hen ka zuang ving lai.

ISAI 16:2

Arnon Tiva kap ah an ngâk ko le, tumnâk lêm nei lo hen khatlei khatlei ah va nih a bû a kaltâk mi hâwi hen sawk hen an um.

JEREMIA 44:22

Tusûn ni takah hin nan ram chu râwk hen a um le, a sungah pakhat khawm an um lo rawh. LALPA nih nan sualnâk leh nan thilsual ti a ngâi châwklo rawh ruangah zauhnâk ah ṭihnungkâi rê hen a um le, a min ah khawm mi nih siatbarh mi ti asi.

JEREMIA 46:19

Aigupta mi tla, sal ah kal ding hen a tîm u! Memphis chu a karo hen siah hen a um lai le, pakhat khawm um lo hen râwk dep mi asi lai.

JEREMIA 48:28

“Moab ram ah um mi tla, nan khuapi tla mâk u! Kal ule, kham tlûnah va um u! Vaṭhu nih tiva hawr thûk kiaknâk kiangah bû a khuar mi hâwi si u.

ZEPHANIAH 2:9

Kei, Israel Pathian nung tak kasi ruangah Moab leh Amon chu Sodom leh Gomorah hâwi hen ka veih na awt ti ka tiam asi. Chitê khur ah â chang lai le, belh nih khuh dep hen a râwk kumza lai rawh. Ka mi a thibang tla nih an ram chu rûn hen an lâk piak na lai.

THUPHUANG 12:14

Chun, nunau chu kum thum leh a sêu zauhkhenh ding hen leh rûlpi lakah a him khonâk ding hen, a mun ramkaro leiah zuang ding hen mupi thla panih an pêk.