JEREMIA 48:44 - Bawm Common Language Bible Version

⁴⁴ Ningṭihnâk thawk hen suak tumtu tla chu khur lakah an tlâ lai le, âuzawng khur lakah mi suak tum hen kâitu tla chu thang nih a awh lai, Moab râwknâk tik LALPA nih a ruat rawh mi asi ruangah.

JEREMIA 48:44 ပူးပေါင်းရင်းမြစ်များ

1 Lal 19:17

Hazael nih a thah awt mi ruang a suak mi zawng chu Jehu nih a thah lai. Jehu nih a thah awt mi lakah ruangsuaktu zawng chu Elisa nih a thah lai.

1 Lal 20:30

An thah bang chu Aphek khuapi ah an tek le, khuapi kulh a chim mi nih sîng nih leh sâng sarih a denh na. Benhadad chu a tek le, khuapi sungah in kardang sungah â thup.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 24:17

Mikip nih ka thusim ngâi u! ṭihnungkâi, khur tla, thang tla nih a nan bawh na ko.

ISAI 24:18

Ṭihnungkâi lakah mi suak tumtu chu khur lakah a tlâ lai le, khur thawk hen suak mi chu thang nih a awh na lai. Ruah tukpi vân thawk hen tî tla hâwi hen a hawng sûr lai le, tual ram â nin lai.

JEREMIA 10:15

Mangtlâklo leh zauhnawmh ding mi an si le; LALPA, anmah do ding hen a hawng tik chun an vei lai.

JEREMIA 11:23

Anathoth mi tla lakah siatnâk tlung ding hen tik ka ruat rawh, chu chu a tlung tik chun pakhat khawm an dam lai lo,” a ti.

JEREMIA 16:16

LALPA nih, “Hi minung tla tleih na ding hen ngarâltu tam tak hawng ding hen ka chah na. Tlâng sâng kip tlûnah mi leh tlâng tênâu ah mi, lung pûk ah mi kah na ding hen kahtu tam tak ka chah na.

JEREMIA 23:12

An kalnâk lampi chu a nâl hen a mûi lai; suih leh bah hen ka siam na lai. An lakah siatnâk ka tlungtir awt; an rangah rêpnâk tik a hawng tlung rawh. Kei, LALPA nih ka sim asi.

JEREMIA 46:21

A kawrsen a mang mi tla khawm chawlâ ṭangpitu hâwi hen an um. An dîr hen an do lo le, an ektê hen anna her le, an tek hep. An vânduai ni leh an siatnâk tik a tlung rawh.

JEREMIA 49:8

Dedan mi tla, a her ule, tek u! A thup u! Anmah rêpnâk ding tik a tlung rawh ruangah Esau thlâk tla chu ka veih na awt.

JEREMIA 50:24

Babulon mi tla, na hawng ka sualpi le, thang kan tunh piak mi nih a nan awh rawh, sikhawmsele na theih lo thlo.

JEREMIA 50:27

An kawrsen zawzawng thah na u! Veih dep na u! Babulon mi tla chu an vânduai rawh! An rangah rêpnâk ding tik a tlung rawh,” a ti.

JEREMIA 51:18

Zeikhawm silo leh zauhnawmh ding mi an si; LALPA chu anmah do ding hen a hawng tikah an vei lai.

JEREMIA 8:12

Ka mi tla, hi bang thil fihnungkâi nan ti ruangah nan ning a zak ma? Zak lo, na ning zak lo thlo; ningzak khawm nan theih lo! Churuangah midang an tlû mi hâwi hen nan tlû bâk lai, ka nan rêp na tikah nan dawnghnâk asi lai rawh. Kei, LALPA, nih ka sim asi.

LUNGFÂKNÂK 3:47

Siat leh râwk hen kan um le, ningṭih leh lâu hen kan um.

HOSEA 9:7

Rêpnâk ding ni chu a hawng tlung rawh. Mi nih an tawng ding mi an sual man chu an tawng rawh chu chu a tlung tikah Israel nih a theih lai. Hi “Khuavâng hi a â mi asi, hi thu theihtu minung hi a â mi asi,” nan ti. Nannih tla nih chun nan sual a fâk tuktarâi ruangah thungâi nan hawng ka hua.

AMOS 5:19

Mi, chakeibaknei thawk hen a tek le, vawm hen anna tawng mi hâwi mawh, mi in leiah a tlung le, vâm a tham le, rûl nih a chuk mi hâwi bang hen!

MIKAH 7:4

An lakah mi ṭha chem leh zumhkâi chem ti mi khawm belh hâwi hen zeirang khawm an tlâklo. Khuavâng tla mang hen Pathian nih rêp ding hen a simhkan mi ni chu a tlung rawh. Tuah chun anna nawk rawh.