JEREMIA 48:14 - Bawm Common Language Bible Version

¹⁴ “Moab mi tla, râltuknâk ah a nik rawh mi kawrsen râlṭha hâwi hen zeitin mi râlṭha ah na ruat?

JEREMIA 48:14 ပူးပေါင်းရင်းမြစ်များ

SAM 11:1

Himnâk ding hen LALPA chu ka zumh. Misual tla nih mûi ah um mi, mi ṭha tla chu kah ding hen an chanhtiang leh thal zum hen an zâwn na ruangah,

SAM 33:16

Kawrsen chaknâk hen lal nih a neh mi asi lo le, kawrsen khawm nih amah chaknâk ruangah a neh mi asi lo.

THUSIMTU 9:11

Hi laikulh ah hin thil dang, mi tek chak nih tekzuamnâk ah an neh dahlo mi, mi râlṭha khawm nih râltuknâk ah an neh dahlo mi ka theih. Mifing tla khawm nih ei ding an tawng kumza lo, theihthiamnâk nei mi tla khawm an nei kumza lo, mi thiltikho tla khawm nih mun sâng an luah kumza lo. Vânduainâk chu mikip sinah a tlung.

ISAI 10:13

Asiria lal lianchem nih, “Keimah ngelchel nih chubang chu ka ti rawh. Kei chu mi chak leh mifing leh mi fâifîm kasi. Phun tla karah ramri tla ka râwk le, an neih an siah an pumh mi tla chu ka lâk piak na. Chunah um mi tla chu chawchal hâwi hen ka lamhbêk na.

ISAI 10:16

Awrkâ thaw tak hen anna châwm mi tla sinah LALPA zeizawng tikho nih anmah rêp ding hen râi a fial awt. An tak lakah mei mâ hâwi a durh vima lai.

ISAI 16:6

Juda mi tla nih, “Moab mi tla anna zûm zia chu kan theih. Anna zûm zia leh anna sung-û tir zia khawm kan theih le, sikhawmsele anna khâwngnâk tla chu a karo asi,” an ti.

JEREMIA 49:16

Na zumhnâk nih a nan âttir mi asi. Na ruat na hâwi hen âukhawm nih a nan ṭih ding asi lo. Tlâng sâng tlûnah leh lung kham tlûnah nan um; mupi hâwi hen sâng takah um menza khawm le, LALPA nih a nan niamh awt,” LALPA nih a sim asi,” ka ti.

JEREMIA 8:8

Zeitin fing leh ka dân theih hen nanna ruat zia? Zauhnik u, dân chu lasuirîntu zumhkâilo tla nih an thleng hep.

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

EZEKIEL 30:6

LALPA Zahkâi nih, “Marlei ah mi Migdol thawk hen simlei kângah mi Asuan tiang hen Aigupta vêngtu zawzawng tla chu râltuknâk ah thah hen an um lai. Aigupta ram ah kawrsen zumhkâi tla chu veih an si lai. Kei, LALPA Zahkâi nih ka sim asi.

ZEPHANIAH 2:10

Hi hâwi hen Moab leh Amon tla, LALPA Zeizawng tikho minung tla zauhnawmh hen siarlotu tla chu rêp hen an um lai.