JEREMIA 47:7 - Bawm Common Language Bible Version

⁷ Sikhawmsele, ti ding hen rianṭuannâk ka pêk mi, zeitin â dîn kho lai? Askelon leh tipi kap ah um mi tla chu do ding hen thu ka pêk rawh,” a ti.

JEREMIA 47:7 ပူးပေါင်းရင်းမြစ်များ

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 13:3

LALPA nih a zumh na mi leh a rinhsanh na mi kawrsen tla chu râltuk thenhlimh do ding leh an lakah a thinthawk mi minung tla rangah rêp na ding hen a kawh na.

ISAI 37:26

“Hi bang tla hi keimah nih a lân thawk hen ka ruat mi asi ti na theih dahlo ma? Tuah chun ka langh rawh. Kulhnei khua tla chu nâwmtâm pawng ah siam ding hen thiltikhonâk kan pêk rawh.

JEREMIA 48:10

(A thinlung zawzawng hen LALPA rianṭuan lotu chu siatbarh hen um seh! Riamnâm vei hen thah lotu chu siatbarh hen um seh!)

EZEKIEL 14:17

“Chu hâwi asi lo khawm ah chu ram ah chun râltuknâk ka tlungtir hen riamnâm hen minung leh ramsa veihnâk bang cho hen ka tlungtir kho,

EZEKIEL 21:14

“Thikho mi minung, tuah thu simkan rawh. Na zâ bengh le, nâmsâu nih a do vima lai. Thahtu nâmsâu, nâmsâu ṭihnungkâi leh thahtu asi.

EZEKIEL 21:30

“Na nâmsâu siah! Na suaknâk ram, siam hen na umnâk mun ah na lâi ka rêl awt.

EZEKIEL 21:9

“Thikho mi minung, thu simkan rawh. Kei LALPA nih thu ka sim mi hi, mi tla simh na: Nâmsâu, nâmsâu chu tât hen tlêu vak hen nâwt asi rawh.

EZEKIEL 25:16

Churuangah Philistia mi tla chu ka do na hen ka veih ving na awt ti ka phuang asi. Philistia phâi ram ah mi a thibang tla khawm ka veih dep na awt.

AMOS 3:6

Mi tla ningṭihnâk umlo thlo hen khuapi ah râltuk tâwtawrâwt an tum dah tâwn ma? LALPA fial mi silo hen khuapi ah siatnâk a tlung tâwn ma?

MIKAH 6:9

LALPA ṭih chu fingnâk asi. Khuapi a auh le, “Nannih khuapi ah a pûmtu tla, ka thu ngâi u!

1 SAMUEL 15:3

Kal le, Amalek mi tla chu do na le, an neih zawzawng râwk piak phin na. Zei thil khawm zuah lah le, mipa tla, nunau tla, ngâksia tla, fasêm tla, ranrual tla, sangâwngsâu tla, sanatung tla an ektê hen thah hep na,” a ti.