JEREMIA 47:3 - Bawm Common Language Bible Version

³ Rang kal hâu tla, kari kal hâu tla, kari kê awnh hâu tla an theih lai. Pa tla chu an fa tla leiah anna her lai lo; an kut tla an thlâi thlo lai.

JEREMIA 47:3 ပူးပေါင်းရင်းမြစ်များ

ISAI 5:28

An thalzum tla chu a hâr, an chanhtiang khawm kah ding hen tîm chia asi. An rang tin tla chu lung hâwi hen a chang, an kari kê khawm thlivir â hêl mi hâwi asi.

JEREMIA 46:9

Rang tla chu kal ding hen thu pêk na u, kari khawm kal ding hen! Kawrsen tla suaktir na u: Sudan leh Libia thawk hen hawng mi tla nih phaw tla an put le, Libia ram ah mi chanhtiang kah thiamtu tla khawm,’ a ti.

JEREMIA 50:42

An chanhtiang leh an nâmsâu tla an lâk le, mi ṭhalo leh mi khuaruat lo an si. Rang tlûnah anna chuan mi hâu chu tipi hâu hâwi asi. Babulon mi tla do ding hen tîm zet hen an um.

JEREMIA 8:16

Kan mêlma tla chu Dan khuapi ah an um ving rawh; an rang tla nâr tum hâu kan theih. An rang tla nih hâu an suah chun ram pumpi a thir. Kan mêlma tla chu kan ram râwk ding leh a sung ah um mi zawzawng râwk ding hen an hawng le, kan khuapi tla leh a mi tla zawzawng hen,” an ti.

EZEKIEL 23:24

Marlei thawk hen kawrsen tam tak leh kari tla hen, eibâr phurhtu kari tla put hen a nan do lai. Phaw leh dâr lukhuh vêngnâk ah mang hen a nan hual lai. Anmah kut ah ka nan pêk lai le, anmah dân hâwi vima hen na tlûnah lâi an rêl lai.

NAHUM 2:4

An kari tla chu khuaruat lo tak hen khualâi ah an ṭawl le, khua sungah a suk a let hen an tek. Meifâr hâwi hen an chêu le, mîmthlalek hâwi hen a lek, an thalkah chu mîmthlalek hâwi hen a zuang.

NAHUM 2:8

Tidil a chat mi hâwi Ninevi khua thawk hen minung an hawng suak! “A dîn u! A dîn u!” ti hen âu hâu a hawng suak le-- sikhawmsele pakhat khawm dunglei hawitu an um lo.

THUPHUANG 9:9

Chun, an ir ah thîr phaw hâwi mi an nei le, an thla zâp hâu chu râltuk ding hen rang tam tak nih kari nûk hen an tek mi hâu hâwi asi.

LÂIRÊL 5:22

Rang tla chu a rup rup hen an hawng, an tin tla hen tual an lamh.