JEREMIA 45:5 - Bawm Common Language Bible Version

⁵ Nangmah rang ê hen bulsantu na hâwl mu? Minung zawzawng tlûnah siatnâk ka hawng tlungtir lai, sikhawmsele na kalnâk zawng ah na nungnâk cho a him lai. Kei, LALPA nih ka sim asi,” a ti.

JEREMIA 45:5 ပူးပေါင်းရင်းမြစ်များ

GENESIS 6:12

Pathian nih laikulh chu a zauh le, sual ngâi hen a muh, mi zawzawng tla chu sual tak hen an um ruangah.

1 Lal 3:11

churuangah chun a sinah, “Na rangah san sâunâk mawh neihnâk mawh, na mêlma tla rangah thihnâk mawh deih lo hen, dik tak hen lâirêl khonâk finghnâk na ka deih ruangah,

1 Lal 3:9

Churuangah chun na mi tla chu dik tak hen lâi ka rêl kho ding hen leh a sia a ṭha lakah a dangnâk ka theih khonâk ding hen finghnâk ka herh mi hawng ka pêk rawh. Chu lo chun zeitin hi na mipi tla zeiliau zawng ah lâi ka rêl lai,” a ti.

2 Lal 5:26

Sikhawmsele, Elisa nih, “Naaman, a kari thawk hen nangmah hen tawng ding hen a ṭum liauah thlarau hen ka um bâk ko asi lo ma? Tuhun hi tangka, puan, oliv thing tla, grep zûn tla, dawrâ, ranrual, to-awnu leh to-awpa lâk tik asi lo.

SAM 131:1

LALPA, ka thinlung zûmnâk chu ka lawnh le, zauhnawmh ka mangnâk chu ka lêt. Nawknâk tla mawh ka rangah thil har tuk mi chu ka duhkâng asi lo.

ISAI 66:16

Mei leh nâmsâu hen laikulh ah sual hen a muh na mi zawzawng chu a rêp na lai le, mi tam tak thah hen an um lai.

JEREMIA 21:9

Âuzawng khuapi lakah umtu chu râltuknâk lakah mawh sungvâng leh râi lakah mawh an thi lai. Sikhawmsele âuzawng va suak hen tuah khuapi dotu Babulon mi tla sinah va a pêktu chu thah an si lai lo; a nungnâk zing zuah asi lai.

JEREMIA 25:15

LALPA, Israel Pathian nih ka sinah, “Hinah ka thinthawknâk hen a khat mi uain hâi a um. Ka nan fialnâk phun zawzawng tla sinah kal le, hi lakah mi hi dintir na.

JEREMIA 25:16

An din tik chun, râltuknâk an lakah ka tlungtir awt ruangah, an thinlung a â lai le, an hâwr lai,” a ti.

JEREMIA 25:31

tual dawngh tiang hen a rî hâu a thangkhâwk lai. LALPA nih phun tla lakah thunawk a nei. Mi zawzawng chu a nik na lai le, misual tla chu a thah na lai. LALPA nih a sim asi,’ ” a ti.

JEREMIA 38:2

“Âuzawng hi khuapi lakah umtu chu râltuknâk ah mawh, pâmnâk ah mawh, râi lakah mawh an thi lai. Sikhawmsele âuzawng suak hen Babulon mi tla sinah â pêk mi chu thah asi lai lo le, a nungnâk chu zuah asi lai,” LALPA nih a ti mi mi zapi tla sinah ka sim mi chu an theih.

JEREMIA 39:18

Him tak hen ka nan kilkâwi lai le, thah hen na um lai lo. Keimah na hawng ka rinhsanh ruangah na nungnâk chu a him lai. Kei, LALPA nih ka sim asi,” a ti.

ZEPHANIAH 3:8

LALPA nih, “Ngâk râm rih le, phun tla ka phiar na ding ni chu ngâk ko rih. Ka thinthawknâk theihtir na ding hen phun tla leh lalram tla pumh na ding ka tum. Ka thinrunhnâk mei hen tual pumpi ka veih awt.

ROM 12:16

Dawnruatnâk munkhat hen a um tawnh u. A Sung-û tir tuk lah u, nauta tla kawmh dauh na u. A fingtir lah u.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.