JEREMIA 42:6 - Bawm Common Language Bible Version

⁶ Kan rangah lawmhnâk si seh silah seh deih ding hen kan ngiartir mi LALPA kan Pathian thu chu kan ngâi lai,” an ti.

JEREMIA 42:6 ပူးပေါင်းရင်းမြစ်များ

SAM 128:2

Na rianṭuan nih na thilherh tla a tumh lai. Na lâwm lai le, na sul-le-lam a tluang lai.

SAM 78:36

Sikhawmsele an thu tla chu âwkrâwl hep asi le, an sim mi zawng tla chu zumh a kâi lo.

EXODUS 24:7

LALPA thupêk rînnâk thudântuk bu chu a lâk le, hâu fâk tak hen zapi tla sinah a rêl. “LALPA nih thu hawng kan pêk mi chu kanna awi hen kan ti ver lai,” an ti.

ISAI 3:10

Mirep tla chu anna lâwm lai le, an rangah thil zeizawng a tluang lai. An rianṭuan tha fâk lakah anna lâwm kho lai.

JEREMIA 22:15

Sidar thing hen in na sak hen, in dang ngâk hen dawh dauh hen a um mi nih lal ṭha dauh ah a nan siam ma? Na pa chu a san tlum tiang lâwm tak hen a um. A dik hen a ṭha kumza le, a thilti zawzawng sul-le-lam tluang hen a um.

JEREMIA 43:4

Juda ram ah um ko ding hen Johanan leh kawrsen hotu tla, zapi minung tla lakah âukhawm nih LALPA thupêk an ngâilo.

JEREMIA 7:23

Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

ROM 7:13

Asi chun, thil ṭha chu ka rangah thihnâk a hawng si masi? Si lo e! Sualnâk chu ka rang thihnâk a hawng si dauh rawh asi. Chun, sualnâk chu sualnâk asi ti a lang khonâk ding hen, thil ṭha chu mang hen a ka thah asi. Sualnâk chu thupêk ruang khan sual fâk tak asi khonâk ding hen.

ROM 7:7

Zei me kan sim lai rawh ne? Dân chu sual masi? Si lo e! Sikhawmsele, Dân ruangah theih si lah sele chu sual kan theih lo ding mi; Dân nih chun, “Uh lah,” ti lah sele chu uh hi kan theih lo ding mi.

ROM 8:7

Taksa duhkâng chu Pathian donâk asi ruangah chu chu Pathian Dân hen a um lo le, um khawm a um kho lo asi.

DEUTERONOMY 5:27

Mosi, va kîr le, LALPA kan Pathian nih a sim mi zeizawng va ngâi. Chun hawng kîr le, na sinah a sim mi zawng hawng kan simh bâk. Kan ngâi lai le, kan zûl lai,’ an ti.

DEUTERONOMY 5:29

Hi hâwi hen an dawn kumza hen, keimah lâwng an ka zah kumza hen ka thupêk tla an zûl kumza chun zeizawng ah an sul-le-lam a tluang lai le, an thlâk tla khawm an um kumza lai.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

JOSUA 24:24

Mi zapi tla nih Josua sinah, “LALPA kan Pathian rian kan ṭuan awt, a thupêk tla kan zûl lai,” an ti.