JEREMIA 42:5 - Bawm Common Language Bible Version

⁵ Churawhchun, annih nih ka sinah, “LALPA kan Pathian nih kan rangah thu hawng kan pêk mi zawzawng kan zûl lo chun kan lakah LALPA chu theihpitu dik tak zumhkâi si seh.

JEREMIA 42:5 ပူးပေါင်းရင်းမြစ်များ

GENESIS 31:50

Laban nih chun a sim vima le, “Hawlhnâk ah, ka fanu tla na nehsawh hen nupi dang tla nei khawm le, chubang thâwng chu kei nih theihlo menza khawmsele, Pathian chu hawng kan vêngtu asi ti theihkumza rawh.

EXODUS 20:19

Mosi sinah, “Nangmah nih kan sinah thu sim le, kan ngâi lai; sikhawmsele Pathian nih kan sinah thu a sim mi chu kan ṭih, kan thi lebang lai,” an ti.

EXODUS 20:7

“Thilsual tinâk ah ka min mang lah u. Kei, LALPA nan Pathian nih ka min diklo tak hen mangtu chu ka rep awt.

JEREMIA 42:20

Churuangah tuah thihnâk rê hen thil diklo nan ti ti ka nan simhkan na. LALPA kan Pathian sinah thla an cham piak na ding hen nan hawng ka ngiar le, thupêk zawzawng ti ver ding thu nanna tiam.

JEREMIA 43:2

Churawhchun, Hosaiah fapa Azariah leh Kareah fapa Johanan leh mi zûm tla zawzawng nih ka sinah, “Âwkrâwl thu na sim mi asi. LALPA kan Pathian nih Aigupta va kal hen um lo ding hen hawng kan simhtu ah an fial mi na si lo.

JEREMIA 43:4

Juda ram ah um ko ding hen Johanan leh kawrsen hotu tla, zapi minung tla lakah âukhawm nih LALPA thupêk an ngâilo.

JEREMIA 5:2

LALPA sawnh ding hen sim khawm le, na sim mi chu na tum lêm lo.

MIKAH 1:2

Nannih phun zawzawng tla, hi hi theih u, tual tlûnah um mi zawzawng tla, hi hi ngâi u! LALPA Zahkâi nih a nan sâwi awt, a vân Biakin thawk hen thu a sim mi chu ngâi u!

MALAKI 2:14

Zei rangah me a pawm lo nan ti, nan no liauah nanna umhnâk lakah thutiam nan buar mi a theih ruangah asi. Na nupi chu thutiam nan neipi mi asi le, Pathian mâika ah zumhkâi tak a um ding hen thu nan tiam mi chu nan buar.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

ROM 1:9

Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

THUPHUANG 3:14

“Laodikei khua kawhmi vânmifial sinah chun rîn rawh: “Amen thawk hen theihpitu zumhkâi tak leh diktak, Pathian thilsiam bul nih khan hi thuchah hi a sim asi.

LÂIRÊL 11:10

Annih nih an sâng le, “Rem kan ti. LALPA chu hawng kan theihpitu asi” an ti.

1 SAMUEL 12:5

Samuel nih a sâng le, “Zeikhawm ka palh-le-rahnâk nan tawng lo mi lakah hin tusûn ah LALPA leh a lal thîm hi theihpitu si seh,” a ti. Annih nih, “Asi, LALPA chu hawng kan theihpitu asi,” ti hen an sâng.

1 SAMUEL 20:42

Jonathan nih David sinah, “Pathian na sinah um seh. LALPA nih kei leh nang; ka thlâk tla leh na thlâk tla thutiamnâk thenhlimh hen kanna nei tawnh mi hi theih seh,” a ti. David khawm a kal le, Jonathan khawm khua leiah a kîr.