JEREMIA 42:4 - Bawm Common Language Bible Version

⁴ Kei nih ka sâng le, “A ṭha asi, chu hâwi asi chun, nan ka deih mi hâwi hen LALPA, kan Pathian chu ka ngiar lai le, a sim mi zawng chu kan simh na lai. Nan lakah zeikhawm ka pheh lai lo,” a ti.

JEREMIA 42:4 ပူးပေါင်းရင်းမြစ်များ

SAM 40:10

Ka ruangsuahnâk thu chu pheh lo hen na zumhkâinâk leh ṭangpinâk chu ka sim kumza. Na mi le pumhnâk ah chun na zângfahnâk leh zumhkâinâk thu sim lo hen ka um lo.

EXODUS 8:29

Mosi nih a sinah, “Ka suak chun, thâi ah LALPA sinah thla ka cham lai le, thovâi tla nih chun nang leh na rianṭuantu tla leh na mi tla an kaltâk na lai rawh. Sikhawmsele, hawng kan perpet lah rawh le, LALPA sinah bâwl ding an kal mi mipi tla khawm khap lah na rawh,” a ti.

JEREMIA 23:28

Khuavâng mang nei mi chu mang rarâu ko asi ti hen a sim ding asi, sikhawmsele ka thu theihtu khuavâng lam chu thuchah zumhkâi tak hen a phuang lai. Fapawn leh fâng tahkhiat hen zei mi a ṭha dauh?

JEREMIA 23:35

Chu ngâk chun mikip nih a hâwi tla mawh a unau tla mawh sinah, ‘A sângnâk ah LALPA nih zei a ti? LALPA nih zei a sim?’ an ti lehlam ding asi.

JEREMIA 26:2

“Zapi minung Juda khuapi thawk hen chunah Pathian sawnh ding hen hawng mi tla sinah, sim ding hen thu ka nan pêk mi zawzawng Biakin kulh sungah va dîr le, phuang rawh. Zeikhawm relh lah.

EZEKIEL 2:7

Ngâi seh ngâi lah na seh sim ding hen ka nan simh mi thu chu simh na ko. Mi hel an si mi theihkumza na.

THILTI 20:20

Kha hâwi hen khan a ṭhatvaknâk thu nan sinah zeikhawm sim ka sûm lo le, mi zatlâng lakah leh in kip ah ka nan sîntir na tâwn kha.

THILTI 20:27

Pathian ruat zawzawng a ektê hen nan sinah simh kâ sûm lo kha.

ROM 10:1

Ka unau tla, ka thinlung duhzia leh ka mi tla rangah Pathian sinah ka thlachamnâk san chem chu ruangsuah hen an um khonâk ding chu asi.

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.