JEREMIA 42:2 - Bawm Common Language Bible Version

² “Zângfahtê hen kan deih mi chu hawng kan ti piak! LALPA, kan Pathian sinah thla hawng kan cham piak. A vei bang tla zawzawng rangah thla hawng kan cham piak. Na kan muh mi hâwi hen veikhat rangah chun tam tak kan si le, tu lam chu tâwmtê cho kan si rawh.

JEREMIA 42:2 ပူးပေါင်းရင်းမြစ်များ

1 Lal 13:6

Lalchem Jeroboam nih khuavâng sinah, “Zângfahtê hen LALPA na Pathian sinah thlacham le, ka bân a dam khonâk ding hen hawng ka ngiar piak râu rawh,” a ti. Khuavâng nih LALPA sinah thla a cham piak le, lal kut chu a dam rawh.

SAM 119:170

Ka thlachamnâk hi ngâi le, na thutiam hâwi hen ruang hawng ka suah.

EXODUS 8:28

Lalchem nih “Ramkaro ah LALPA nan Pathian sinah bâwl ding hen kan kaltir na lai, lât tuktarâi nan kal awtlo chun, thla hawng ka cham piak ko,” a ti.

EXODUS 9:28

LALPA sinah thla hawng kan cham piak u; Rial leh khuarît kan tuar tuk rawh! An suah na ding hen thu ka tiam asi; hinah tam nan um lai lo rawh,” a ti.

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

ISAI 1:9

LALPA zeizawng tikho nih a thibang zeimaw mi zuah na lah sele chu Jerusalem chu Sodom leh Gomorah hâwi hen râwk dep hen a um lai.

ISAI 37:4

Asiria lal lianchem nih a milian chu Pathian nung simsiat ding hen a hawng fial. LALPA na Pathian nih hi bang simsiatnâk hi theih sele, chu hâwi hen thusimtu tla chu rêp na seh. Churuangah a thibang kan mi le tla rangah Pathian sinah thlacham rawh,” an ti.

ISAI 42:20

Israel, kha tluk na muh tam rawh le, sikhawmsele, nang rangah zei asi rawh ne? Theihnâk ding hen nâ chu na nei le, sikhawmsele zei me na theih tak mi a um?” a ti.

JEREMIA 15:11

LALPA, na rian ṭhadek ka ṭuan lo hen ka mêlma tla an lawksawng hen anna hamh mi rangah ka ngiar piak na lo mi asi chun, an siatbarh tla chu tlung ngelchel seh.

JEREMIA 2:27

Nannih thing rangah ka pa titu leh lungpi rangah ka nu titu tla, nan ektê hen nan ning a zak lai. Keimah leikângah hawng a her lo hen nan hawng ka hertâk ruangah hi bang tla hi a hawng tlung lai. Sikhawmsele nan lawksawng liau chun hawng kal hen ruang a nan suah na ding hen nan ka deih.

JEREMIA 21:2

“Babulon lalchem Nebukadnezar leh a kawrsen tla nih khuapi an hual ruangah zângfahtê hen LALPA sinah thu hawng kan sim piak. LALPA nih kan rangah a thilchê pakhat tal hawng kan ti piak hen Nebukadnezar chu a kîrtir lai mawh,” an ti.

JEREMIA 36:7

LALPA nih a thinthawknâk leh a hehhârnâk ṭihnungkâi tak hen a ṭhih na mi asi ruangah an thilsual ti lakah mi chu LALPA lei anna her hen thla an cham lai mawh,” a ti.

JEREMIA 37:20

Tuah, Bâwipa, ka thu ngâi ding leh ka nan deih mi hawng ka ti piak ding hen ka nan ngiar. Zângfahtê hen Jonathan in ah mi rêngin ah hawng ka kîrtir rîlmâl lah. Na ka kîrtir chun chunah chun ka thi ngelchel lai,” ka ti.

JEREMIA 37:3

Lalchem Zedekiah nih Selemiah fapa Jehukal leh Maaseiah fapa bâwlpu Zephaniah chu kan phun ruangrûl ah LALPA, kan Pathian sinah keimah nih thlacham ding ngiar ah a hawng fial na.

JEREMIA 38:14

Tik dangah lalchem Zedekiah nih Biakin tualmâi a pathumnâk ah hawng ka kalpi le, ka sinah, “Thu kan deih awt, thudik zawzawng hawng ka simh ding hen ka duh,” a ti.

JEREMIA 40:15

Churawhchun, Johanan nih a thuptê hen a sinah, “Ismael thah ding hen hawng ka kaltir ko, âukhawm nih an theih vak lai lo. Zei rangah nang rangah an thah êu lai? Chu hâwi a hawng si chun, Juda tla na kiangah anna pûm mi rekrâwitirtu leh Juda ram ah mâk hen an um mi zawzawng tlûnah siatnâk tlungtirtu asi lai,” a ti.

JEREMIA 42:20

Churuangah tuah thihnâk rê hen thil diklo nan ti ti ka nan simhkan na. LALPA kan Pathian sinah thla an cham piak na ding hen nan hawng ka ngiar le, thupêk zawzawng ti ver ding thu nanna tiam.

LUNGFÂKNÂK 1:1

Jerusalem, veikhat chu minung khat dul hen A um mi a king rawh chiam e! Veikhat chu laikulh pumpi nih zah hen a um mi Tu chun numei hâwi cho asi rawh. Khuapi lianchem chu sal asi ving rawh.

EZEKIEL 12:16

Tuknâk, pâmnâk leh râi lakah thibang tâwmtê ka zuah na lai le, phun tla nâwngah an thilti fihnung a kâi zia leh kei LALPA kasi zia an theih lai,” a ti.

HOSEA 8:10

Sikhawmsele tuah anmah rêp na ding hen ka pumh na awt, Sâwtlotê ah Siria lal nih a rêp na tikah nganfâk tuar hen an tâl dak lai.

LEVITICUS 26:22

Ram sa ṭihnungkâi nan sinah ka hawng fial lai, nan fa tla leh nan ran tla a seh lai le, nan lampi tla khawm a king thlo lai.

AMOS 7:2

Chu langhnâk ka nei mi lakah chun khâubawk nih thil ring ram lakah mi a ei hep mi ka muh le, churawhchun kei nih, “LALPA Zahkâi, na mi tla ngaihdam na rawh, zeitin an him kho zia lai? An tâwm hen an chak lo thlo mi!” ka ti.

MATHAI 24:22

Chun, chu ni tla chu tâwitir lah sele, minung rerêng dam hen an suak lai lo. Sikhawmsele, thîm tla ruangah chun chubang ni tla chu tâwitir asi lai.

THILTI 8:24

Chun, Simon nih, “Nan sim mi hi zeikhawm ka tlûnah a tlung lonâk ding hen Lalpa sinah thla hawng ka cham piak u,” a ti le, a sâng.

DEUTERONOMY 28:62

Vân ah ârfi zat hen tam khawm ule, a leifuan chu tâwmtê cho nan si lai, LALPA nan Pathian thu nan ngâilo ruangah.

DEUTERONOMY 28:63

LALPA nih nan sul-le-lam a tluang tir hen zantir na ding a duh mi hâwitê hen nan lakah an veih na ding leh siatnâk nan tlûnah tlungtir ding a duh rûl rawh. Nan umnâk ram ah mi an ṭhial ving na lai.

DEUTERONOMY 4:27

LALPA nih phundang nâwngah a nan rektir phin na lai le, chunah chun a thibang tâwmtê cho nan um lai.

JEM 5:16

Chun, damh hen nan um khonâk ding hen, nan sual tla thutluang a vawr tawnh ule, thla a cham piak tawnh u, mirep thlachamnâk nih chun thil fâk tak ati tâwn.

1 SAMUEL 12:19

“Pu, zângfahtê hen kan thi lonâk ding hen LALPA na Pathian sinah hawng kan deih piak. Tuah kan sualnâk zawzawng dang chu siah rih hen lalchem kan deih mi thu ah hin kan palh rawh ti kan theihfiang,” an ti.

1 SAMUEL 12:23

Kei lam nih chun nan rangah thlacham ka dâithlanh ruangah LALPA lakah ka mawh ding asi lo rerêng. Chu hâwi ding ngâk hen, nan rangah zei me a ṭha hen a dik mi zawng chu kan sîntir na awt.

1 SAMUEL 7:8

Samuel sinah, “Philistia mi tla lakah ruang hawng kan suah ding hen LALPA sinah thlacham kumza ko,” an ti.