JEREMIA 40:3 - Bawm Common Language Bible Version

³ tu lam chun ka ti lai a ti mi chu a ti rawh. Na mi tla nih LALPA lakah thilsual ti hen a thu an ngâilo ruangah, hi bang zawng hi a hawng tlung mi asi.

JEREMIA 40:3 ပူးပေါင်းရင်းမြစ်များ

NEHEMIAH 9:28

An thla a ngam chun a lîlâ hen an sual nawlh le, churawhchun an mêlma tla anmah nehtu ah na siam na. An rim hen na sinah ruangsuah ding hen an ngiar chun, nangnih vân thawk hen na ngâi piak na tâwn le, na khuaruatnâk ruangah ruang na suah na.

NEHEMIAH 9:33

Na kan rêp mi hi na dik asi, kan sual menza khawmsele, nang chu zumh na kâi.

JEREMIA 11:17

“Kei, LALPA Zeizawng tikho nih, Juda leh Israel chu ka phun na le; sikhawmsele tu chun siatnâk hen ka lauh na. Thil diklo an ti ruang chun hi bang hi anmah nih an lakah an tlungtir le, Baal sinah bâwlnâk pêk hen ka thin an ka thawktir,” a ti.

JEREMIA 22:8

“Chu nûnah chun, ramdang mi tam tak nih an pal lai le, zei zia me si hi khuapi rokual lakah LALPA nih hi bang hâwi thil a ti aw ti hen anna deih lai.

JEREMIA 39:16

Sudan mi Ebedmelek simh ding hen LALPA Zeizawng tikho, Israel Pathian nih thu hawng ka simh, “Ka ti lai ka ti mi hâwitê hen hi khuapi tlûnah hin siatnâk leh sul-le-lam tluanglonâk ka tlungtir lai. Chubang chu a tlung tikah muh ding hen chunah chun na um lai.

JEREMIA 44:23

A thupêk zawzawng ngâilo hen pathian dang tla sinah bâwlnâk ap hen LALPA tlûnah thilsual nan ti ruangah tu mi siatnâk hi nan tlûnah a hawng tlung rawh asi,” a ti.

JEREMIA 50:7

Anmah hâwltu tla nih an do na. An mêlma tla nih, ‘LALPA lakah thilsual titu an si, churuangah thil kan ti mi hi kan diklo mi asi lo. An thlâktu tla nih LALPA an rinhsan le, a lakah zumhkâi tak hen an um,’ an ti.

LUNGFÂKNÂK 2:17

LALPA nih ti ding hen a ṭhih na mi chu A dawnghnâk ah a ti taktê rawh. A lân thawk a hawng kan simhkan rawh hâwi hen Khuaruat lo hen hawng kan veih dep rawh. Niamh hen kan um mi lakah, kan mêlma tla chu Nehtu si hen a lawmhtir na rawh.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

DEUTERONOMY 29:25

‘Aigupta ram thawk hen a suakpi na liauah an thlâk natu Pathian sinah thudântuk an siam mi LALPA mi tla nih an buar ruangah ti hen an sâng lai.