JEREMIA 4:9 - Bawm Common Language Bible Version

⁹ LALPA nih, “Chu ni ah chun lalchem tla leh rianṭuantu tla chu an zer lai le; bâwlpu tla chu lâu khit hen an um lai le, khuavâng tla nih chê an ti lai,” a ti.

JEREMIA 4:9 ပူးပေါင်းရင်းမြစ်များ

2 Lal 25:4

Sikhawmsele, Babulon mi tla nih khuapi chu an kulh hep le, Juda kawrsen tla chu zân ah an suak hep, lal dûm lampi lei hen vâm a tawnhnâk kawtkâ lei hen an kal le, Jordan Vakuam leiah an tek hep.

SAM 102:4

Belh a châr mi hâwi hen vuak dep hen ka um le; ka buh duhnâk khawm a tlâu ving.

ISAI 19:16

Aigupta mi tla chu nunau hâwi hen an zer tik ni ding a hawng tlung awt rawh. LALPA Zeizawng tikho nih anmah rêp ding hen a kut a lirh mi an muh tik chun lâu hen an thir lai.

ISAI 19:3

Aigupta thiltum chu ka râwk lai le, an thinlung ah an dawn mi khawm ka râwk lai. Ṭangpi ding hen an milem tla an ngiar lai le, an va kal lai le, mithi thlarau kawhtu an simh lai le, mithi thlarau rangah thu an deih lai.

ISAI 28:19

Zîng siar hen a nan vuak lemang na lai. A sûn a zân hen nan tuar lai. Pathian thawk hen thuchah thar kip nih ṭihnungkâi thar a hawng tlungtir lai.

JEREMIA 2:26

LALPA nih, “Mifîr chu an tleih le, a ning a zak mi hâwi hen, nannih Israel mi tla, nan lalchem tla leh rianṭuantu tla, nan bâwlpu tla leh khuavâng tla, nan ektê hen nan ning a zak lai.

JEREMIA 25:34

Nannih ruitu tla, ṭap u, nannih ka mi vêngtu tla, hâu fâk hen ṭap u! Ulh ule, valei lakah rîl u. Nanmah an thah na ding mi tik a tlung rawh, dawrâ chal tla hâwi hen thah nan si lai.

JEREMIA 37:19

Nangmah mawh ram mawh Babulon lalchem nih a nan do lai loh ti hen an simhtu na khuavâng tla tlûnah zei a hawng tlung rawh ne?

JEREMIA 48:41

khuapi tla leh kulh tla chu lâk hen a um lai. Chu ni chun Moab kawrsen tla chu nunau nganfâk mi hâwi hen an lâu lai.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

JEREMIA 52:7

Babulon mi tla nih khuapi chu hual dak na khawmsele kawrsen tla chu zân ah an suak hep. Lal dûm leikâng a mi lampi hen an kal le, kulh vâm panih â tawnhnâk ram kawtkâ lakah an suak le, Jordan vakuam leiah an tek.

THILTI 13:41

‘Zauhnawmhtu tla, zauhnik u! Chê ti ule, tlâu ko u, nan dam kar hin thil kâng khat ka ti mi hi, chu thil chu mi nih an simh na khawmsele, nan lung lo thlo lai, ti kha,” a ti.