JEREMIA 4:8 - Bawm Common Language Bible Version

⁸ Churuangah LALPA thinthawknâk fâk tak Juda lakah mi a reh lo ruangah salâpuan aih ule; ṭap leh thinlung fâk hen um u.

JEREMIA 4:8 ပူးပေါင်းရင်းမြစ်များ

SAM 78:49

A thinthawknâk leh a thinrunhnâk fâk tak a hawng fial mi nih chun hamhnâk fâk tak a pêk na.

ISAI 10:4

Râltuknâk ah nan thi lai le, rêngtlâ hâwi hen a nan kalpi na lai. Sikhawmsele LALPA thinthawknâk chu a reh dah lai loh, rêp ding hen a bân a zangh nget lai rih.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

ISAI 32:11

Nuam tak hen nan um le, lawksawngnâk khawm nan nei lo; tu lam chun lâu hen thir u! Nan nipuan tla lît ule, nan puan sia hen a sâwm u.

ISAI 5:25

LALPA chu a mi le lakah a thinrun le, anmah rêp ding hen a kut a zangh. Tlâng tla â nîn lai le, a thi mi ruak tla chu nâwm pawng hâwi hen khua lâi ah mâk asi lai. Chu khawm ah LALPA thinthawknâk chu a bâng lai lo rih le, anmah rêp ding hen a kut chu a zangh nget lai rih.

ISAI 9:12

Saklei ah Siria mi leh thlanglei ah Philistia tla chu Israel veih ding hen an kâ an âng. Chu hâwi tluk asi khawm ah LALPA thinthawknâk chu a reh dahlo rih; rêp ding hen a kut chu a zangh nget rih.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

ISAI 9:21

Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.

JEREMIA 25:34

Nannih ruitu tla, ṭap u, nannih ka mi vêngtu tla, hâu fâk hen ṭap u! Ulh ule, valei lakah rîl u. Nanmah an thah na ding mi tik a tlung rawh, dawrâ chal tla hâwi hen thah nan si lai.

JEREMIA 48:20

Annih nih chun ‘Moab chu a tlû rawh, ṭappi u, mualpho hen a um rawh. Moab â râwk rawh ti hen Arnon tiva dung tluan hen sim u!’ ti hen a sâng na lai.

JEREMIA 6:26

LALPA nih a mi le sinah, “Salâpuan aih ule, vachâm nâwngah rîl u. Minung pakhat nanmah veih ding hen hawng kal mi nih an do sâwm na awt ruangah, fapa pakhat tek ruangah nan lung a fâk ding mi hâwi hen mitthli tlâ rê hen lungfâk u.

LUNGFÂKNÂK 1:12

Amah paltu sin kip ah, “Hawng ka zauhnik u!” ti hen a ṭap. Ka nganfâk LALPA nih a thinthawk liauah ka tlûnah A tlungtir mi hâwi hi âukhawm nih an tuar dahlo.

EZEKIEL 21:12

Thikho mi minung, lawksawng hen âu; hi nâmsâu hi ka mi tla leh Israel ruitu zawzawng thahnâk ding asi. Ka mi tla zawzawng hen thah hep an si lai. Thinlung dawng tak hen na thinmakâ chumh.

EZEKIEL 30:2

“Thikho mi minung, kei LALPA Zahkâi nih ka sim mi hi simkan le, phuang rawh. Hi bang thu tla hi sim rawh: Ni ṭihnungkâi a hawng tlung awt!

JOEL 1:13

Nannih bâwlpu, mâichâm rianṭuantu tla, salâpuan a aih ule, ṭap u. Nan Pathian sinah ap ding hen fâng leh uain a um lo rawh.

AMOS 8:10

Nan kût ni tla chu mithi vûi ni ah ka changtir lai le, nanna lâwmnâk la chu ngaihsia hen âunâk ah ka changtir lai. Nan lû ka mêt lai le, salâpuan kan aihtir na lai. Nu leh pa nih an fapa an neihlem mi thihnâk ruangah an lungfâk mi hâwi asi lai. Chu ni chu khâtîk hen a dawng lai.

MIKAH 1:16

Juda mi tla nan fa nan dâwt mi tla sal ah put an si awt ruangah nan lung a fâk zauhtirnâk ah nan sam mêt u. Mulukawlh hâwi hen nan lû kâwng tleng ziat u.

NUMBER 25:4

Mosi sinah, “Israel ruitu tla chu, ka thu ngâi hen put na le, zapi tlûnah ka thinthawknâk a reh khonâk ding hen sûn nî chêu ah thah hep na,” a ti.