JEREMIA 4:7 - Bawm Common Language Bible Version

⁷ Chakeibaknei â thupnâk mun ah mi a hawng mi hâwi hen, phun tla râwktu a hawng suak rawh. Juda tla râwk ding hen a hawng kal. Juda khuapi tla chu râwk dep hen kaltâk asi lai le, a sungah pakhat khawm an um lai lo.

JEREMIA 4:7 ပူးပေါင်းရင်းမြစ်များ

2 Lal 24:1

Jehoiakim a lal liauah Babulon lalchem Nebukadnezar nih Juda a rûn le, kum thum kar a sinah a pêk hen amah lâirêlnâk tangah Jehoiakim chu a umtir le, a nehnûn chun a hel rawh.

2 Lal 25:1

Zedekiah chu Babulon lalchem Nebukadnezar lakah a hel le, churuangah Zedekiah lâirêl kum kuanâk thla rânâk, a ni rânâk ah Nebukadnezar chu a kawrsen tla hen Jerusalem an do.

ISAI 1:7

Na ram chu râwk hen a um le, na khuapi tla chu tual ah duah hen a um. Na zauh ko liauah ramdang minung nih na ram an lâk le, thil zeizawng an râwk hep.

ISAI 5:9

LALPA Zeizawng tikho nih thu a sim mi ka theih, “Hi bang in lian pipi leh ṭha tatak tla hi a karo hen a um lai.

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

JEREMIA 2:15

Chakeibaknei hâwi hen an hûk rawh; a ram chu a karo hen an siam le, a khuapi tla chu râwk hen kaltâk phin hen a um.

JEREMIA 22:6

“Juda lal in chu kei rangah chun Gilead ram leh Lebanon Tlâng hâwi hen â dawh le; sikhawmsele ram lâwng âukhawm umlonâk mun ah ka siam awt.

JEREMIA 22:7

Râwktu ding hen mi tla ka fial na. An reitlung tla an hawng put lai le, sidar thing phun dawh tak tla chu an hâu lai le, mei ah an paih lai.

JEREMIA 25:38

Chakeibaknei nih a pûk a kaltâk mi hâwi hen, LALPA nih a mi tla chu a kaltâk na rawh. LALPA thinthawknâk leh râltuk ṭihnungkâi nih nan ram chu ramkaro ah a siam.

JEREMIA 25:9

‘Marlei mi minung tla zawzawng leh ka to-aw Babulon lalchem Nebukadnezar ka fial na awt. Juda leh a ram sungah mi tla leh a kiangkam ah mi phun zawzawng tla do ding hen ka hawngpi na awt. Hi phun tla leh a kiangkam ah mi tla ka râwk na lai le, sia dep hen ka mâk na lai le, ṭihnungkâi leh lâu khit ding hen a um lai. Kei, LALPA nih ka sim asi.

JEREMIA 26:9

Zei rangah hi Biakin hi LALPA min hen Siloh hâwi asi lai le, khuapi khawm a râwk lai le, a sungah pakhat khawm an um lai lo, na ti zia?” an ti. Churawhchun, zapi minung tla chu ka kiang an hawng khat zat.

JEREMIA 27:8

“Sikhawmsele zei phun tal mawh zei lalram tal nih a dân a zûl lo chun, Nebukadnezar ka râwk dep lânlo chu, chu phun chu râltuknâk, pâmnâk leh râi hen ka rêp na awt.

JEREMIA 33:10

LALPA nih, “Mi nih hi mun hi ramkaro hâwi asi, a sungah minung leh ramsa khawm a um lo an ti. A dik ngâk, Juda khuapi leh Jerusalem khualâi tla chu a karo hen a um; ran leh minung khawm an um lo. Sikhawmsele chu mun ah chun lâwmnâk leh lâwptlonâk hâu, nupi umhnâk puai tuah hâu tla theih asi nawlh lai.

JEREMIA 34:22

Thu ka pêk na lai le, hi khuapi ah an hawng kîr nawlh lai. An do lai le, an lâk lai le, an duah hep lai. Juda khuapi tla chu minung pakhat khawm umlo mi ramkaro hâwi hen ka tuah lai. Kei, LALPA nih ka sim asi,” a ti.

JEREMIA 4:29

Rang tlûnah â chuan mi leh chanhtiang kahtu tla hâu ah mikip an tek hep lai. A zeimaw mi chu thing mun ah an tek lai le, midang tla chu lungpi lakah an kâi lai. Khuapi tla chu a karo hen mâk asi lai le, a sungah âukhawm an um nawlh lai lo rawh.

JEREMIA 44:2

LALPA, Zeizawng tikho, Israel Pathian nih, “Jerusalem leh Juda khuapi dang tla zawzawng tlûnah siatnâk ka hawng tlungtir mi tla chu nanmah ngelchel nih nan muh.

JEREMIA 46:18

Kei, LALPA Zeizawng tikho chu lalchem kasi. Pathian nung kasi. Tabor tlângah insâng tla nih tlâng sâng tla a lanh mi leh Karmel tlâng tla chu tipi ngâk hen a sâng mi hâwi hen a nan dotu chaknâk chu asi lai.

JEREMIA 49:19

Chakeibaknei tumun thawk hen a hawng suak le, Jordan Va dung zawh hen ram ningno leiah a kal mi hâwi hen ka hawng kal lai le, Edom mi tla chu an ram thawk hen mawhsareh hen ka tektir phin na awt. Churawhchun, ruitu ka thîm mi nih phun lakah lâi a rêl lai. Âu hen nan hawng ka tahkhiat kho awt? Âunih hawng ka zuam ngam awt? Zei lâirêltu nih hawng ka do kho awt?

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

JEREMIA 50:17

LALPA nih, “Israel mi tla chu chakeibaknei nih dawrâ tla a ṭhâwl na le a rekrâwitir na mi hâwi an si. A masa chem hen Asiria lal nih a do na le, chu nûnah Babulon lalchem Nebukadnezar nih an ruh a khelh.

JEREMIA 50:44

“Chakeibaknei thing mun thawk hen a hawng suak le, Jordan va dung zawh hen ram ningno leiah a kal mi hâwi asi. Kei LALPA, ka hawng kal lai le, Babulon mi tla an khuapi ah mi chu lâkkhatko ah ka tektir phin na awt. Churawhchun, ruitu ka thîm mi nih phun lakah lâi a rêl lai. Âu hen nan hawng ka tahkhiat kho awt? Âunih hawng ka zuam ngam awt? Zei lâirêltu nih hawng ka do kho awt?

JEREMIA 8:16

Kan mêlma tla chu Dan khuapi ah an um ving rawh; an rang tla nâr tum hâu kan theih. An rang tla nih hâu an suah chun ram pumpi a thir. Kan mêlma tla chu kan ram râwk ding leh a sung ah um mi zawzawng râwk ding hen an hawng le, kan khuapi tla leh a mi tla zawzawng hen,” an ti.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

EZEKIEL 12:20

Tuah khuapi minung hen a khat mi chu veih hen a um lai le, ram khawm ramkaro hâwi hen siam asi lai. Chu tikah kei LALPA kasi ti an theih lai,” a ti.

EZEKIEL 21:31

Meialh hâwi hen na lakah ka hawng thlah tikah ka thinthawknâk chu na theih lai. Mi rualo, râwk thiam mi kutah ka nan pêk lai.

EZEKIEL 32:2

“Thikho mi minung, theihkan tirnâk khung tak Aigupta lalchem rangah pêk rawh. Ka sinah mi thuchah hi pêk rawh: Chakeibaknei hâwi hen phun tla tlûnah thil na ti le, sikhawmsele tisârtâm tiva ah mi tî persur tirtu na bangh dauh. Na kê hen tî na nawih le, tiva tla na nawmh ver.

DANIAL 5:19

A rokual tuktarâi ruangah phun zawzawng leh zât zawzawng leh hawlh zawzawng nih an ṭih le, an thîr. Thah ding a duh mi chu a thah na, nungtir ding a duh mi chu a nunh na. A duh mi zawng zahkâi hen khawm a tuah, ningzak khawm a saih na.

DANIAL 7:4

Pakhat chu chakeibaknei hâwi asi, sikhawmsele mû hâwi hen thlâ a nei, ka zauh ko liauah a thlâ tla â thlêr hep. Chu sarâng chu châwi ving hen a um le, minung hâwi hen a dîrtir, churawhchun minung thinlung a sinah pêk hen a um.

LEVITICUS 26:31

Fih hen nan khuapi tla chu ka râwk lai le, nan pathian sawnhnâk tla khawm râwk hen, nan bâwlnâk ka nawng awt.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.