JEREMIA 4:4 - Bawm Common Language Bible Version

⁴ Nannih Juda mi leh Jerusalem mi tla, ka sinah thudân nan tuk mi chu kil thlir ule, kei nan LALPA lakah hawng a pêk u. Chu hâwi nan ti lo chun thilsual nan ti mi ruangah ka thinthawknâk nih mei hâwi hen an khangh na lai. A kâng lai le, âukhawm mihtu a um lai loh,” a ti.

JEREMIA 4:4 ပူးပေါင်းရင်းမြစ်များ

2 CHRONICLES 34:25

An hawng ka duh lo le, pathian dang tla sinah bâwlnâk ap hen thil an ti mi zawzawng nih ka thin an runhtir. Jerusalem tlûnah ka thinthawknâk chu a reh ding asi lo.

ISAI 10:17

Pathian, Israel tla chêunâk chu mei asi lai. Israel Pathian thenhlimh chu meialh ah a hawng a chang lai le, chu nih chun ni khat ko ah thil zeizawng ling leh bua tiang a khangh hep lai.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

ISAI 51:17

Jerusalem, thawk rawh! A ṭhang le, thawk rawh! LALPA nih a thinthawknâk rêpnâk hâi a nan pêk mi chu na din rawh; Na din hep le, a nan hâwrtir.

JEREMIA 15:14

Ka thinthawknâk chu mei hâwi hen a alh kumza ruangah an theih dah lonâk ram ah mi an mêlma tla rianṭuantu ah ka siam na awt,” a ti.

JEREMIA 21:5

Ka chaknâk zawzawng hen, ka thinthawknâk leh ka thinrunhnâk leh ka lungsilonâk hen ka nan do awt.

JEREMIA 23:19

A thinrunhnâk thlipi leh ruahpi chu misual le lû tlûnah a hawng râng lai,

JEREMIA 36:7

LALPA nih a thinthawknâk leh a hehhârnâk ṭihnungkâi tak hen a ṭhih na mi asi ruangah an thilsual ti lakah mi chu LALPA lei anna her hen thla an cham lai mawh,” a ti.

JEREMIA 44:22

Tusûn ni takah hin nan ram chu râwk hen a um le, a sungah pakhat khawm an um lo rawh. LALPA nih nan sualnâk leh nan thilsual ti a ngâi châwklo rawh ruangah zauhnâk ah ṭihnungkâi rê hen a um le, a min ah khawm mi nih siatbarh mi ti asi.

JEREMIA 9:25

LALPA nih, “Aigupta, Juda, Edom, Amon, Moab leh ramkaro ah um mi an sam tâwi hen tantu tla, ka rêp na ding tik chu a hawng tlung awt rawh. Hi minung tla hi fêmtan chu an si le, sikhawmsele a zauhtirnâk thudântuk chu an zûl lo. Hi bang minung tla leh Israel mi tla pakhat khawm nih ka thudântuk an zûl lo,” a ti.

LUNGFÂKNÂK 4:11

LALPA nih a thinthawknâk zawzawng chu a thlah dul; Zion ah mei a tih le, chu nih chun a khangh hep.

EZEKIEL 16:38

Ṭângdang pawmtâk hen mi na thah ruangah kan mawhtir awt, ka thinthawknâk leh ka thinrunhnâk hen thihnâk hen ka nan rêp awt.

EZEKIEL 18:31

Thilsual nan ti mi zawzawng lêt hep ule, dawnnâk leh thinlung thar a neih u. Israe1 mi tla, zei rangah thi ding nan duh êu?

EZEKIEL 20:33

“Kei, LALPA Zahkâi kasi kar vial chu, ka thinthawknâk leh ka kut chak leh ka thiltikhonâk hen nan tlûnah lâi ka rêl awt.

EZEKIEL 21:17

Kei khawm nih ka zâ ka bengh lai le, ka thinthawknâk chu â lîm lai rawh. Kei, LALPA nih ka sim asi,” a ti.

EZEKIEL 24:13

Jerusalem, na hurnâk thilti nih a nan nawmh. Thiangtir ding ka nan tum khawm ah na nâwm nget rih. Ka thinthawknâk zawzawng na theih lânlo chu na thiang ding asi lo rawh.

EZEKIEL 24:8

Lehrûl samtu ding thinthawk ding hen a langhnâk ah thî chu ka siah,” a ti.

EZEKIEL 44:7

Fêm tanlo mi ramdang minung keimah lunglotu tla chu bâwlnâk thâu leh thisen ka sinah an ap liauah ka Biakin ah an lûttir na le, an nawmh asi. Churuangah ka mi tla nih thil fihnungkâi an ti mi zawzawng hen ka thudântuk chu an buar rawh.

EZEKIEL 6:12

Lât takah um mi tla khawm damlo hen an thi lai; lam nâi ah um mi tla khawm tuknâk lakah an thi lai; chu lakah a thibang tla khawm sungvâng hen an thi lai. Ka thinthawknâk fâk tak chu an theih hep lai.

EZEKIEL 8:18

Ka thinthawknâk fâk tak an tawng teh lai. Ka zuah na hen an lakah khua ka ruat ding asi lo. An hâu a fâk kho rirî hen ka sinah thla an cham lai le, sikhawmsele ka ngâi piak na ding asi lo,” a ti.

LEVITICUS 26:28

ka thinthawk hen nan lakah ka lung asi lai lo le, kan rêp na nâk chu a ṭhalo chem mi vei sarih ka hawng tlungtir lai.

LEVITICUS 26:41

ka lung an sitir lo ruangah an mêlma tla ram ah sal ka tângtir na mi nih an sual tla leh an pu sual tla an lêt lai. A dawnghnâk ah chun nan thlâk tla chu an helnâk leh an sual ruangah rêp an si lai le, anna nautir lai rawh.

AMOS 5:6

LALPA sinah kal u, chu tikah nan nung lai. A sinah nan kal lo chun, Israel mi tla tlûnah mei kâng hâwi hen an phiat dep na lai. Bethel mi tla chu mei nih a kâng lai le, âukhawm nih an mih kho lai lo.

ZEPHANIAH 2:2

chawmpâr hâwi hen na uai hen na thih lânah, LALPA thinthawknâk khanghtu mei nih a nan khangh lânah, a thinrunnâk a langhtirnâk ni a tlung lânah theihthiamnâk nei rawh.

ROM 2:25

Dân zâwttu na si chun, na fêmtannâk chu a ṭhavak asi; Dân buartu na si lam chun, na fêmtan chu tan lo hâwi asi ko rawh.

DEUTERONOMY 10:16

Churuangah chun LALPA thu ngâi ule, nan lung khungtir lah u rawh.

DEUTERONOMY 30:6

LALPA nan Pathian nih nanmah leh nan thlâk tla rangah ê-aw ngâinâk thinlung a nan pêk na lai le, churawhchun nan thinlung zawzawng hen amah nan dâwt lai le, chu ram ah chun nan um kumza lai.

DEUTERONOMY 32:22

Ka thinthawknâk chu mei hâwi hen a alh lai le, tual tlûnah thil zeizawng a kâng lai. Laikulh tanglei tiang a va tleng lai le, tlâng tonâk bul tla a râwk lai.

KOLOSA 2:11

Krist fêmtannâk ah chun taksa tîttak lît ver hen amah lak ber ah kut a fêmtan silo hen fêmtan nan si kha;