JEREMIA 4:31 - Bawm Common Language Bible Version

³¹ Nunau nganfâk a ṭap mi hâwi leh nunau nih a fa tîr ring liauah a râk mi hâwi hen ṭap hâu ka theih. Jerusalem chu a thawsuah kho lo rê hen a râk le, a kut zo bû hen, “Ka vânduai a! Keimah thah ding hen an hawng ko rawh,” a ti.

JEREMIA 4:31 ပူးပေါင်းရင်းမြစ်များ

GENESIS 27:46

Rebek nih Isak sinah, “Esau nupi ramdang mi nunau tla hi ka diarh lo rawh. Jakob nih Hit mi nunau pakhat a umpi bâk asi chun ka thih phah lai rawh,” a ti.

JOB LASUIBU 10:1

Nung ka nêngtawr, ka vûirâmnâk fâk tak hawng ka ngâi piak.

SAM 120:5

Nan sinah um chu Mesek ah um mi hâwi hen a ṭhalo. Silo leh Kedar mi tla sinah um hâwi asi.

ISAI 1:15

“Thlacham hen nan bân nan phar tik khawm ah ka nan zauh na ding asi lo. Zeizat tal thlacham khawm ule, nan kut chu thisen a buaih hep ruangah kan ngâi piak na ding asi lo.

ISAI 13:8

An ektê hen an lâu lai le, nganfâknâk nih a neh na lai le, nunau nganfâk mi hâwi asi lai. Ningṭih hen anmah leh anmah anna zauh lai le, an mêl chu ningzaknâk hen a mûi lai.

ISAI 21:3

Langhnâk ka muh mi leh theih mi nih nunau a nganfâk mi hâwi hen, nganfâknâk leh ningṭihnâk ka lakah a khattir.

ISAI 26:17

LALPA, nangnih nunau nganfâk tuar a râk mi hâwi hen na kan râktir.

ISAI 42:14

Pathian nih, “Sâwt tak chu dâisip hen ka um le; ka mi tla rangah ka sâng na lo. Sikhawmsele tu chun thilti ding tik a hawng tlung rawh; nunau nganfâk mi hâwi hen ka râk.

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

JEREMIA 10:19

Jerusalem mi tla an âu le, “Kan tuar zia a fâk a! Kan liammâ tla chu a dam lai lo rawh. Kannih nih hi hi tuar kho ding mi thil zeimawh ah kan ruat!

JEREMIA 13:21

Na hâwikawmh ah na ruat na mi nih an neh hen na tlûnah lâi an rêl tikah zei thu na sim awt rawh ne? Nunau faring liauah nganfâk a tuar mi hâwi na si lai.

JEREMIA 14:18

Phâisen ah ka kal le, râltuknâk ah a thi mi ruak tla ka muh; khuapi ah ka va lût le, sungvâng hen a thi mi tla ka muh. Khuavâng tla leh bâwlpu tla nih an rian chu an ṭuan le, sikhawmsele zei an ti ti khawm an theih loh.”

JEREMIA 15:18

Zei rangah ka tuar kumza nget rih? Zei rangah ka mâ a dam dahlo? Zei rangah an damtir dahlo? Ṭhalpini ah tiva a kang mi hâwi hen lungdawngtir ding ma na ka awt?” a ti.

JEREMIA 18:21

Sikhawmsele, tu lam chu LALPA, an fa tla chu sungvâng hen thitir na le; annih tla lam chu râltuknâk ah thah na. Nunau tla chu an pasal leh an fa tla nih tlâu tâk na seh; mipa tla chu râi lakah thi tir na le, tlangvâl tla chu râltuknâk ah thah hen um na seh.

JEREMIA 22:23

Lebanon tlâng thawk hen lâk mi sidar thing tla lakah him tak hen na dîn le; sikhawmsele nunau faring hâwi hen nganfâk nih a nan tlunh tik chun zângfâk na ti awt chiam e!

JEREMIA 30:6

Tuah dawn le ruat nik! Mipa nih fa a ring kho ma? Chu hâwi asi mi chu zei rangah mipa kip nih nunau nganfâk mi hâwi hen an paw an kut hen an dawmh mi ka muh ne? Zei rangah mikip an dâng rê?

JEREMIA 45:2

LALPA, Israel Pathian nih a sim mi thu chu ka simh,

JEREMIA 48:41

khuapi tla leh kulh tla chu lâk hen a um lai. Chu ni chun Moab kawrsen tla chu nunau nganfâk mi hâwi hen an lâu lai.

JEREMIA 49:22

Mêlma tla nih Bozra chu mupi nih a thla a pharh hen â thlûr le, a nam mi hâwi hen a do lai. Chu ni ah chun Edom kawrsen tla chu nunau nganfâk mi hâwi hen an lâu lai,” a ti.

JEREMIA 49:24

Damaska khua mi tla chu an dî le, ningṭih ruangah an tek hep. Nunau a nganfâk mi hâwi hen nganfâk tuar leh hamh tak hen an um.

JEREMIA 50:43

Babulon lalchem nih thâwngthâng a theih le, a kut a thlâi thlo. Lawksawngnâk nih a tleih le, nunau nganfâk mi hâwi asi rawh.

JEREMIA 6:2

Zion khuapi chu â dawh thlo, sikhawmsele râwk hen a um awt;

LUNGFÂKNÂK 1:17

“Ka kut ka phar le, sikhawmsele âukhawm nih an hawng ka ṭangpi lo. LALPA nih mun kip thawk hen mêlma ka sinah a hawng tir; Thil nâwmtâm hâwi hen an ka ruat.

LUNGFÂKNÂK 1:20

“LALPA, ka lawksawngnâk leh ka thinlung fâk zia tla hi zauh! Ka sual ruangah ka thinlung a fâk rawh. Khua lâi tlângah thahnâk a um le; in sungah khawm thihnâk a um.

LUNGFÂKNÂK 2:21

Upa, ngâksia bang cho hen khua lâi ah an thi le; Mêlma riamnâm hen tlangvâl leh nunau tla chu thah hen an um. Na thinthawk ni ah khuaruatnâk umlo thlo hen na thah na.

HOSEA 13:13

Israel nih chun nung ding hen tik a nei le, sikhawmsele ngâksia a suak ding mi a nu pawsung ah a suak duh lo mi hâwi hen ti ding hen a â tuktarâi.

MIKAH 4:10

Jerusalem mi tla, nunau nih fa a ring awt mi hâwi a, merh le rûm, tuah khuapi kaltâk hen mâng ah na um awt rawh ruangah. Babulon ah sal ah na kal lai le, sikhawmsele chu lakah mi na mêlma lakah mi LALPA nih ruang an suah lai.

MIKAH 4:9

Zei rangah fâk tak hen na ṭap? Nunau nganfâk tuar hâwi hen zei rangah na tuar? Lal nei lo hen remruattu tla an thi ruangah ma?

MIKAH 7:1

Lungdawng a kâi thlo, mi sungvâng nih thing lakah rah a tawng lo mi leh grep zûn lakah a rah tawng lo mi hâwi kasi. Grep zawzawng leh theipi thaw zawzawng kawih hen an um rawh.

MATHAI 21:5

na sinah a hawng kal awt ti hen, Zion fanu chu simh rawh,” ti hen, khuavâng kâ ah a sim mi kha a hawng tlung khonâk ding hen chubang chu a hawng um rawh asi.

1 KORIN 9:16

Thâwngthâng Ṭha sim khawmsele putso ding rerêng ka nei lo, ti ngelchel ding hen ka tlûnah â thâng asi. Thâwngthâng Ṭha sim lah sele ka tlûn a pit awt asi.

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.