JEREMIA 4:30 - Bawm Common Language Bible Version

³⁰ Jerusalem, na vânduai rawh! Zei rangah puansen hen na thuam? Zei rangah lungsung hen na thuam hen rawng na mit ah na buaih? Zeikhawm silo ding vângah dawh tak hen na siam? A nan duhtu tla nih an hua hen thah ding an duh rawh.

JEREMIA 4:30 ပူးပေါင်းရင်းမြစ်များ

2 Lal 9:30

Jehu chu Jezreel ah a tleng. Jezebel nih thil umdân tla a theih rawh chun, dul mitcheh â cheh le, a sam tla a riat, a lal in langawtkawt ah a dîr le, lam lian lei a zauh.

THUFING LASUIBU 6:25

Anna dawhnâk nih na lung an thawktir lah seh; an mit meng dân nih rân an tângtir lah seh.

THUFING LASUIBU 7:10

Chunah chun nunau hen anna tawng le, nunau chu â zuar mi thuam hen â thuam le, a thinlung hen tumnâk a nei.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 20:6

Chu tik chun, Philistia ram ah um mi tla nih, Asiria lal lianchem thawk hen kan ngauhsan chem mi tla lakah thil a hawng tlung zia hi zauhnik u! Zeitin kan him kho lai rawh?’ a ti.”

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

JEREMIA 13:21

Na hâwikawmh ah na ruat na mi nih an neh hen na tlûnah lâi an rêl tikah zei thu na sim awt rawh ne? Nunau faring liauah nganfâk a tuar mi hâwi na si lai.

JEREMIA 22:23

Lebanon tlâng thawk hen lâk mi sidar thing tla lakah him tak hen na dîn le; sikhawmsele nunau faring hâwi hen nganfâk nih a nan tlunh tik chun zângfâk na ti awt chiam e!

JEREMIA 30:14

A nan dâwt natu zawzawng nih a nan philh na rawh; nannih rerêng an sunhsak na lo rawh. Mêlma hâwi hen ka nan do na; nan sualnâk a tam tuk ruangah leh nan ṭhatlonâk a fâk tuk ruangah nan rêpnâk khawm a fâk khun.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

LUNGFÂKNÂK 1:19

“Keimah lei ṭângṭawmtu tla ka kawh le, Sikhawmsele ṭangpi ding an ka duh lo. Bâwlpu tla leh ruitu tla chu khuapi zâwllâi ah an thi le, Chu tla chu nung ding hen buh hâwltu tla an si.

LUNGFÂKNÂK 1:2

Zân khuavâr hen a ṭap le; a mitthli chu a thinmakâ ah a luang. A lânah a hâwikawmh tla zawzawng anih rangah Thlangamhtu pakhat khawm an umlo. Amah lei ṭângṭawmtu nih an tleih le, amah dotu an si ver rawh.

LUNGFÂKNÂK 4:17

Chim leh neng rê hen ṭangpi kan hâwl khawm ah a hawng tlung dahlo. Hawng kan pêk lo ding mi phun tla chu hawng kan ṭangpi ding hen kan ngâk.

EZEKIEL 28:13

Pathian dûm Eden ah na va um le, lungsung chikip na awih: rubi, diamon, topaz, beril, karnelian, leh jasper, saphir leh emeral leh garnet tla hen. Ngûn hen mi thuam na nei. Siam hen na um ni ah nangmah rangah an siam mi asi.

EZEKIEL 28:9

Nangmah thah ding hen an hawng tikah pathian ah na ruat awt nget ma? A nan thahtu tla na muh tikah pathian silo hen minung na si zia na theih lai.

OBADIAH 1:7

An ṭangpitu tla nih an perpet asi; na ram sungah mi an nar ving rawh. Nangmah hen rem tak hen nan um mi tla nih tu chun an neh rawh. Munkhat hen tî-le-râwl an ei mi nih na rangah thang an tunh. ‘Finghnâk a nei mi zeiah a um rawh?’ a nan ti.

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.

THUPHUANG 17:13

Chun, chu parâ tla nih chun thurual hen sarâng chu an thiltikhonâk leh thuneihnâk an pêk rawh.

THUPHUANG 17:2

Tual ah lal tla nih chun anih chu an pung tâwn le, tual ah mipi tla chu duh a mangnâk uain chu dinh hen a rîttir na asi,” a ti.

THUPHUANG 17:4

Nunau nih chun puan senduk leh sen lâr â aih le, ngûn leh lungmantam leh aitikep lung hen â thuam le, ngûn hâi, pungmangnâk thil nâwmtâm hen a khat mi a put.