JEREMIA 4:29 - Bawm Common Language Bible Version

²⁹ Rang tlûnah â chuan mi leh chanhtiang kahtu tla hâu ah mikip an tek hep lai. A zeimaw mi chu thing mun ah an tek lai le, midang tla chu lungpi lakah an kâi lai. Khuapi tla chu a karo hen mâk asi lai le, a sungah âukhawm an um nawlh lai lo rawh.

JEREMIA 4:29 ပူးပေါင်းရင်းမြစ်များ

2 CHRONICLES 33:11

Churuangah Asiria kawrsen tla chu LALPA nih Juda tla a rûntir na. Manaseh chu an tleih le, rêng an khimh le, thîr chikchîn hen an khih le, Babulon ah an kalpi.

ISAI 30:17

Mêlma kawrsen pakhat nan muh chun, mi sâng khat nan tek lai, an tektir phin na ding hen kawrsen panga cho khawm â tâwk lai. Tlângah riangvâi tak hen puanzâr fung pakhat cho lo chu nan kawrsen pakhat khawm a him lai lo.

ISAI 6:12

Mi tla chu lât takah ka fial na lai le, ram chu a lâwng thlo lai.

JEREMIA 16:16

LALPA nih, “Hi minung tla tleih na ding hen ngarâltu tam tak hawng ding hen ka chah na. Tlâng sâng kip tlûnah mi leh tlâng tênâu ah mi, lung pûk ah mi kah na ding hen kahtu tam tak ka chah na.

JEREMIA 4:7

Chakeibaknei â thupnâk mun ah mi a hawng mi hâwi hen, phun tla râwktu a hawng suak rawh. Juda tla râwk ding hen a hawng kal. Juda khuapi tla chu râwk dep hen kaltâk asi lai le, a sungah pakhat khawm an um lai lo.

JEREMIA 52:7

Babulon mi tla nih khuapi chu hual dak na khawmsele kawrsen tla chu zân ah an suak hep. Lal dûm leikâng a mi lampi hen an kal le, kulh vâm panih â tawnhnâk ram kawtkâ lakah an suak le, Jordan vakuam leiah an tek.

JEREMIA 6:23

An chanhtiang kûk leh an nâmsâu tla an lâk; misual tak leh khuaruat lo tak an si. Rang tlûnah anna chuan mi hâu chu tipi tlingtlawk hâwi asi. Jerusalem do ding hen anna tîm zet,” a ti.

AMOS 9:1

Mâichâm kiangah LALPA a dîr mi ka muh, thu a pêk le; “Biakin tung tlûnlei vuak le, a sârbûk zawzawng â nîn hep lai. Râwk dep le, mi zapi lû tlûnah thlâk, a thibang chu râltuknâk ah ka thah na lai. Pakhat khawm an suak lai lo.

LUK 23:30

Chu tikah chun mi tla nih tlâng tla sinah, ‘Hawng kan denh!’ an ti teh lai; mual tla sinah, ‘Hawng kan khuh,’ an ti teh lai.

1 SAMUEL 13:6

Churawhchun, Israel tla hen donâk fâk tak an nei le, lungdawng kâi tak hen an siah na. Israel tla chu khur leh pûk ah anna thup, a zeimaw mi chu lungpi leh khursaduap leh tikhurchawh lakah anna thup,