JEREMIA 4:27 - Bawm Common Language Bible Version

²⁷ (LALPA nih chun, laikulh pumpi chu ramkaro hâwi a hawng si lai le, sikhawmsele ka râwk dep lai lo ti hen a sim.)

JEREMIA 4:27 ပူးပေါင်းရင်းမြစ်များ

2 CHRONICLES 36:21

Jeremia mang hen LALPA nih a sim mi kha a hawng tlung taktê rawh asi: “Dinhni manglo hen kum sâwmsarih kar ram chu lâwng tleng hen a um lai,” ti thu hâwi khan.

NEHEMIAH 9:31

Chu khawm ah khua na ruat nget rih le, na kaltâk hen na veih dep na lo, nang chu Pathian vêlnei leh khuaruat mi na si!

ISAI 17:6

Mi tâwmtê cho a thibang an um lai le, Israel chu oliv thing a rah zawzawng kawih hep hen a tlûnlei ah a ṭeng pâr ah a rah panih pathum um mi mawh a tanglei ṭeng ah tâwmtê a um mi hâwi asi lai. Kei, Israel LALPA Pathian nih chu chu ka sim asi,” a ti.

ISAI 24:1

LALPA nih tual a râwk lai le, a karo hen a siah awt. Tual chu a rual tel lai le, mi tla a rek phin na lai.

JEREMIA 18:16

Hi ram hi ṭihnungkâi leh zauhnawmh kumza ding hen an siam. A paltu zawng nih an muh hen an lâu khit lai le; chê ti hen an lû an lei lai.

JEREMIA 25:11

Hi ram pumpi hi râwk dep hen leh lâu kâi rê hen an mâk lai le, a kiangkam ah phun tla nih Babulon lalchem chu kum sâwmsarih a rian an ṭuan piak lai.

JEREMIA 30:11

Nan sinah ka hawng lai le, ruang ka nan suah na lai. Ka nan rekrâwitir na mi ram ah phun zawzawng tla ka veih na lai le, sikhawmsele nannih lam chu ka nan veih na lai lo. Rêp lo hen ka nan suah na ding asi lo. sikhawmsele ka nan rêp na tik chun, ṭhat ka lawh lai. Kei, LALPA nih ka sim asi,” a ti.

JEREMIA 4:20

Siatnâk nûnah siatnâk dang nih a hawng zûl le; ram pumpi chu râwk dep hen a um rawh. Kan puanin tla chu a râwk sawm le; a puanzâr tla chu a tlêk dip rawh.

JEREMIA 4:7

Chakeibaknei â thupnâk mun ah mi a hawng mi hâwi hen, phun tla râwktu a hawng suak rawh. Juda tla râwk ding hen a hawng kal. Juda khuapi tla chu râwk dep hen kaltâk asi lai le, a sungah pakhat khawm an um lai lo.

JEREMIA 44:6

Churuangah, ka thinthawknâk leh ka thinrunhnâk chu Juda khuapi tla leh Jerusalem khua zâwllâi ah ka thlêt le, mei hen ka duah na. Râwk dep hen an um le, muhnâk ah lâu kâi rê hen tu chun an um rawh.

JEREMIA 46:28

Nan sinah ka hawng lai le, ruang ka nan suah na lai. Ka nan rekrâwi na nâk phun tla chu ka veih na lai le, nannih chu kan veih na lai loh. Rêp lo hen kan siah na awt lo; sikhawmsele, kan rêp na tikah chun ṭhat ka lawh lai. Kei, LALPA nih ka sim asi,” a ti.

JEREMIA 5:10

Ka mi tla grep hâu piak na ding hen mêlma tla ka fial lai le, sikhawmsele veih lam chu ka veih dep na lai lo. Chubang ṭeng tla chu ka tâ an si lo ruangah thlangh ver na ding hen ka simh na lai.

JEREMIA 5:18

LALPA nih, “Sikhawmsele, chu ni tla khawm ah chun ka mi tla chu ka veih dep na lai lo rih.

JEREMIA 7:34

Ram khawm a karo hen a um lai. Juda khuapi tla ah leh Jerusalem khua lâi ah nuam chenh hâu leh nupa umhnâk puai lawmh hâu tla ka dawngtir lai rawh.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

LUNGFÂKNÂK 2:7

LALPA nih a mâichâm chu a nawng le A Biakin thenhlimh chu a kaltâk rawh; A kulh tla chu mêlma nih râwk ding hen a siang. Lâwm tak hen Pathian kan sawnhnâk lakah nehtu an si ruangah an âu.

EZEKIEL 11:13

Thu ka sim liau chirah Pelatiah chu a tlâ le, a thi thlo. Kei khawm tual ah bawkbukhup hen ka bawk le, “LALPA Zahkâi, hi hâwi ding asi lo! Israel ram ah um lem mi tla chu na thah awt ver na maw?” ti hen ka âu.

EZEKIEL 20:17

“Sikhawmsele an lakah khua ka ruat. Ramkaro ah thah na lo ding hen thu ka thlûk.

EZEKIEL 33:28

Ram chu a karo hen râwk dep hen ka siam lai le, thiltikho tak hen anna zûmnâk tla chu a dawng lai rawh. Israel tlâng tla chu mâng hen a um lai le, âukhawm mi velvâ an um lai lo.

EZEKIEL 6:14

Asi, ka kut ka phar lai le, an ram ka râwk lai. Simlei ramkaro thawk hen marlei mi Riblah khuapi tiang Israel umnâk zawzawng zuah lo thlo hen a karo hen ka siam awt. Churawhchun, kei, LALPA kasi ti mikip nih an theih lai,” a ti.

LEVITICUS 26:31

Fih hen nan khuapi tla chu ka râwk lai le, nan pathian sawnhnâk tla khawm râwk hen, nan bâwlnâk ka nawng awt.

LEVITICUS 26:44

Sikhawmsele, an mêlma tla ram ah an um liau khawm ah ka kaltâk na hen ka veih dep na lai lo. Chu nih chun an sinah thu dân ka tuk mi chu a dawngtir lai le, Kei, LALPA an Pathian kasi.

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.