JEREMIA 4:26 - Bawm Common Language Bible Version

²⁶ Ram ningno tla chu a karo hen a um le; a khuapi tla chu â râwk hep, chu chu LALPA thinthawknâk fâk ruangah asi.

JEREMIA 4:26 ပူးပေါင်းရင်းမြစ်များ

SAM 107:34

Chunah um mi tla sualnâk ruangah ramkaro ah mi tual chu a altir.

SAM 76:7

Sikhawmsele, LALPA, mikip nih nang chu an ṭih. Na thinthawk liau chun na mâika ah âukhawm an dîr kho lo.

JEREMIA 12:13

Ka mi tla nih fâng an tuh le, sikhawmsele belh an pumh le; tha fâk tak hen rian an ṭuan le, sikhawmsele zeikhawm an tawng lo. Ka thinthawknâk fâk ruangah an thlâi chîng tla a vei hep,” a ti.

JEREMIA 12:4

Zei tiang riamruam me kan ram tla hi a châr hen phâisen kip ah belh tla hi a uai awt? Kan mi tla sual ruangah leh mi nih “Kan thilti Pathian nih a muh an ti ruangah ramsa leh va tla chu an thi rawh,” a ti.

JEREMIA 25:11

Hi ram pumpi hi râwk dep hen leh lâu kâi rê hen an mâk lai le, a kiangkam ah phun tla nih Babulon lalchem chu kum sâwmsarih a rian an ṭuan piak lai.

JEREMIA 7:34

Ram khawm a karo hen a um lai. Juda khuapi tla ah leh Jerusalem khua lâi ah nuam chenh hâu leh nupa umhnâk puai lawmh hâu tla ka dawngtir lai rawh.

JEREMIA 9:10

Kei nih, “Tlâng sâng tla leh ram ningno tla chu an châr hep le, pakhat khawm chu lakah mi velvâ an um lo ruangah ka lungfâk tukah ka ṭap. Ranrual tla hâu khawm theih asi lo rawh; va leh ramsa tla khawm an tek phin,” ka ti.

LUNGFÂKNÂK 2:7

LALPA nih a mâichâm chu a nawng le A Biakin thenhlimh chu a kaltâk rawh; A kulh tla chu mêlma nih râwk ding hen a siang. Lâwm tak hen Pathian kan sawnhnâk lakah nehtu an si ruangah an âu.

LEVITICUS 26:31

Fih hen nan khuapi tla chu ka râwk lai le, nan pathian sawnhnâk tla khawm râwk hen, nan bâwlnâk ka nawng awt.

MIKAH 3:12

Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.