JEREMIA 4:19 - Bawm Common Language Bible Version

¹⁹ A fâk a! A fâk ka tuar kho lo. Ka lung a fâk a! Ka thinlung a fâk chiam e! Tâwtawrâwt hâu leh râltuk hâu ka theih le, ka dâisip kho lo.

JEREMIA 4:19 ပူးပေါင်းရင်းမြစ်များ

GENESIS 49:6

A thup hen an thuruatnâk ah chun ka tel lai lo le, Anna to-hâwng nâk khawm ah telnâk ka nei lai loh, An thinrun hen mi tla an thah ruangah. Châwchal tla an pangpi hen khêng leh bei hen an siam.

2 Lal 4:19

Lâkkhatko ah a pa a auh le, “Ka lû a fâk! ka lû a fâk!” a ti. A pa nih a to-aw sinah, “A nu sinah va kalpi,” a ti.

2 Lal 8:11

Churawhchun, Elisa nih Hazael rangah ningzakkâi rê leh umdân thlâu rê hen a ngiat. Elisa chu mawhsareh hen a mitthli a hawng luang nguai.

SAM 103:1

Ka thlarau, LALPA chu sawr rawh! Ka pumpiluk, LALPA min thenhlimh chu sawr rawh.

SAM 116:7

LALPA chu ka lakah a ṭha ruangah, ka thinlung, amah chu zumh rawh.

SAM 119:136

Tî a luang mi hâwi hen ka mitthli a zut le, mi nih na dân an zûl duh lo ruangah.

SAM 119:53

Misual nih na dân an buar mi ka muh chun ka thin a thawk.

SAM 146:1

LALPA chu sawr rawh! Ka thlarau, LALPA chu sawr rawh!

SAM 16:2

LALPA sinah chun, “Ka LALPA na si; thil ṭha ka nei mi zawng hi nangmah lakah mi asi,” ka ti.

ISAI 15:5

Moab ruangah ka thinlung a fâk a! Mi tla chu Zoar khuapi ah leh Eklath Selisiah ah an tek. A zeimaw mi chu ṭap bû hen Luhith lam leiah an kal; a zeimaw mi chu lungzûr bû hen Horonaim leiah an tek.

ISAI 16:11

Moab ruangah ngaihsia hen ka rûm le, Kir Heres ruangah ka ngaih a sia.

ISAI 21:3

Langhnâk ka muh mi leh theih mi nih nunau a nganfâk mi hâwi hen, nganfâknâk leh ningṭihnâk ka lakah a khattir.

ISAI 21:4

Ka lû a hâi le, lâunâk hen ka thir. Zânlei siding mi ka mawhlah le, sikhawmsele, ningṭih cholo chu zeikhawm a um lo.

ISAI 22:4

Ka mi le thi mi zawzawng tla ngaihsia tak hen ṭappi na ding hen tuah keimah lâwng hen hawngka kaltâk ko. Thla hawng ka ngamh ding a tum lah.

JEREMIA 13:17

Nan ngâilo mi asi chun, nanna zûm mi ruangah a thuptê hen ka ṭap lai le; LALPA mi tla sal ah kalpi hep an si ruangah lungfâk tak hen ka ṭap lai le, ka mitthli a luang lai.

JEREMIA 20:9

Sikhawmsele, “LALPA hi ka philh lai le, amah min hen thu ka sim lai lo rawh,” ka ti awt chun, na thuchah chu mei hâwi hen ka sung thûk tak ah a kâng. Ka ti kho ri ka sûm le, sikhawmsele ka derh kho lo rawh.

JEREMIA 23:9

Ka thinlung â râwk le, ka thir LALPA ruangah, a thu thenhlimh ruangah, uain a din tam tuk le, a rî mi hâwi kasi.

JEREMIA 4:21

Zei tiang riamruam me râltuk chu ka muh hen tâwtawrâwt hâu chu ka theih awt?

JEREMIA 4:5

Ram pumpi ah tâwtawrâwt tum u! Fiang tak leh hâu fâk tak hen âu u! Juda mi tla leh Jerusalem mi tla chu kulhnei khua tla ah tek ding hen simh na u.

JEREMIA 49:2

Sikhawmsele Rabah khuapi mi tla chu râltuknâk hâu ka theihtir na lai le, râwk dep hen mâk hen a um lai le a khua tla duah hen a um ding mi tik chu a tlung rawh. Israel tla nih an ram lâktu lakah mi chu an suh nawlh na lai.

JEREMIA 50:22

Ram lakah râltuk hâu theih hen a um le, siatnâk fâk tak a um.

JEREMIA 6:24

Jerusalem mi tla nih, “Thâwng kan theih le, kan bân uai tlek hen kan thlâi le; nunau nauneih nganfâk liau mi hâwi hen lawksawngnâk leh nganfâknâk nih hawng kan denh rawh.

JEREMIA 8:18

Ka lungfâknâk chu damh kho asi lo; ka thinlung ah ka ngawr.

JEREMIA 8:21

Ka mi le tla râwk hen an um ruangah ka thinlung khawm â râwk rawh; ka lung a fâk le, ka thinlung a dawng thlo rawh.

JEREMIA 9:1

Ka lû hi tikhurchawh si sele, ka mit hi mitthli tinungva si sele ka duh, churawhchun ka mi le thah hen an um rawh ruangah a sûn a zân hen ka ṭap kho lai rawh.

JEREMIA 9:10

Kei nih, “Tlâng sâng tla leh ram ningno tla chu an châr hep le, pakhat khawm chu lakah mi velvâ an um lo ruangah ka lungfâk tukah ka ṭap. Ranrual tla hâu khawm theih asi lo rawh; va leh ramsa tla khawm an tek phin,” ka ti.

LUNGFÂKNÂK 1:16

“Churuangah asi ka mit ah mitthli tla a luang mi chu. Âukhawm nih thla an hawng ka ngamh hen lungiam an ka sak kho lo. Mêlma nih hawng ka neh le; ka mi tla nih zeikhawm an mâk lo.

LUNGFÂKNÂK 1:20

“LALPA, ka lawksawngnâk leh ka thinlung fâk zia tla hi zauh! Ka sual ruangah ka thinlung a fâk rawh. Khua lâi tlângah thahnâk a um le; in sungah khawm thihnâk a um.

LUNGFÂKNÂK 2:11

Ka ṭapnâk ah ka mit khawm a dî le, Ka thinlung khawm a nawk, Ka mi tla siat leh râwknâk ruangah ngaihsia hen ka dî, Ngâksia leh fasêm tla chu khuapi zâwllâi ah an uai tep.

DANIAL 4:19

Chu thu a theih rawh chun Danial, Beltesazar an ti mi chu, thungâi a thinlung a nawk le, zeikhawm a sim kho lo. Lal nih a sinah, “Beltesazar, mang thu nih a nan nawktir lah seh,” a ti. Beltesazar nih a sâng le, “Bâwipa, mang chu nangmah lakah silo hen na mêlma tla lakah tlung sele ka duh.

DANIAL 7:15

Langhnâk ka muh mi nih ka thinlung a purh khit le, ka thinlung a nawk thlo.

DANIAL 7:28

Chu chu thu dawnghnâk asi: Dâng rê hen ṭhih hen ka um mi chu, ka thinlung ah ka kil ko.

DANIAL 8:27

Ni zeimaw zat ding chu ka damlo le, ka uai thlo. Sikhawmsele, ka thawk le, lal nih ṭuan ding hawng ka ruat mi ṭuan ding hen ka kal nawlh le, sikhawmsele langhnâk ruangah ka thinlung a nawk le, theihthiamnâk ka nei kho lo.

AMOS 3:6

Mi tla ningṭihnâk umlo thlo hen khuapi ah râltuk tâwtawrâwt an tum dah tâwn ma? LALPA fial mi silo hen khuapi ah siatnâk a tlung tâwn ma?

HABAKUK 3:16

Hi bang zawzawng ka theih le, ka thir, ka mûr tla lâu hen a thir. ka tak a zengzê ver, tanglei ah ka kê khawn a pelh. Hawng ka dotu tla Pathian nih a rêp na tik ding chu dâisiptê hen ka ngâk ziar awt.

NUMBER 10:9

Nan ram ah tuknâk a um hen, an do natu mêlma lakah nanna vêng chun, hi tâwtawrâwt hâu lakah hin râltuk ding mi singsiahnâk nan nei ding asi. Kei, LALPA nan Pathian nih nan mêlma lakah mi kan ṭangpi na lai le, kan hum na lai.

ROM 10:1

Ka unau tla, ka thinlung duhzia leh ka mi tla rangah Pathian sinah ka thlachamnâk san chem chu ruangsuah hen an um khonâk ding chu asi.

1 KORIN 14:8

Dârlâwi hi suangkhâng nei lo hen a âwn chun âunih me râl kah ding hen â timhtuah lai?

GALATIA 4:19

Ka fa duhtak le tla! Krist chu nanmah lakah siam rangtling hen a um lânlo chun fa ring nganfâk hâwi hen kan lungkham nawlh na.

LÂIRÊL 5:21

Kison va tî lianh nih a fenh ving na, chaknâk hen ka kal lai le, ka kal vima lai .