JEREMIA 4:1 - Bawm Common Language Bible Version

¹ LALPA nih, “Israel mi tla, kîr ding nan duh asi chun ka sinah hawng kîr u. Ka hua mi milem tla nan lawnh hen ka lakah zumhkâi hen nan um chun,

JEREMIA 4:1 ပူးပေါင်းရင်းမြစ်များ

GENESIS 35:2

Churawhchun, Jakob nih a dâwngsung leh a sinah um mi tla zawzawng sinah chun, “Ramdang tla pathian nan nei mi kha lawnh u, nanmah kha a thenhlimh ule, ni le puan thiang a aih u.

2 Lal 23:13

Josiah nih lalchem Solomon nih Jerusalem saklei ah a siam mi mâichâm tla oliv tlâng simlei mi milem fihnungkâi Sidon pathiannu Astarte, Moab tla pathian Kemos leh Amon pathian Milkom sawnhnâk tla chu a râwk hep.

2 Lal 23:24

Biakin ah Dân rînnâk bu bâwlpu lalchem Hilkiah nih a tawng mi chu zûl rawh ding hen lalchem Josiah nih Jerusalem thawk hen Juda ram zawzawng mi tin-tlah-ninh thiam, vânsia vânṭhat simtu, dâwngsungkhur pathian tla, milem tla leh lunglotu tla pathian sawnhnâk thil zawzawng a veih phin.

2 CHRONICLES 15:8

Asa nih Oded fapa Azariah thusim a theih rawh chun a thin a bir rawh. Juda ram leh Benjamin ram ah milem zawzawng leh Efraim tlâng ram ah khuapi a lâk na mi lakah milem zawzawng a thenh peng. Biakin kulh sungah mi LALPA mâichâm khawm a tharh nawlh.

2 CHRONICLES 33:8

Israel mi tla nih ka thupêk zawzawng leh ka to-aw Mosi sinah Dân ka pêk mi zawzawng an zûl chun anmah thlâk natu sinah ka pêk na mi ram ah mi hi nar hen suah na ding ka siang na awtlo,” a ti rawh mi hâwi khan.

2 CHRONICLES 34:33

Lalchem Josiah nih Israel mi lakah milem fihnungkâi zawzawng chu a veih hep, a dam sung zawzawngah LALPA an thlâktu Pathian rianṭuan ding hen zapi tla a ngiar na.

ISAI 31:6

LALPA nih, “Israel mi tla, ka lakah thilsual nan ti hen nan ka do asi. Sikhawmsele tuah ka sinah hawng kîr u!

JEREMIA 15:19

Hi thu lakah LALPA nih a leh le, “Na hawng kîr mi asi chun, ka nan lâk nawlh lai le, ka to-aw na si nawlh lai. Thu âtkâi sim ngâk hen thuchah mang tlâk na phuang chun, ka khuavâng na si nawlh lai. Mi tla chu na sinah an hawng kîr nawlh lai le, an sinah nang va kal a herh lai lo.

JEREMIA 15:4

Hezekiah fapa Manaseh nih Jerusalem ah Juda lal a si liauah thil a ti mi ruangah, laikulh mi zawzawng muhnâk ah duksâ sûm rê hen ka siam na awt,” a ti.

JEREMIA 18:11

Tuah, Juda mi leh Jerusalem mi tla chu anmah rêp na ding hen ka tum mi chu ka timhtuah zet rawh ti simh na. An umdân sual tla bâng hen an thilti tla lêt ding hen simh na.

JEREMIA 24:9

An tlûnah chubang hâwi rêpnâk chu ka tlungtir lai le, laikulh ah phun kip tla an lâu lai. Mi nih an nihsanh na lai le, an pangpi na lai le, an tluktlak na lai, ka rekrâwi na mi mun kip ah an min ah siatbarh mi an ti na lai.

JEREMIA 25:5

Nan umdân sual leh nan thilsual ti bâng ding hen a nan simh na. LALPA nih nanmah leh an thlâk natu tla nih ting pawt ding hen a nan pêk na mi ram ah nan um kumza khonâk ding hen.

JEREMIA 3:1

LALPA nih, “Mi nih nupi a mâk hen, amah a kaltâk nûnah midang nupi asi rawh chun a lâk nawlh kho lai lo rawh. Chu nih chun ram chu a nawmh dep lai. Sikhawmsele, Israel, duh mi tam tak na nei le, tuah ka sinah hawng kîr ding na duh!

JEREMIA 3:12

Israel sinah kal hen thu va sim ding hen hawng ka simh, “Zumhkâilo Israel, ka sinah hawng kîr rawh. Kei chu mi khuaruat mi kasi, ka thin a run lai lo; na lakah ka thinrun kumza ding asi lo.

JEREMIA 3:14

“Mi zumhkâilo tla, hawng kîr u; ka tâ nan si. Khuapi kip ah mi pakhat vima leh chi kip ah mi panih vima kan lâk na lai le, Zion Tlângah ka nan kîrpi na lai.

JEREMIA 3:22

Kâng dang leiah LALPA hertâktu zawzawng, hawng kîr u; a nan damh na lai le, zumhkâi hen a nan siam na lai. Nannih nih, “Asi, kan Pathian asi ruangah LALPA sinah kan hawng.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 36:3

Juda mi le tla nih an tlûnah siatnâk ka tlungtir ding mi thu zawzawng an theih chun, an thilsual ti an lêt kekkawk lai mawh. Chu hâwi asi chun an diklonâk leh an sualnâk chu ka ngaihdam lai,” a ti.

JEREMIA 4:4

Nannih Juda mi leh Jerusalem mi tla, ka sinah thudân nan tuk mi chu kil thlir ule, kei nan LALPA lakah hawng a pêk u. Chu hâwi nan ti lo chun thilsual nan ti mi ruangah ka thinthawknâk nih mei hâwi hen an khangh na lai. A kâng lai le, âukhawm mihtu a um lai loh,” a ti.

JEREMIA 7:5

“Nan umdân lêt ule, thil nan ti mi hi bâng u. Khatlei khatlei ṭhadektê hen a ti u.

JEREMIA 7:7

Nanna lêt mi asi chun, an thlâk natu rangah ting kumza ding hen ka pêk na mi ram ah hin ka nan umtir kumza na lai.

EZEKIEL 11:18

An hawng kîr tik chun thil nâwmtâm zawzawng leh milem fihnungkâi an tawng mi lakah mi chu anna lît lai rawh.

EZEKIEL 18:13

a pung ding duh hen tangka tla a lângtir. Chu minung chu a nung lai ma? Nung lo e, a nung rîlmâl lai lo. Hi bang thil ṭihnungkâi zawzawng a ti ruangah a thi lai. A thihnâk chu amah mawh asi lai.

EZEKIEL 43:9

Tu lam chun pathian dang an sawnh mi khawm an bâng hen an lal tla ruak khawm lawnh asi lai rawh. Chu hâwi an ti chun an sinah ka um kumza lai,” a ti.

HOSEA 14:1

Israel mi tla, LALPA nan Pathian sinah kîr u. Nan sualnâk nih an bahtir na le an tlûktir na.

HOSEA 2:2

Ka fa tla, nan nu chu ka nupi silo rawh hen kei khawm a pasal silo rawh khawmsele a rangah ngiar u. Ṭângdang hawng ka pawmtâk mi leh â zuar mi chu bâng rawh ding hen ngiar u.

HOSEA 7:16

Ka lakah mi chu thiltikhonâk nei lo pathian leikângah an hawng ka pialtâk. Sâikûk zumhkâilo â kuai mi hâwi hen an um. Anmah ruitu tla chu puar tak hen an hawlh ruangah siatnâk lakah an thi lai le, Aigupta mi tla nih an nihsanh lai” a ti.

JOEL 2:12

LALPA nih, “Tu khawm ah, zumhkâi tak hen rim ule, ṭap bû leh lungfâk tak hen buhngei hen ka sinah hawng kîr u.

ZEKARIA 1:4

An thlâk natu hâwi hen um lah u, a lânah khuavâng tla nih ṭhalo tak leh sual tak hen umlo rawh ding hen ka thuchah an simh na, sikhawmsele ka thu an ngâi hen an zûl lo.

DEUTERONOMY 27:15

“Pathian siat chu lung hen mawh, thing hen mawh thîr hen mawh milem siam hen a thup hen sâwnhtu tlûnah tlung seh; LALPA nih milem sawnh chu a hua asi,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 4:30

Nan lawksawng hen chubang thil tla chu nan lakah a hawng tlung tikah a dawnghnâk ah amah leiah nanna her lai le, a thu nan ngâi lai.

JOSUA 24:14

Josua nih thu a sim vima le, “Churawhchun, tuah, LALPA chu zah ule, zumhkâi tak leh rinh tlâk hen a rianṭuan u. A nan thlâk natu leh pathian tla Mesopotamia leh Aigupta ram ah an sawnh mi tla lakah mi chu a lêt ule, LALPA amah rian chu ṭuan u.

LÂIRÊL 10:16

Churawhchun, ramdang pathian chu kaltâk hen LALPA chu an sawnh rawh; chun Israel tuarnâk ruangah chun a lawksawng rawh.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.