JEREMIA 39:9 - Bawm Common Language Bible Version

⁹ A dawnghnâk ah chun kawrsen hotu Nebuzaradan nih khuapi ah minung um mi tla chu sal ah Babulon leiah a sinah anna pêk mi tla hen a put na.

JEREMIA 39:9 ပူးပေါင်းရင်းမြစ်များ

GENESIS 37:36

Chu liau chun, Aigupta ram ah Midian tla nih Josef chu Potiphar, lal milian pakhat, a mun vêngtu lian chem sinah an zuar rawh.

2 Lal 20:18

Nangmah thlâk tak tla khawm Babulon ah an kalpi na lai le, an tilkhei hen rian ṭuan hen an um lai,” a ti.

2 Lal 25:11

Nebukadnezar nih chun khuapi ah minung um rih mi tla, rianṭuan thiam mi tla Babulon mi tla an hawng liauah anna pêk mi tla chu Babulon leiah a kalpi hep na.

2 Lal 25:20

Nebuzaradan nih Babulon lalchem Hamat ram ah mi Riblah khua ah um mi sinah a kalpi na.

ISAI 5:13

Churuangah rêngtlâk hâwi hen an kalpi ving lai. A nan rui natu chu buh ngei hen an thi lai le, mi zapi tla chu tîhâl hen an thi lai.

JEREMIA 10:18

LALPA nih hi ram thawk hen an lawnh ving awt; pakhat khawm âk lo ding hen nan vei ver tiang hen siatnâk a tlungtir awt. LALPA nih a sim asi.

JEREMIA 16:13

Churuang chun, hi ram a mi hi kan suah ving na lai le, nanmah leh an thlâk natu theih dah lonâk ram ah kan siah na awt. Chunah chun pathian dang tla rian a sûn a zân hen nan ṭuan lai le, nan tlûnah kei nih khuaruatnâk ka langh awtlo rawh,’ ” a ti ti hen simh na.

JEREMIA 24:8

“Juda lalchem Zedekiah chu a kiangkam ah mi thu thiam tla leh hi ram ah Jerusalem ah um mi mawh Aigupta ram ah kal mi tla lakah um rih mi tla chu Kei, LALPA nih theipi ei ding hen a sia tuktarâi mi hâwi hen ka ti na awt.

JEREMIA 38:19

Sikhawmsele, lalchem nih a sâng le, “Kan ram minung Babulon leiah tek ding mi chu thungâi ka ṭihpi na, kei khawm an sinah pêk leh rêp hen ka um kho,” a ti.

JEREMIA 40:1

Hotu Nebuzaradan nih Ramah ah hawng ka suah nûnah LALPA nih ka sinah thu a sim. Jerusalem ah midang tla leh Juda ram ah sal tleih mi tla hen Babulon leikângah rêngkhimh bû hen put hen ka um.

JEREMIA 40:7

Juda mi hotu leh kawrsen tla zeimaw mi chu anna pêk lo. Babulon lal nih Gedaliah chu ram lâirêltu ah a siam le, Babulon leiah an put na lo mi, ram lakah mipâm chem tla hotu ding ah a siah ti an theih rawh.

JEREMIA 52:26

Nebuzaradan nih Babulon lalchem,

JEREMIA 52:27

Hamath ram ah Riblah khua ah um mi sinah a kalpi na. Chunah chun lalchem nih a rêp na le, a thah na. Churawhchun, Juda mi tla chu sal ah put hen an um rawh.

DANIAL 2:14

Churawhchun, Danial chu lal hotu vêngtu Ariok, thahnâk thu pêktu sinah a va kal rawh, thiamthih tak hen Ariok sinah,

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.

DEUTERONOMY 4:27

LALPA nih phundang nâwngah a nan rektir phin na lai le, chunah chun a thibang tâwmtê cho nan um lai.