JEREMIA 39:4 - Bawm Common Language Bible Version

⁴ Zedekiah leh a kawrsen tla nih chu hâwi thil a um mi an muh rawh chun zân ah khuapi mi chu suaktâk ding an tum. Lal dûm lei mi lampi hen an kal le, kulh tawnhnâk kawtkâ ah an suak le, Jordan vakuam leiah an kal.

JEREMIA 39:4 ပူးပေါင်းရင်းမြစ်များ

2 CHRONICLES 32:5

Lal nih khuapi humnâk ding hen kulh tla a remh le, a tlûnah in a sak le, a lênglei khawm ah. Chu lo khawm ah ram lakah vêngnâk in Jerusalem a li mi saklei kâng mun khawm khat zat hen in a sak. Phaw leh fei tam tak a nei.

ISAI 22:11

Tî khawng ding hen khuapi sungah tî pang na siam le, tili a li mi thawk hen tî chu na luangtir. Sikhawmsele, Pathian a lân thawk hen hi hâwi hawng um ding hen ruattu thu chu na ngâi duh lo.

ISAI 22:3

A nan rui natu zawzawng chu an tek le, chanhtiang thalzum pakhat khawm an kah na lânah an tleih hep na.

ISAI 29:2

“Pathian mâichâm” an ti mi khuapi tlûnah siatnâk Pathian nih a hawng tlungtir lai. Ṭapnâk leh lungfâknâk a um lai le, khuapi pumpi chu thisen nih mâichâm a tuam mi hâwi hen a um lai.

JEREMIA 32:4

Babulon lalchem sinah pêk hen a um lai; mêl leh mêl muh hen anna sâwn lai.

JEREMIA 32:5

Zedekiah chu Babulon ah kalpi hen a um lai le, amah ka va veh lânlo chu chunah chun a um lai. Babulon mi tla chu do na menza khawmsele a neh na lai lo. Kei, LALPA nih ka sim asi,” a ti, ka ti mi ruangah lal Zedekiah nih hawng ka phiar le, chunah rêng ah hawng ka thlâk.

EZEKIEL 12:12

An tlûnah lâirêltu lal chu mûi lakah a thil têl a liangah a thâng lai le, a rangah vâm âwng an siam mi lakah a suak lai. A mit a tuam pang lai le, zei leiah a kal awt ti khawm a muh lai lo.

EZEKIEL 12:4

Sûn nî chêu ah na thil-le-rî tla sal ah tek ding hâwi hen têl le, zânleibâi ah sal ah kal ding mi hâwi hen na thawh mi chu a nan muh kho ding hen a nan vêng seh.

LEVITICUS 26:17

Ka nan hawitâk na lai le, neh hen nan um lai le, a nan hua natu nih nan tlûnah lâi an rêl lai; nan ṭih tuktarâi na lai le, âukhawm ṭhâwl lo hen nan tek lai.

LEVITICUS 26:36

“Sal ah put hen an um mi tla chu an lâu tuktarâi ah thing nah thlî nih a sêm mi hâu lak khawm ah an tek lai. Râltuk liauah ṭhâwl mi hâwi hen an tek lai le, mêlma nan kiangah umlo pet hen nan tlû phah rê lai.

AMOS 2:14

Mi tek chak men a âwl lai lo le, michak tla khawm nih chaknâk an nei lai lo, kawrsen tla khawm nih anmah nungnâk khawm an hum kho lai lo.

DEUTERONOMY 28:25

“LALPA nih nan mêlma tla nanmah nehtu ah a siam na lai. Kâng khat lei hen nan do na chun, a dang chereh hen nan tek lai, tual tlûn minung zawzawng nih nan lakah thil tlung mi an muh lai le, an lâu lai.