JEREMIA 39:1 - Bawm Common Language Bible Version

¹ Juda lalchem Zedekiah lal asi mi kum kua a thla rânâk ah Babulon lalchem Nebukadnezar chu a kawrsen zawzawng hen an hawng le, Jerusalem an do.

JEREMIA 39:1 ပူးပေါင်းရင်းမြစ်များ

2 CHRONICLES 36:17

Churawhchun, Babulon lal chu anmah a dotir na. An tlangvâl tla chu Biakin ah mi tiang a thah na. Âu lak khawm ah upa leh ngâksia, nunau, mipa, a dam leh damlo mi tlûnah khuaruatnâk a nei lo. Pathian nih a kut lakah a pêk hep na.

JEREMIA 32:1

Juda lalchem Zedekiah a lal mi kum rânâk, chu chu Babulon lalchem Nebukadnezar a lal mi kum leiriat a sinâk ber ah LALPA nih ka sinah thu a sim.

JEREMIA 34:1

Babulon lalchem Nebukadnezar leh a kawrsen tla phun zawzawng leh chi zawzawng amah tangah um mi kawrsen tla nih an hawng ṭangpi hen Jerusalem leh a kiangkam khua tla an do liauah LALPA nih ka sinah thu a sim.

JEREMIA 34:22

Thu ka pêk na lai le, hi khuapi ah an hawng kîr nawlh lai. An do lai le, an lâk lai le, an duah hep lai. Juda khuapi tla chu minung pakhat khawm umlo mi ramkaro hâwi hen ka tuah lai. Kei, LALPA nih ka sim asi,” a ti.

JEREMIA 42:18

“LALPA, Israel Pathian nih, ‘Aigupta ram ah nan kal mi asi chun, ka thinthawknâk Jerusalem mi tlûnah ka tawih mi hâwi hen nan tlûnah ka thinrunnâk ka tawih lai. Minung mit muhnâk ah ṭihnungkâi rê hen nan um lai le; mi nih an zauhnawmh na lai le, nan min ah siatbarh ti nan si lai. Hi mun hi nan muh nawlh lai lo rawh,’ ” a ti.

JEREMIA 52:1

Zedekiah chu Juda lalchem asi liauah kum kul leh kum khat mi asi le, Jerusalem ah kum leikhat lâi a rêl. A nu min chu Hamutal asi, Libnah khua mi Jeremia fanu asi.

JEREMIA 6:6

LALPA Zeizawng tikho nih lalchem tla chu Jerusalem hual ding hen thing tla hâu ding leh mualpâwng tla siam ding hen thu a pêk na mi asi. “Hi khuapi hi nâunehnâk hen a khat ruangah ka rêp awt.

EZEKIEL 33:21

Sal ah kan tâng mi kum leinihnâk a thla rânâk a ni nga ni ah, Jerusalem thawk hen a hawng suak mi a hawng le, khuapi chu a tlû rawh ti hen hawng ka simh.

EZEKIEL 4:3

Thîr khêng lâk le, chu khuapi lem leh nangmah karah vâm hâwi hen sawng rawh. Khuapi lei hawih hen siah. Hual hen a um le, a hualtu chu nangmah na si. Hi hi Israel phun rangah singsiahnâk ding asi lai.

EZEKIEL 40:1

Kum thar ni rânâk asi rawh, chu chu sal ah kan tâng mi kum kul leh kum nganâk leh Jerusalem an lâk mi kum leilinâk asi. Chu ni ah chun LALPA umpinâk thiltikho tak ka theih le, a ka put ving.

EZEKIEL 5:2

An hual mi â lîm tikah khuapi sungah anrang khat duah. A dang anrang khat chu khuapi lênglei na suak liauah na nâm hen tuk dip. Chun anrang khat a um mi chu thli lakah vawrh phin le, ka nâmsâu hen ka ṭhâwl lai.

ZEKARIA 8:19

“Thla linâk, thla nganâk, thla sarihnâk leh thla rânâk ah buh ngeinâk chu Juda mi tla rangah lâwmnâk puai leh lâwptlonâk puai a hawng si lai. Thudik leh lungngamnâk nan duh ding asi,” a ti.

DEUTERONOMY 28:36

“LALPA nih nanmah leh nan lalchem tla hen an thlâk natu um dah lonâk ramdang ah a nan kalpi ving na lai; chunah chun lung leh thing hen siam mi pathian tla rian nan va ṭuan lai.