JEREMIA 38:22 - Bawm Common Language Bible Version

²² Juda lal in ah nunau um mi zawng chu Babulon lalchem milian tla sinah put hen an um mi ka muh. An kal liauah an thusim ngâinik: ‘Lalchem chu a hâwi ṭha chem tla nih mah lo leiah an kalpi le, a tlûnah lâi an rêl. Tu chun a kê chu nêngthû lakah a pil le, a hâwi le nih an kaltâk rawh,’ ” an ti.

JEREMIA 38:22 ပူးပေါင်းရင်းမြစ်များ

JOB LASUIBU 6:15

Sikhawmsele, nannih ka hâwi tla, tivatê a luang mi ruah a sûr lo rawh chun a kang ving hâwi hen nan hawng ka perpet.

SAM 41:9

Ka hâwikawmh chem, ka zumh chem mi, buh munkhat hawng ka eipitu chu ka leido a hawng si.

SAM 69:14

Nêng lakah ka pil ding mi chu ruang hawng ka suah le; tî thûk tak leh ka mêlma tla lakah mi chu hawng ka hum le, hawng ka kil.

SAM 69:2

Nêngthû thûk tak ah ka pil, tual chang rerêng a um lo; tî thûk tak leh tî tlingtlawk lakah ka tlâ awt mi chu ka suak.

ISAI 42:17

Milem ngauhsantu tla leh milem tla ka pathian titu tla chu nâutir hen ningzak saih an si lai,” a ti.

JEREMIA 13:21

Na hâwikawmh ah na ruat na mi nih an neh hen na tlûnah lâi an rêl tikah zei thu na sim awt rawh ne? Nunau faring liauah nganfâk a tuar mi hâwi na si lai.

JEREMIA 20:10

Mikip nih, “Mun kip ṭihnung a kâi rawh! Thuneitu tla sinah kan sim lai! ” ti hen thu thup an ruat mi ka theih. Ka hâwikawmh ṭha tla khawm nih, niamh hen ka um ding mi an ka bawh ko. “Perpet asi kho lai mawh,” asi kho chun, “Kan tleih lai le, phû kan lam lai,” an ti.

JEREMIA 27:14

A sinah va a pêk lo ding hen an simh natu khuavâng tla thu chu ngâi lah u. An perpet na mi asi.

JEREMIA 27:15

LALPA nih chun amah fial mi an si lo zia leh amah min hen âwkrâwl thu nan sinah an sim mi asi a ti. Churuang chun nannih leh khuavâng chubang âwkrâwl thu an simh natu chu an nar ving na lai le, thah hen nan um lai,” a ti.

JEREMIA 38:19

Sikhawmsele, lalchem nih a sâng le, “Kan ram minung Babulon leiah tek ding mi chu thungâi ka ṭihpi na, kei khawm an sinah pêk leh rêp hen ka um kho,” a ti.

JEREMIA 38:21

Sikhawmsele, na pêk duh lo chun thil a hawng tlung ding mi chu muhnâk lakah LALPA nih hawng ka muhtir ver rawh.

JEREMIA 41:10

Churawhchun, lal fanu tla leh Mizpah ah um rih mi tla zawzawng hotu Nebuzaradan nih Gedaliah zauhkhenh ding ah a siah mi zawzawng rêng a thlâk hep na. Ismael nih sal ah a tleih na le, Amon ram leiah a put hep na.

JEREMIA 43:6

mipa tla, nunau tla, fa tla, lal fanu tla zawzawng hen Aigupta ram ah an kalpi na. Hotu Nebuzaradan nih Gedaliah zauhkhenhnâk tangah a siah na mi leh Baruk leh kei khawm hawng kan kalpi rawh.

JEREMIA 46:21

A kawrsen a mang mi tla khawm chawlâ ṭangpitu hâwi hen an um. An dîr hen an do lo le, an ektê hen anna her le, an tek hep. An vânduai ni leh an siatnâk tik a tlung rawh.

JEREMIA 46:5

Sikhawmsele LALPA nih, “Zei ka muh ne?” a ti. Ningṭih hen dunglei ah anna her rawh. An kawrsen tla kîrtir hen an um le; lâunâk hen neh hen an um, an chelh rî hen an tek, dunglei rêng an hawng a her lo.

JEREMIA 6:12

An in tla chu midang sinah pêk asi lai le, chu hâwi hen an phâisen leh an nupi tla chu pêk asi lai. Hi ram minung tla hi ka rêp na awt.

JEREMIA 8:10

An phâisen chu midang a dâwngpu thar rangah ka pêk na lai le, an nupi tla midang sinah ka pêk na lai. A lian a mê hen tangka leikângah zumhkâilo hen an um. Khuavâng leh bâwlpu tla men nih mi an perpet.

LUNGFÂKNÂK 1:13

“Vân thawk hen mei a hawng thlâk mi nih ka sungah hawng ka duah. Ka rangah thang a tunh le, tual ah hawng ka siah. Churawhchun, nganfâknâk reh lo hen hawng ka kaltâk ving.

LUNGFÂKNÂK 1:2

Zân khuavâr hen a ṭap le; a mitthli chu a thinmakâ ah a luang. A lânah a hâwikawmh tla zawzawng anih rangah Thlangamhtu pakhat khawm an umlo. Amah lei ṭângṭawmtu nih an tleih le, amah dotu an si ver rawh.

LUNGFÂKNÂK 5:11

Kan nupi tla chu Zion tlângah tleihrêm hen an um le, Juda khua kip ah kan fanu tla chu an zângsual na.

MIKAH 7:5

Na zâwlbâwm khawm zumh lah na le, na hâwi khawm rinhsan lah. Na nupi sinah thu na sim mi khawm a thiamthih.