JEREMIA 38:2 - Bawm Common Language Bible Version

² “Âuzawng hi khuapi lakah umtu chu râltuknâk ah mawh, pâmnâk ah mawh, râi lakah mawh an thi lai. Sikhawmsele âuzawng suak hen Babulon mi tla sinah â pêk mi chu thah asi lai lo le, a nungnâk chu zuah asi lai,” LALPA nih a ti mi mi zapi tla sinah ka sim mi chu an theih.

JEREMIA 38:2 ပူးပေါင်းရင်းမြစ်များ

JEREMIA 21:4

“Zedekiah, Babulon lal leh a kawrsen tla dotu na kawrsen chu keimah nih ka neh awt. Na kawrsen tla râlthuam chu khuapi lâi ah ka pawng lai.

JEREMIA 24:8

“Juda lalchem Zedekiah chu a kiangkam ah mi thu thiam tla leh hi ram ah Jerusalem ah um mi mawh Aigupta ram ah kal mi tla lakah um rih mi tla chu Kei, LALPA nih theipi ei ding hen a sia tuktarâi mi hâwi hen ka ti na awt.

JEREMIA 27:11

Sikhawmsele, zei phun tal Babulon lalchem sinah a pêk hen a rianṭuan piaktu chu, chu ram ah chun ka umtir lai le, phâisen a nâwn lai le, chunah khua a sâ lai. Kei, LALPA nih ka sim asi,” a ti.

JEREMIA 27:13

Zei rangah nang leh na mi tla chu râltuknâk leh pâmnâk mawh râi lakah nan thi êu lai? Zei phun zawng Babulon lalchem sinah â pêk lo mi chu a sinah LALPA thusim a hawng tlung lai.

JEREMIA 29:16

David nih lâi a rêlnâk lalram ah lâirêltu lalchem leh chu khuapi ah mi minung tla, nan unau tla nan sinah sal ah put hen um lo mi thu LALPA nih a sim mi chu ngâi u.

JEREMIA 29:18

Râltuknâk, pâmnâk leh râi hen ka ṭhâwl na lai le, laikulh phun zawzawng tla nih chu chu an muh lai le, an lâu lai. Ka rekrâwitir na mi mun kip ah chubang hâwi hen an lakah thil a hawng tlung mi ruangah an lâu lai. Mi nih an zauhnawmh lai le, an min ah siatbarh mi tla an ti lai.

JEREMIA 34:17

Churuangah tuah Kei, LALPA nih, ka thu nan ngâilo ti ka sim asi: nan hâwi Israel rangah thawsuaknâk nan pêk na lo. A ṭha ma chu, asi chun, thawsuaknâk ka nan pêk na lai: râltuknâk, râi, pâmnâk lakah thi ding mi thawsuaknâk chu. Nan lakah thil ka ti mi hen laikulh phun kip ka lâutir na awt.

JEREMIA 39:18

Him tak hen ka nan kilkâwi lai le, thah hen na um lai lo. Keimah na hawng ka rinhsanh ruangah na nungnâk chu a him lai. Kei, LALPA nih ka sim asi,” a ti.

JEREMIA 42:17

Aigupta ram ah kal hen um tumtu zawzawng chu, râltuknâk ah mawh, sungvâng hen mawh râi lakah mawh an thi lai. An lakah pakhat khawm an him lai lo, an lakah siatnâk ka tlungtir ding mi lakah pakhat khawm an âwl lai lo,’ a ti.

JEREMIA 42:22

Churuang chun hi hi theih u: um ding duh hen nan va kalnâk ram ah, râltuknâk ah mawh, pâmnâk ah mawh, râi lakah mawh nan thi lai,” a ti.

JEREMIA 44:13

Jerusalem chu râltuk leh pâmnâk leh râi hen ka rêp mi hâwitê hen Aigupta ah um mi tla chu ka rêp na awt.

JEREMIA 45:5

Nangmah rang ê hen bulsantu na hâwl mu? Minung zawzawng tlûnah siatnâk ka hawng tlungtir lai, sikhawmsele na kalnâk zawng ah na nungnâk cho a him lai. Kei, LALPA nih ka sim asi,” a ti.

EZEKIEL 14:21

Hi hi LALPA Zahkâi nih a sim mi chu asi: “Jerusalem tlûnah rêpnâk ṭhalo chem pali, râltuknâk, pâmnâk, ramsa tla leh râi, ran leh minung bang cho veihtu ka tlungtir awt.

EZEKIEL 6:11

LALPA Zahkâi nih, “Israel mi tla nih thil fihnungkâi leh sualnâk zawzawng an ti ruangah na kut bengh le! Na kê lamhbêk le! Ngaihsia tak hen ṭap. Tuknâk lakah leh pâmnâk leh râi lakah an thi lai.

EZEKIEL 7:15

Zâwllâi ah donâk a um le, in sungah damlonâk leh sungvângnâk a um. Âuzawng ram lakah suaktu chu donâk lakah an thi lai le, âuzawng khuapi sungah um mi tla chu damlonâk leh sungvângnâk an tuar lai.