JEREMIA 38:18 - Bawm Common Language Bible Version

¹⁸ Sikhawmsele, nâ pêk lo mi asi chun, khuapi chu Babulon mi tla kut ah pêk asi lai le, annih nih an duah lai le, an kut lakah mi na suak lai lo,” a ti.

JEREMIA 38:18 ပူးပေါင်းရင်းမြစ်များ

2 Lal 24:12

lalchem Jehoiakin chu, a nu, a fapa tla, a milian tla, a lal in rianṭuantu tla chu Babulon mi tla sinah anna pêk rawh. Nebukadnezar a lâirêl kum riatnâkah Jehoiakin chu a tleih le, rêng a thlâk, Biakin ah mi thil leh lal in ah mi thil zawzawng hen Babulon leiah a kalpi.

JEREMIA 21:10

Hi khuapi hi zuah lo ding hen ka thinlung ah ka ruat mi cho asi lo, râwk dep ding hen ka ruat mi asi. Babulon lalchem sinah pêk hen a um lai le, anih nih a duah hep lai. Kei, LALPA nih ka sim asi,” a ti.

JEREMIA 27:8

“Sikhawmsele zei phun tal mawh zei lalram tal nih a dân a zûl lo chun, Nebukadnezar ka râwk dep lânlo chu, chu phun chu râltuknâk, pâmnâk leh râi hen ka rêp na awt.

JEREMIA 37:8

Babulon mi tla an hawng kîr lai le, khuapi chu an do lai le, an lâk lai le, an duah hep lai.

JEREMIA 38:23

Thu dang ka sim nawlh le, “Na nupi leh na fa tla chu Babulon leiah an put lai le, nangmah khawm na âwl lai lo. Babulon lalchem nih an tleih lai le, hi khuapi khawm duah asi lai,” ka ti.

JEREMIA 38:3

“Khuapi khawm Babulon kawrsen sinah ka pêk lai le, an lâk lai,” LALPA nih a ti mi khawm ka simh na.

JEREMIA 39:3

(Jerusalem lâk hen a um rawh chun, Babulon lalchem rianṭuantu lian tla chu an hawng le, a lâi ah mi kulh kawtkâ tla Nergal Sarezer hen Samgar Nebo, Sarsekim leh Nergal Sarezar dang tla an luah.)

JEREMIA 39:8

Chu kar chun lal in chu Babulon mi tla nih an duah le, mi zapi tla in khawm an duah le, Jerusalem kulh tla an chimh ver.

EZEKIEL 12:13

Sikhawmsele, ka lên ka zâr lai le, chu lakah ka tângtir awt. Churawhchun, Babulon khuapi leiah ka put lai le, chunah chun khua muh lo hen a thi lai.

EZEKIEL 17:15

Sikhawmsele, Juda lalchem chu a hel le, amah ṭangpitu Aigupta sinah chun rang tam tak leh kawrsen tam tak a deih ding hen a fial. Chu chu a tawng lai ma? Chu nih chun ruang a suah kho lai ma? thutiam chu a râwk kho lai lo le, rêp lo hen a um kho lai lo!