JEREMIA 32:5 - Bawm Common Language Bible Version

⁵ Zedekiah chu Babulon ah kalpi hen a um lai le, amah ka va veh lânlo chu chunah chun a um lai. Babulon mi tla chu do na menza khawmsele a neh na lai lo. Kei, LALPA nih ka sim asi,” a ti, ka ti mi ruangah lal Zedekiah nih hawng ka phiar le, chunah rêng ah hawng ka thlâk.

JEREMIA 32:5 ပူးပေါင်းရင်းမြစ်များ

2 CHRONICLES 13:12

Pathian tak chu hawng kan ruitu asi le, a bâwlpu tla khawm hinah kan sinah tâwtawrâwt hen an um le, nanmah do ding hen râltuk ding ah kawhnâk tum ding hen râlring zet hen an um. Israel mi tla, nan thlâktu tla LALPA Pathian chu do lah u! Nan neh ṭung lai lo!” a ti na.

2 CHRONICLES 24:20

Churawhchun, Pathian thlarau chu bâwlpu Jehoiada fapa Zekariah sinah a hawng tlung rawh. Mi zapi tla muh kho ding hen a dîr le, “LALPA Pathian nih zei rangah ka thupêk ngâilo hen nanmah siatnâk karo nan tlungtir! Nan kaltâk ruangah anih khawm nih an kaltâk na rawh!” a ti.

THUFING LASUIBU 21:30

Minung finghnâk leh chaknâk leh muh khonâk hi LALPA a um lo chun zeikhawm asi lo.

JEREMIA 2:37

Aigupta chu na hawitâk lai le, na ningzak tukah na buk thlo lai. Kei, LALPA nih na mi zumh tla chu ka hua na mi an si; an lakah thil zeikhawm ṭhatvaknâk na tawng lai lo,” a ti.

JEREMIA 27:22

Anmah ka âwva na lânlo chu Babulon ah kalpi hen an um lai le, chunah chun an um lai. Churawhchun, ka kîrpi nawlh na lai le, hi mun ah hin ka umtir nawlh na lai. Kei, LALPA nih ka sim asi,” a ti.

JEREMIA 32:24

“Babulon mi tla nih lâk ding hen khuapi hêl dak hen an hual hen tualpawng tla an siam, churawhchun an do na rawh. Tuknâk leh sungvângnâk leh râi nih khuapi chu an kut ah a tlûktir. Na sim mi zawzawng chu dik tak hen a hawng tlung ti na muh.

JEREMIA 32:6

LALPA nih ka sinah,

JEREMIA 37:10

Babulon kawrsen zawzawng tla chu nan neh na hen, anna liam mi puanin ah an it ko mi tla cho um na menza khawmsele, chubang tla chu an hawng thawk lai le, khuapi chu an duah nget lai,” a ti.

JEREMIA 39:4

Zedekiah leh a kawrsen tla nih chu hâwi thil a um mi an muh rawh chun zân ah khuapi mi chu suaktâk ding an tum. Lal dûm lei mi lampi hen an kal le, kulh tawnhnâk kawtkâ ah an suak le, Jordan vakuam leiah an kal.

JEREMIA 39:5

Sikhawmsele, Babulon kawrsen nih an ṭhâwl na le, Jeriko kiang mi phâi ah Zedekiah chu an tleih rawh. Churawhchun, lalchem Nebukadnezar, Hamat ram ah Riblah khuapi ah a um mi sinah an kalpi le, chunah chun a tlûn thu lâi a rêl piak.

JEREMIA 39:7

Chu nûnah chun Zedekiah chu a mit an chawih zek le, rêng an khimh le, Babulon leiah an kalpi.

LUNGFÂKNÂK 1:14

“Ka sual singsiahnâk zawzawng chu a lâk le, a têl hep; Ka ngâwng ah hawng ka awih le, chu rit nih chun hawng ka uaitir dadauh. LALPA nih ka mêlma sinah hawng ka pêk le, An lakah mi ṭangpitu ding ka nei lo rawh.

EZEKIEL 12:12

An tlûnah lâirêltu lal chu mûi lakah a thil têl a liangah a thâng lai le, a rangah vâm âwng an siam mi lakah a suak lai. A mit a tuam pang lai le, zei leiah a kal awt ti khawm a muh lai lo.

EZEKIEL 12:13

Sikhawmsele, ka lên ka zâr lai le, chu lakah ka tângtir awt. Churawhchun, Babulon khuapi leiah ka put lai le, chunah chun khua muh lo hen a thi lai.

EZEKIEL 17:15

Sikhawmsele, Juda lalchem chu a hel le, amah ṭangpitu Aigupta sinah chun rang tam tak leh kawrsen tam tak a deih ding hen a fial. Chu chu a tawng lai ma? Chu nih chun ruang a suah kho lai ma? thutiam chu a râwk kho lai lo le, rêp lo hen a um kho lai lo!

NUMBER 14:41

Sikhawmsele Mosi nih, “Asi chun zei rangah tuah Pathian lakah ê-aw nan ngâilo ne? Nanna dingchang rerêng lai loh.