JEREMIA 32:41 - Bawm Common Language Bible Version

⁴¹ An rangah thil ṭha ti ding hen thinlung thawk tak hen ka ti lai le, hi ram hi luah kumza ding hen ka birhtir na lai.

JEREMIA 32:41 ပူးပေါင်းရင်းမြစ်များ

SAM 80:8

Aigupta thawk hen grep zûn na suah le, Phundang tla chu na nar na le,

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

ISAI 62:4

“Kaltâk mi” ti hen kawh na si lai lo rawh le, Na ram khawm “Nupi mâkchia” ti hen kawh asi lai lo rawh. Na min thar chu Heph-zi-bah (Pathian a sinah â lâwm mi) ti asi lai. Na ram chu Beaulah (Lâwm tak hen umpi mi) ti asi lai. LALPA chu na lakah â lâwm ruangah leh Na ram rangah chun pasal hâwi asi ruangah.

ISAI 62:5

Tlangvâl nih nungâk thenhlimh mo a lâk mi hâwi hen A nan siamtu nih a nan umpi lai. Pasal chu a nupi thar lakah â lâwm mi hâwi hen, Na Pathian chu na lakah â lâwm lai.

ISAI 65:19

Keimah ngelchel khawm Jerusalem leh a mi tla ruangah ka lâwm lai. Chunah chun ṭapnâk khawm a um lai lo, ṭangpi ding sâwmtu khawm a um lai lo.

JEREMIA 18:9

Chu lo khawm ah phun tla leh lalram tla chu ka phun hen ka dirh lai ti menza khawmsele,

JEREMIA 24:6

Ka vêng na lai le, hi ram ah hin ka kîrpi nawlh na lai. Ka dirh nawlh na lai le, ka siat nawlh na lai lo; ka phun na lai le, ka phâwi na awtlo.

JEREMIA 31:28

Phâwi hen, siat phin hen, lawnh ving hen, veih ving hen, râwk dep na ding ka tum thlir na mi hâwi hen, anmah phun ding leh dirh ding ka tum thlir awt.

EZEKIEL 36:36

Chu tikah an kiangkam ah phun tla thibang tla nih, kei, LALPA nih khuapi râwk chia ka dirh nawlh mi leh phâisen râwk rawh mi ka phun nawlh mi asi ti an theih lai rawh. Kei, LALPA nih hi hi ti ding hen thu ka tiamh mi chu ka ti lai,” a ti.

HOSEA 14:5

Israel mi tla sinah, ram châr lakah ruah sûr mi hâwi kasi lai. Chawmpâr hâwi hen an ên lai, Lebanon ah thing tla hâwi hen ram bir tak an thlâk lai.

AMOS 9:15

Ram ka pêk mi lakah ka mi tla chu ka umtir na lai le, an siat nawlh lai lo rawh,” a ti. LALPA, na Pathian nih a sim mi asi.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

DEUTERONOMY 28:63

LALPA nih nan sul-le-lam a tluang tir hen zantir na ding a duh mi hâwitê hen nan lakah an veih na ding leh siatnâk nan tlûnah tlungtir ding a duh rûl rawh. Nan umnâk ram ah mi an ṭhial ving na lai.

DEUTERONOMY 30:9

Nan thilti zeizawng lakah LALPA nih nan sul-le-lam a tluangtir lai le; fa tam tak leh ranrual tam tak nan nei lai le, nan phâisen nih fâng tam tak a suah lai. A nan thlâk natu tla sul-le-lam tluangtir a duh mi hâwi hen, nan sul-le-lam tluangtir ding thungâi a duh lai,