JEREMIA 32:4 - Bawm Common Language Bible Version

⁴ Babulon lalchem sinah pêk hen a um lai; mêl leh mêl muh hen anna sâwn lai.

JEREMIA 32:4 ပူးပေါင်းရင်းမြစ်များ

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

JEREMIA 25:35

Nan rangah suaknâk lampi a um lai lo.

JEREMIA 34:21

Juda lalchem Zedekiah leh a rianṭuantu tla khawm anmah thah duhtu tla kut ah ka pêk na lai. Babulon kawrsen tla nanmah dotu an bâng rawh mi sinah ka nan pêk na lai.

JEREMIA 34:3

Nan suak lai lo; tleih nan si lai le, a sinah pêk nan si lai. Mêl leh mêl nanna muh lai le, amah chu na sawnh lai le, chu tikah Babulon ah na kal lai.

JEREMIA 37:17

A nehnûn chun lalchem Zedekiah nih hawng ka kawh le, lal in ah a thuptê hen thu hawng ka deih, “LALPA thawk hen thuchah a um ma?” a ti. “Kei nih, “Um ta a,” ti hen ka sâng le, “Babulon lalchem sinah pêk hen na um lai,” ka ti.

JEREMIA 38:18

Sikhawmsele, nâ pêk lo mi asi chun, khuapi chu Babulon mi tla kut ah pêk asi lai le, annih nih an duah lai le, an kut lakah mi na suak lai lo,” a ti.

JEREMIA 38:23

Thu dang ka sim nawlh le, “Na nupi leh na fa tla chu Babulon leiah an put lai le, nangmah khawm na âwl lai lo. Babulon lalchem nih an tleih lai le, hi khuapi khawm duah asi lai,” ka ti.