JEREMIA 32:34 - Bawm Common Language Bible Version

³⁴ Keimah sawnhnâk ding Biakin an sak mi lakah an milem fihnungkâi tla an siah le, an nâwmtir.

JEREMIA 32:34 ပူးပေါင်းရင်းမြစ်များ

2 Lal 21:1

Manaseh chu kum leinih mi asi liauah Juda lalchem a hawng si, Jerusalem ah kum sâwmnga leh kum nga lâi a rêl. A nu chu Hepzibah asi.

2 Lal 23:6

Biakin ah mi Aserah pathiannu lem chu Kidron Vakuam ah khuapi ah mi chu a lâk, a duah le, a rial dip, zatlâng vûinâk mun lakah a vawrh hep.

2 CHRONICLES 33:15

Biakin ah mi ram dang pathian tla, chu mun ah milem a siah mi tla, tlâng tlûnah lunglotu mâichâm biakin ah a siah mi leh Jerusalem mun dang dang mi tla chu khuapi lênglei ah a lawnh phin na.

2 CHRONICLES 36:14

Chu lâwng khawm silo hen Juda tla lakah ruitu, bâwlpu tla leh mi zapi tla khawm nih an kiangkam ah mi phun tla tidân zûl hen milem tla an sawnh le, LALPA amah ngelchel nih a thenhlimhtir mi Biakin khawm an nawmh rawh.

JEREMIA 19:4

Mi nih hawng ka kaltâk hen pathian dang tla, an thlâktu tla leh Juda lalchem tla khawm nih an theih lo thlo mi pathian tla sinah bâwlnâk ap hen hi mun hi an nawmh ruangah hi hi ka ti awt mi asi. Hi mun hi sual nei lo mi minung thisen hen an khattir le,

JEREMIA 23:11

LALPA nih, “Khuavâng leh bâwlpu tla khawm pathian nei lo mi an si; Pathian Biakin takah thilsual an ti mi ka tleih na.

JEREMIA 30:14

A nan dâwt natu zawzawng nih a nan philh na rawh; nannih rerêng an sunhsak na lo rawh. Mêlma hâwi hen ka nan do na; nan sualnâk a tam tuk ruangah leh nan ṭhatlonâk a fâk tuk ruangah nan rêpnâk khawm a fâk khun.

JEREMIA 34:15

Ni sâwtlotê kar nan thinlung nan lêt le, ka duhzia nan ti. Nan ektê hen nan hâwi Israel tla chu suah na ding hen rem nan ti le, keimah nan ka sawnhnâk Biakin ah ka mâika ah thudântuk nan siam.

JEREMIA 44:4

Ka to-aw khuavâng tla, hi thil ṭihnungkâi ka hua mi hi ti lo rawh ding hen an simh na ding hen ka hawng fial kumza.

JEREMIA 7:10

Hi bang thil ka hua mi tla hi nan ti le, ka Biakin takah nan hawng le, ka mâika ah dîr hen ‘Kan him mi rawh!’ nan ti.

JEREMIA 7:30

“Juda mi tla nih thilsual an ti. Ka Biakin ah ka hua tak mi milem an siah le, an nawmh.

JEREMIA 7:31

Hinom Kuam ah Topheth an ti mi mâichâm an siam le, chunah chun an fanu leh an fapa bâwlnâk ding hen mei ah an rawh ding hen. Chu hâwi ti ding hen thu ka pêk na lo le, ka thinlung khawm ah chu hâwi ti ding hen a um lo.