JEREMIA 32:30 - Bawm Common Language Bible Version

³⁰ A tîr thawk hen Israel mi tla leh Juda mi tla thâwngthâng nih an ka lawmhtir lo le, an thilti hen ka thin an hawng ka runhtir.

JEREMIA 32:30 ပူးပေါင်းရင်းမြစ်များ

JEREMIA 25:7

Sikhawmsele, LALPA amah tak nih a thu nan ngâi duh lo mi a sim. Chu ngâk hen milem siam hen a thin nan runhtir le, a nan rêp na nâk chu nanmah nih nan tlûnah nan tlungtir.

JEREMIA 22:21

Sul-le-lam tluang tak hen nan um liauah LALPA nih nan sinah thu a sim le, sikhawmsele nan ngâi duh lo. Chu tak chu nan dam sung zawng ah nan thilti asi; LALPA thu rêng nan ngâi duh lai lo.

JEREMIA 3:25

Ningzak hen kan rîl thlo lai le, kan ningzaknâk nih hawng kan khuh seh. Kan thlâktu leh kanmah khawm LALPA kan Pathian lakah kan sual kumza; a thupêk khawm kan ngâi dahlo,” nan ti.

JEREMIA 2:7

Ram ningno, a fângzûn leh a thil ṭha dang lakah a lâwm ding hen ka kalpi na. Sikhawmsele, ka ram chu an râwk le, ka pêk na mi ram chu an nawmh.

ISAI 63:10

sikhawmsele a lakah an hel le, a ngaih an siatir. Churawhchun, LALPA chu an mêlma ah â chang le, a do na rawh.

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

EZEKIEL 23:3

An nungâk liauah Aigupta ah an um le, an nungâk thenhlimh sinâk an thlâu le, â zuar mi nunau ah anna chang.

EZEKIEL 20:28

Pêk ding hen ka tiamh na mi ram ah ka kalpi na. Tlâng sâng tla leh thing ring tla an muh rawh chun chu lakah bâwlnâk an ap. Bâwlnâk an duah mi leh uain an ap mi hen ka thin an ka thawktir.

EZEKIEL 20:8

Sikhawmsele an ka siarlo le, ngâi ding an duh lo. An milem fihnungkâi khawm an lawnh duh lo, Aigupta pathian khawm an nawng lo. Aigupta ah ka thinthawknâk fâk tak theihtir na ding hen ka tîm rawh.

JEREMIA 8:19

Ngâinik u! Ram pumpi ah ka mi tla ṭap hâu ka theih, “Zion ah LALPA a um lo rawh na maw? Chunah chun Zion lalchem a um lo rawh na maw?” ti hen, LALPA, an lalchem nih a sâng le, “Zei rangah nan milem tla sawnh hen leh nan ramdang pathian tla zeikhawm silo mi sinah kûn hen ka thin nan ka thawktir?” a ti.

JEREMIA 11:17

“Kei, LALPA Zeizawng tikho nih, Juda leh Israel chu ka phun na le; sikhawmsele tu chun siatnâk hen ka lauh na. Thil diklo an ti ruang chun hi bang hi anmah nih an lakah an tlungtir le, Baal sinah bâwlnâk pêk hen ka thin an ka thawktir,” a ti.

JEREMIA 30:14

A nan dâwt natu zawzawng nih a nan philh na rawh; nannih rerêng an sunhsak na lo rawh. Mêlma hâwi hen ka nan do na; nan sualnâk a tam tuk ruangah leh nan ṭhatlonâk a fâk tuk ruangah nan rêpnâk khawm a fâk khun.

JEREMIA 36:2

“Lasuibuzual lâk le, Israel leh Juda mi leh phun zawzawng thu ka nan simh mi zeizawng chu rîn rawh. A tîr ah, Josiah a lal liauah thil zeizawng ka nan simh mi thawk hen tu tiang mi thu ka nan simh mi chu rîn ver.

JEREMIA 44:3

An mi tla nih thilsual an ti mi leh ka thin an ka thawktir mi ruangah tu khawm ah râwk kumza hen an um nget rih le, pakhat khawm chunah chun an um lo. Anmah khawm nih, nanmah khawm nih a nan thlâk natu tla khawm nih an sawnh dahlo mi pathian dang tla sinah bâwlnâk an ap le, a rian an ṭuan.

JEREMIA 25:6

Pathian dang tla sawnh leh a rianṭuan lo ding leh milem nan siam mi tla sawnh hen LALPA thin nan thawktir lo ding hen a nan simh na. LALPA thu ngâi ule chu, a nan rêp na lo ding mi.

JEREMIA 44:8

Um ding hen nan hawngnâk Aigupta ram ah hin milem tla sawnh hen pathian dang tla sinah a bâwl hen zei rangah ka thin nan ka thawktir? Tual tlûnah mi phun kip nih a nan zauhnawmh na ding leh siatphurh min nan put ding hen nanmah siat leh râwknâk ding ah hi hi nan ti mi asi lo ma?