JEREMIA 32:18 - Bawm Common Language Bible Version

¹⁸ Sâng tam tak tla sinah na dâwtnâk dawnglo na zauhtir le, sikhawmsele an nu leh an pa sualnâk ruangah mi tla na rêp na. Nang chu Pathian rokual leh thiltikho tak na si; nang chu LALPA Zeizawng tikho na si.

JEREMIA 32:18 ပူးပေါင်းရင်းမြစ်များ

GENESIS 49:24

Sikhawmsele, a chanhtiang kûk chu a khauh kumza le, A bân tha chu chaktir hen a um, Jakob Pathian chak thiltikhonâk hen, Israel Vêngtu Dawrâpu chaknâk hen.

2 Lal 9:26

mazân ah Naboth leh a fapa tla an thah na mi ka muh, hi phâisen mun ah hin ka nan rêp lai, ti hen thu ka sim asi a ti mi kha theih ko me,” a ti le; amah Jehu ṭangpitu nih Joram ruak chu a lâk le, Naboth phâisen ah a lawnh rawh. LALPA nih a sim mi thu a tlung khonâk ding hen.

NEHEMIAH 1:5

“LALPA, vân ah mi Pathian! Nang chu na rokual le, kannih chu nangmah ṭih hen kan um ko. Nangmah dâwttu leh na thupêk hâwi hen thil titu sinah chun na Thudântuk lakah rinhsanh tlâk na si.

SAM 50:1

LALPA, Pathian zeizawng tikho nih saklei, thlanglei laikulh zawzawngah mi a kawh na le, thu a sim:

SAM 89:9

Tipi thiltikho tak tlûnah lâi na rêl le; a tlingtlawknâk chu na rehtir.

EXODUS 34:6

LALPA chu a kiangah a hawng le, Mosi rangah a kawh, “Kei, LALPA Pathian, lungkham leh siherhnâk nei mi kasi, mi nunfual leh dâwttu rokual zumhkâi kasi.

EXODUS 34:7

San sâng tla tiang thutiam kil thlirtu leh sualnâk leh palhnâk ngaihdamtu kasi; sikhawmsele, an tu leh fa tla san thum leh san li thlâk tiang an nu leh an pa sualnâk ruangah ka rêp na ding mi chu an âwl rerêng lai loh,” a ti.

ISAI 10:21

Israel mi tâwmtê cho an Pathian chak sinah an hawng kîr nawlh lai.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

JEREMIA 10:16

Jakob Pathian lam chu anmah hâwi asi lo; zeizawng siamtu asi le, Israel mi tla chu amah mi tak siding hen a thîm na. A min chu LALPA Zeizawng tikho asi.

JEREMIA 10:6

LALPA, nang hâwi mi âukhawm an um lo; nang chu na chak le, na min chu a rokual hen thil a tikho.

JEREMIA 20:11

Sikhawmsele, LALPA, nang chu keimah leiah ṭângṭawm mi na si, na chak hen na vak le, hawng ka nehsawhtu tla chu an tlawlh lai. Anna dingchang lo ruangah mualpho hen an um kumza lai. An ningzaknâk chu zeiliau khawm philh asi lai lo!

JEREMIA 31:35

LALPA nih sûn ah cherhtu rang ding ah nî a pêk le, zân cherhtu rangah thlâ leh ârfi a pêk. Tipi tla a chawk le, hâu a suaktir; a min chu LALPA Zeizawng tikho asi.

JEREMIA 33:2

LALPA, tual siamtu; tuahtu leh a mun ah siahtu nih ka sinah thu a sim. A min LALPA si mi nih chun,

JEREMIA 50:34

Sikhawmsele, anmah tla ruangsuahtu chu a chak asi, a min chu LALPA Zeizawng tikhotu asi. Amah nih an tuar ding mi chu tuar hen tual ah thlangamnâk a tlungtir lai le, sikhawmsele Babulon mi tla rang chun lawksawngnâk asi lai,” a ti.

DANIAL 2:45

Âu tawngh tham lo hen lung a beuh le, a hawng rîl mi nih milem, thîr, dâr, valei, tangkasa, ngûn hen siam mi a denh mi na muh. Pathian rokual nih hi nûnthâi ah thil a hawng tlung ding mi nang lal rangah a nan simh mi asi. Na mang na manh mi tak leh a simfiangnâk chu ka nan simh hen ka nan pêk rawh asi,” a ti.

HABAKUK 1:12

LALPA, nang chu a tîr thawk hen Pathian na si. Nang chu zungzâl ka Pathian thenhlimh na si. LALPA, ka Pathian leh hawng ka humtu, Babulon mi tla chu hawng kan rêp ding hen na thîm le, chak tak hen na siam.

NUMBER 14:18

‘Kei, LALPA mi nunfual kasi, mi hel tla lakah zângfahnâk rokual leh sual ngaihdamtu ding hen mi zumhkâi kasi, na ti asi lo ma?’ An nu leh an pa sual ruangah an tu leh an fa tla san thum leh san linâk tiang hen ka rêp na awt ti rawh khawm le;

MATHAI 27:25

Chun, zatlâng zawzawng nih, “A thihnâk mawh chu kanmah tlûnah leh kan fa tla tlûnah um seh,” ti hen, an sâng.

LUK 6:38

Pêk u, pêk hen nan um lai; ṭhanemsemsê ngâi tak a tah hen, beng zat hen, ninh zat hen, liam pualmâl hen, nan kut ah an pêk na lai. Nan tahnâk lîlâ hen an tah piak na awt dangâiah,” a ti.

DEUTERONOMY 10:17

LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

DEUTERONOMY 7:21

Churuangah hi minung tla hi ṭih na lah u. LALPA nan Pathian nan sinah a um; amah chu Pathian rokual leh ṭih ding mi chu asi.