JEREMIA 3:9 - Bawm Common Language Bible Version

⁹ ningzak theihlo thlo hen a um. Lung leh thing sawnh hen ṭângdang a pawm le, ram a nâwmtir.

JEREMIA 3:9 ပူးပေါင်းရင်းမြစ်များ

ISAI 57:3

Nannih misual tla, nan lâirêl ding hen hinah hawng u! Dâwithiam, ṭangdang pawmtu tla, nunau â zuar mi ngâk hen nan ṭha dauh lêm lo.

ISAI 57:6

Chunah mi lung a mil dan mi tla chu nan lâk le, pathian tla hâwi hen nan sawnh. An sinah uain tla ap hen nan thlêt le, fâng thil ap tla nan put piak na. Hi bang zawzawng lakah hin lâwm ding hen ma nan ka ruat?

JEREMIA 10:8

An ektê hen an â hen ê-aw an ngâilo. Thing milem thawk hen zei me theihnâk an nei kho?

JEREMIA 16:18

Ka ram chu ruak hâwi hen a nung lo mi milem hen an nâwmtir hen an pathian diklo tla hen an khattir ruangah an ṭhatlonâk leh an sual man chu a lehnih hen ka pêk na awt,” a ti.

JEREMIA 2:27

Nannih thing rangah ka pa titu leh lungpi rangah ka nu titu tla, nan ektê hen nan ning a zak lai. Keimah leikângah hawng a her lo hen nan hawng ka hertâk ruangah hi bang tla hi a hawng tlung lai. Sikhawmsele nan lawksawng liau chun hawng kal hen ruang a nan suah na ding hen nan ka deih.

JEREMIA 2:7

Ram ningno, a fângzûn leh a thil ṭha dang lakah a lâwm ding hen ka kalpi na. Sikhawmsele, ka ram chu an râwk le, ka pêk na mi ram chu an nawmh.

JEREMIA 3:2

Tlâng tlûn tla khi zauhnik. Nunau â zuar mi hâwi hen na ti lonâk mun rerêng a um ma? Arab mi nih ramkaro ah mi thah ding an bawh mi hâwi hen lamvâu ah na duh mi tla na bawh vima na. Na zuarnâk hen ram chu na nâwmtir.

EZEKIEL 16:17

Ngûn leh tangka leh lungmantam ka nan pêk mi chu na lâk le mipa lem ah na siam le, chu tla lakah chun ṭângdang na ka pawmtâk.

EZEKIEL 23:10

A nipuan an lît piak le, takkaro hen an siah le, a fapa leh a fanu tla an tleih le, amah chu nâmsâu hen an thah. A thihnâk chu munkip ah mi nunau nih thuruatnâk ah an mang.

EZEKIEL 23:21

(Obolibah, Aigupta ram ah na nungâk liauah hur hen na sual le, chunah mipa tla nih na nûk an pangpi le, na nungâk thenhlimh sinâk na veih mi kha ti nawlh ding na duh asi.)

EZEKIEL 23:3

An nungâk liauah Aigupta ah an um le, an nungâk thenhlimh sinâk an thlâu le, â zuar mi nunau ah anna chang.

HOSEA 2:2

Ka fa tla, nan nu chu ka nupi silo rawh hen kei khawm a pasal silo rawh khawmsele a rangah ngiar u. Ṭângdang hawng ka pawmtâk mi leh â zuar mi chu bâng rawh ding hen ngiar u.

HOSEA 4:12

Thing phel tla rangah thu an deih le, ṭhianṭhunh nih an duh mi thu a simh na! Kei lam chu an ka nawng, nunau â zuar mi hâwi hen pathian dang tla sinah anna pêk.

JOEL 1:19

LALPA, ram ningno tla a châr le, mei nih a khangh hep ruangah ka nan auh asi.

HABAKUK 2:19

Thing pheltê sinah, “Meng” mawh, thing tan sinah, “Thawk!” na ti mi ruangah na vânduai rawh! Milem nih zei thil me a langh? Tangkasa leh ngûn hen luanh mi sikhawmsele, amah lakah nungnâk a um lêm lo.

MATHAI 5:32

Kei lam nih chun, âuzawng tlangvâl duh ruangah silo hen nupi mâktu vial nih chun amah chu ṭângdang a pawmtir asi; chun, âuzawng mi mâk chia umpitu chu ṭângdang a pawmtâk asi ti ka nan simh na.